Қазақстан туралы мектепке дейінгі балаларға ашық сабақ

Тақырыбы: «Елбасы- елдің тұтқасы»

Мақсаты: Елбасы туралы толық мағлұмат беру, балалардың өз еліне, туған жеріне деген сүйіспеншілік сезімдерін арттыру, Отанын сүюге тәрбиелеу, еліміздің тарихы туралы түсінік беру.

Көрнекілік құралдар : Тақырыптар бойынша суреттер ( Н.Ә.Назарбаев, рәміздер, Астана қаласы), слайд.

Әдіс- тәсілдер: Түсіндіру, сұрақ-жауап, әңгімелеу, үйрету, мақал-мәтел.

Ұйымдастыру кезеңі:

Ән: «Әнұран»

Тәрбиеші:

Балалар, сендер білесіңдер ме, біздің Отанымыз қалай аталады?

Қазақстан.

Дұрыс айтасыңдар, балалар. Отанымызға арнап әдемі ән арнап арнап берейік.

Ән: «Отан-ана»

Балалар Отанымыз Қазақстан туралы тақпақ айтайықшы:

Сарқылмайтын қуатым,

Тірегімсің-Қазақстан.

Мәңгі соғып тұратын,

Жүрегімсің-Қазақстан.

Отан бізде, біреу-ақ,

Ол біздің Қазақстан.

Қазақстанның елордасы қалай аталады?

Астана қаласы.

Астан- өте әсем қала. Астана қаласында үлкен ғимараттар орналасқан. (Слайд)

Мынау Елбасымыздың ақ ордасы. Біздің Елбасымыз кім?

Нұрсұлтан Әбішұлы Назарбаев.

Нұрсұлтан Әбішұлы Назарбаев – Қазақстан Республикасының тұңғыш Президенті, мемлекет қайраткері. Н.Ә. Назарбаев Қазақстанның жаңа елордасы Астананы салуға басшылық жасап, оны Еуразиядағы ең әдемі қалалардың біріне айналдыруға үлес қосуда. Еліміз үшін аянбай, еңбек етуде. Олай болса, балалар Елбасымызға тақпақтарымызды арнайық:

Қазағыма шаттық сыйлаған,

Ұлттың бәрін жинаған.

Құтты болсын мерекеңіз,

Елбасшымыз Нұр атам.

Елбасымыз жолдайды,

Халық оны қолдайды.

Ешқашанда орынсыз,

Шешімдері болмайды.

Елбасы елді қорғайды,

Халық қамын ойлайды.

Осындай жақсы адамның,

Жақсылығы тарайды.

Өте жақсы, балалар. Шаршаған шығармыз, бір сергіп алайықшы.

Сергіту сәті:

Топ-топ-топ-топ басайық,

Жалаудан күн жасайық.

Жаса, жаса алтын күн,

Жаса, жаса, жарқын күн.

Балалар Қазақстан Республикасының қандай рәміздерін білесіңдер?

Әнұран, Елтаңба, Ту.

Өте жақсы,балалар. Балалар сендер Қазақстан Республикасының рәміздері туралы тақпақ білесіңдер ме?

Батырлық бар тегімде,

Көк байрағым көгімде.

Әнұранды жатқа айтам,

Елтаңбам тұр төрімде.

Айнымайды аспаннан,

Біздің тудың бояуы.

Оны халық қашанда,

Биікке іліп қояды.

Жарайсыңдар, балалар. Біз бүгін не туралы әңгімелестік?

Қазақстан.

Қазақстанның Елордасы қай қала?

Астана.

Біздің Елбасымыз кім?

Нұрсұлтан Әбішұлы Назарбаев.

Қазақстан Республимкасының қандай рәміздері бар?

Әнұран, Ту, Елтаңба.