Қазақстан жастарының еңбек мотивациясы туралы мақала

4 курс студенті:Кембаева Б.Б.

Оқытушы:Болтаева.А.М

Әл-Фараби ат.ҚазҰУ

21 ҒАСЫРДАҒЫ ҚАЗАҚСТАН ЖАСТАРЫНЫҢ ЕҢБЕК МОТИВАЦИЯСЫ МӘСЕЛЕСІ

Қазіргі уақытта мемлекетімізде жастарды тиімді жұмыспен қамтуға байланысты мәселелер бар. Бұл еңбек өтілі мен жұмыс тәжірибесінің жоқтығына, соның салдарынан салыстырмалы түрде төмен кәсіби мәртебеге, сондай-ақ өмірлік көзқарастардың тұрақсыздығына байланысты. Еңбек нарығының халықтың неғұрлым бәсекеге қабілетті санаттарымен қанығуына байланысты жастар айтарлықтай айқын тәуекел тобы болып табылады.

Қоғам дамуының қазіргі кезеңі жастарды тиімді жұмысқа орналастырумен байланысты көптеген проблемаларды өзектендіреді және олардың бірі – қоғамдық өмірдің маңызды салаларының бірі – еңбек қызметі саласындағы мотивация мәселесі.

Жұмыссыз жастар тобы -қоғам мен мемлекетке едәуір қауіп төндіретін халықтың ең осал буыны. Қоғамдық даму министрі Дархан Қалетаев айтуынша, жастардың жағдайы мен көңіл-күйіне еңбек нарығындағы жұмыс орындарының жетіспеушілігі әсер етеді. Жастар әрдайым өзіндік дамуға және қоғамнан өз орнын табуға ұмтылады, дегенмен әлем кейде оларды кең құшақпен қарсы алмайды. Осы жерден қоғамнан алшақтау, әлеуметтенудің төмен деңгейі, психологиялық денсаулықтың әлсіздігі және суицидке бейімділік сияқты мәселелер туындайды. Әлбетте, оның барлығы бір мезетте шешілетін мәселе емес, дегенмен осы мәселені түзету үшін жан – жақты жұмыстар жасалуда. Әсіресе, мемлекет тарапынан жұмыспен қамту орталықтарының қарқынды жұмысын атап өту керек.

Десекте, мемлекет қанатының астына адамдарды алғанымен оның күші миллиондаған халыққа жетпейді. Сондықтан, жастар арасындағы жұмыссыздықтың басты мәселесі ол тек мемлекет мәселесі емес, жекелеген адамдардың да мәселесі. Осы тұрғыдан еңбек мотивациясының осы жұмыссыздықпен байланысы қарастырылды.

Психологиялық тұрғыдан қарағанда, жоғары оқу орнын, орта оқу және мектеп бітірген соң жастар қоғамнан өздерінің арман, мақсаттарына және үміттеріне байланысты орындарын таба алмаса бірден еңбек мотивациясын жоғалтуға бейім.

Осы тенденцияны психологиялық тұрғыдан қалай өзгертуге болады?

Біріншіден, «алма піс, аузыма түс» деп күтіп отырудың қажеті жоқ, немесе өзің қалаған жұмыс орның бетіңді 2-3 рет қайтарған соң «жұмыс жоқ» - деп қол үзудің қажеті жоқ. Өйткені, егер білсеңіз, жетістікке жеткен адамдар тіпті бетін 1000 рет қайтарса да, қайта –қайта әрекет етті және соңында қалаған нәтижені ала алды. Олар: Стив…