Қазақстан тарихы арқылы отаншыл ұрпақ тәрбиелеу

Қазақстан тарихы - Отаншыл ұрпақты тәрбиелеу

ҚР Президенті Н.Ә.Назарбаевтың «Қазақстан – 2050 стратегиясы- қалыптасқан мемлекеттің жаңа саяси бағыты» деген Жолдауы жастарымызды Отаншылдыққа, патриотизмге баулуға шақырады. Елбасы «Білім беру жүйесін жаңарту барысында олардың орындалуының маңызы зор. 1. «Оқу жастарға тек білім беріп қана қоймай, оларды әлеуметтік бейімдеу үрдісіне пайдалана білуге де үйретуі тиіс» деп нақтылады. 2. «Оқыту үрдісінің тәрбиелік құрамдасын күшейту қажет. Олар – патриотизм, мораль мен парасаттылық нормалары, ұлтаралық келісім мен толеранттылық, тәннің де жанның да дамуы, заңға мойын ұсынушылықтардың қолжетімділігін кеңейту туралы мәселені шешуді тапсырамын» « - деп атап көрсеткен болатын.

Қазақ халқының патриоттық тәрбиесінің тамыры тереңде жатыр. Ал патриотизм – Отанға деген сүйіспеншілік, адам бар бойындағы күш-қуатын, ерік –жігерін Отан игілігі мен мүддесіне аямай жұмсау, туған жерін, ана тілін, халқының әдет-ғұрпы мен салт-дәстүрін құрметтеу. Отан адамның бойында патриоттық сезімді туғызатын ең басты шарты.

Қазіргі кезеңде Қазақстандық патриотизмге тәрбиелеу ісі мемлекеттік идеологияның темірқазығына айналуда.Жас ұрпқтың бойында жоғары патриоттық сананы қалыптастыру, өз елі, жері үшін мақтаныш сезімі, азаматтық борышын орындауға деген дайындығын тәрбиелеуде Қазақстан тарихын оқытып үйретудің маңызы зор.

«Мәдени мұра» - ұлт болып қалыптасуымыздың берік темірқазығына айналуы тиіс» - деп атап көрсеткен болатын Н.Ә.Назарбаев.

Елімізде ақпараттық технологияны еркін меңгерген жас ұрпақтың ертеңгі күні төл тарихын білмейтін, өздерінің ата-бабаларын танымайтын, өздерін ұлы мәдениет мұрагерлері екенін түсінбейтін жас ұрпағымыздың болмауына мына біздер, яғни ұстаздар жауаптымыз.

Келешекте дені сау, білімді, рухы күшті, өз ұлтын тілін, тарихын құрметтейтін Отанымыздың рухын жоғары көтеретін азамат тәрбиелеу әрқайсымыздың міндетіміз.

№90 Абай ЖОМ тарих пәні мұғалімі

Накипова Жанат Ашимовна