Қазақстан таулары бойынша 4-сынып сабақ жоспары

Тақырыбы: Қазақстан таулары

Мақсаты:

1. Оқушыларға таулар , таулардың төбелер мен қыраттардан айырмашылығы жайында түсінік беру.

2.Ойлау, өз ойын жүйелеп жеткізе білу қабілеттерін, тіл байлығын дамыту.

3.Тазалыққа, адамгершілікке тәрбиелеу.

Сабақ типі: Аралас сабақ.

Әдісі: Түсіндіру, сұрақ-жауап, әңгімелеу.

Көрнекілігі: Физикалық карта, суреттер

Барысы:

Ұйымдастыру кезеңі: Сабаққа дайындық Оқушы назарын сабаққа аудару.

Үй тапсырмасын тексеру кезеңі:

Мазмұнын сұрау.

Қандай тақырыппен таныстық?

Жазық дегеніміз не?

Жазықтың қандай түрлері бар?

Жыра қалай пайда болады?

Жыраны тоқтату жұмыстары қалай жүргізіледі?

Картадан ойпатты және қыратты жазықтарды табу.

Мақсатын қою кезеңі: Сабақтың тақырыбын, мақсатын хабарлау «Таулар»

Жаңа материалды түсіндіру кезеңі: Түсіндіру:

-Балалар, тау дегенді бәріміз де білеміз.Ол жер бетінің ерекше биік жері.

Таулардың төбелерден айырмашылығы неде деп ойлайсыңдар? (өз пікірлерін тыңдау,түсінік беру).

Таулар жайында толық мәлімет беру.

«Сен білесің бе?» Дүние жүзіндегі «ең жылдам қар» біздің Шымбұлақта екен.

«Шымбұлақ»дүние жүзіндегі тау шаңғысы курорттарының ішіндегі ең таңдаулы үштікке кіреді. Сарамандық жұмыс.

Физикалық карта бойынша Сарыарқа, Алтай, Тянь-Шаньды тауып, биіктік шкаласы бойынша биіктігін анықтау.

Қазақстанның физикалық картасы бойынша еліміздегі құрлық бетінің қандай түрі басым екенін анықтау.

Оқулықпен жұмыс. Тізбектей дауыстап оқыту.

Дәптермен жұмыс. Күн ретін, ауа райын жазу.

Қазақстандағы таулар атауларын жазу, Дәптерге анықтамаларды жазу, гандола аспалы жолының сипаттамасын жазып алу.

Бекіту .

-Сонымен, тау деген не?

- Төбе мен қыратты таудан қалай айыруға болады?

-Биік таулардың аласа таулардан айырмашылығы неде?

-Тауды қандай шаруашылыққа пайдаланады?

-Таулы аймақтарда көктемде қандай қолайсыз жағдайлар тууы мүмкін?

Біздің еліміздің физикалық картасы бойынша ел аумағында құрлық бетінің қандай түрі басым екенін көрсетіп, айтып беру.(оқушылар өздері)

Үйге тапсырма беру кезеңі: 32,33- беттерді оқу, мазмұны.оқу.

Бағалау.