Қазақстан таулары туралы төртінші сынып сабақ жоспары

ӨЗIН-ӨЗI ТАНУ ПӘНІ МЕН ДІНИЕТАНУ ПӘНІНІҢ ИНТЕГРАЦИЯЛАНҒАН САБАҚ ЖОСПАРЫ

Мектеп Алматы қаласы, Түрксіб ауданы №76 жалпы білім беретін мектеп

Тақырып Қазақстан таулары.

Құндылық қиянат жасамау

Қасиеттер қамқорлық, барлығына сүйіспеншілікпен қарау

Сабақтың мақсаты:

Мақсаты:

Ел, жер, тау-тасын білу арқылы әсемдікті түсінуге, оқушының шындыққа көзқарасын қалыптастыруға жағдай жасау.

Сабақтың міндеттері:

- Қазақстанның бай табиғаты туралы білімдерін тереңдету;

- табиғатты, қоршаған ортаны таза ұстауға, оны қорғауға, сақтауға баулу;

- қиянат жасамау құндылығы арқылы туған елінің әсем табиғатына сүйіспеншілікпен қарап, қамқорлық жасауға тәрбиелеу.

Ресурстар: суреттер, слайд

Сабақтың барысы:

Сыртқы интеграция (өзін-өзі тану сабақтарының әдістемелік тәсілдерін қолдану)

І.Ұйымдастыру кезеңі

5Т ережесімен таныстыру

1. Тәртіп 2. Талап 3. Тыныштық 4. Тазалық 5. Татулық

Жағымды көңіл күйге келу. Нұрға бөлену жаттығуы

2. Үй тапсырмасы.

Жазық дала. Төбе. Жыра. Жазық

Үй тапсырмасын сұрақ-жауап арқылы тексеру:

Жазық деп нені айтады?Жыра неден пайда болады?Жыраның сайдан қандай айырмашылыға бар?

Қазақстанның физикалық картасы.Кім білгіш?Жасыл түс – ойпатты жазықтар.Сарғыш түс – қыратты жазықтар.Қоңыр түс – таулар.

3. Дәйексөз:

«Асқар таудай алып бол, Әппақ күндей жарық бол»

Халық мақалы

Шығармашылық жұмыс

1 топ. Қазақстандағы тауларды ата.2 топ. Таулардың пайдасы туралы әңгімеле.3 топ. Таудың төбе мен қыраттан айырмашылығы. Аласа тау мен биік тау.

Ішкі интеграция (сабақтың мазмұнына жалпыадамзаттық құндылықтарды интеграциялау)

Таулар-табиғаттың ғажайып кереметтерінің бірі. Тау дегеніміз етегі, шыңы, басы, беткейі, өзен аңғарлары бар, жердің тастардан тұратын ауқымды бөлігі. Жер бетінің жазықтан 200 метрден астам биіктікте көтеріліп жатқан бөлігін тау дейміз. Таудың биіктігі әртүрлі болады. Таулар атмосферадағы ылғалды өздеріне тартып, ғаламшарымыздағы су айналымын реттеп тұрады. Сол сияқты біздің де бойымызда ақиқат, сүйіспеншілік, дұрыс әрекет, ішкі тыныштық, қиянат жасамау құндылықтары жарыққа шыққанда ғана біз рухани биік тұлға бола аламыз.

Бір кездердегі биік таулар миллиондаған жылдар бойы жел мен жаңбыр, қар мен ағын су әсерлерінен мүжіліп, аласаруынан, яғни сыртқы күштердің әсерінен өзгеріске ұшырайды. Тау – биік, әдемі, айналасындағы адамдарға пана болады.