Қазақстан тарихын оқытуда әртүрлі тапсырмаларды қолдану

Әдістемелік құрал тақырыбы: «Қазақстан тарихы пәнінен білім берудің сапасын жетілдіруде әр түрлі тапсырмаларды қолданудың тиімділігі».

Әдістемелік жұмысында қазіргі Қазақстан тарихы пәнінде әр түрлі тапсырмалардың қолдану тиімділігін, мәселелерін шешу жолдары, негізгі әдіс-тәсілдерін жан-жақты талдап зерттеген. Зерттеу барысында қазіргі уақыт талабына сай жұмыс процесінде тарих сабағында әр түрлі тәсілдермен жұмыс сапасын жақсарту жолдарын атап көрсеткен.

Ізденуші әдістемелік жұмыс тақырыбына байланысты әдебиеттерге аналитикалық және синтетикалық талдау жасаған. Әр түрлі тапсырмаларды қолдану тиімділігін деректемелермен құжаттардың мол қорын пайдалана отырып орындағаны көрініп-ақ тұр.

«Қазақстан тарихы» пәнінің тарихи материалын оқып, танып білу және оны меңгеру үшін көптеген тәсілдер мен құралдар қолданылған. Оқушылардың іс-әрекетін, ойлау, таным қызметін дамытуға бағытталған бұл әдістер белгілі бір жоспармен, жүйемен жүргізілген.

Сын тұрғысынан ойлау тапсырмалары, дидактикалық материалдарды пайдалану, сюжеттік-рөлдік ойындар түріндегі сабақтар, анықтамалық оқыту әдісін пайдаланған.

Оқу-танымдылық іс-әрекетін дамыту үшін ақпараттық материалдармен жұмыс кең қолданылады. Осы арқылы білім алушылар мәтінмен жұмыс жасауға үйренеді, яғни көпшілікке арналған ақпаратты нысандармен қалыпты жұмыс жасау құралдарын меңгереді. Сонымен, зерттеу, проблемалық зерттеу тапсырма түрі, тарихи көркем шығармаларды пайдалану әдісі қолданылған.

Мұғалім өз ойын шеберлікпен сауатты, қисынды жеткізу тұрғысынан дайындығын байқатты.

Әдістемелік жұмысының материалы жүйелі түрде құрылған. Әдістеме жұмысында Тарих пәнінің жаңа имиджін қалыптастырудың әдіс-тәсілдері, қазіргі уақыттағы ерекшеліктері мен ұйымдастырудың формалары қызықты әрі тартымды етіп баяндалған.

Айтарлықтай ескертулер жоқ. Сондықтан бұл әдістемелік жұмысты өте жақсы деген бағаға бағалап, қорғауға жіберуге болады деп сенім білдіремін.