Қазақстандағы басшылық қызметтегі тұлғалар туралы мақала

«Тәуелсіздік»- деп соғады жүрегім атты әдеби –музыкалық монтаж (сыныптан тыс жұмыс)

Мақсаты :

1. Оқушыларды қазақ халқының тәуелсіздік жолындағы ерлік күресімен, қол жеткен жетістіктерімен таныстыру.

2.Отанды сүюге, құрметтеуге, желтоқсандықтарға әрдайым құрмет көрсетуге, адамгершілікке, ел мен жердің қадір қасиетін ұғындыруға, ұлтжандылыққа, отансүйгіштікке тәрбиелеу.

Көрнекіліктері: интерактивті тақта, мемлекеттік рәміздер, Н.Ә. Назарбаевтың суреті, тәуелсіздік жайлы жазылған плакаттар, суреттер.

Барысы: Мұғалім сөзі. Әнұран орындалады, видеоролик көрсетіледі.

1-жүргізуші: Тәуелсіздік, еркіндік- ежелден ел тілегі. Тәуелсіздік халқымыздың бостандығы мен дербес даму жолындағы сан ғасырлық күресі, Тәуелсіздік- сан буын бабалардың қасиетті жеріміздің әрбір қадамын қорғау үшін төгілген өлшеусіз қаны мен терінің өтеуі,тарихының нәтижесі.

2-жүргізуші: Бүгінгі Қазақстан- әлем назарында, өзінің болашағынан үлкен үміт күттіретін жері бай,халқы бай ел.Біз Отанымыздың көк байрағын нық ұстай отырып, оны Қазақстан дамуының жаңа биіктерінде асқақтата береміз.

1-жүргізуші: Шертілген жайлауында жаңа күйлер,

Сілтеген сөз семсерін б ала билер.

Қашаннан қазақ жері қазыналы,

Төсінен түлеп ұшқан Фарабилер.

2-жүргізуші: Жебесі Шыңғыс ханның паршалаған,

Көмілді құм астына қанша қалам

Алысып арманына жете алмады,

Арымнан, -деген ұлдар,-жан садағам.

1-жүргізуші: Не күндер өтті-кетті ғасырлаған,

Басынан бабам бір сөз асырмаған.

Ақтабан шұбырынды атансада,

Бәйек болып дұшпанына бас ұрмаған.

1-оқушы: Азаттық, Теңдік, Тәуелсіздік.Осы үш ұғымның салтанат құруы үшін кімдер бас тікпеді, кімдер құрбан болмады

2-оқушы: Намыс, Намыс, Айналайын нар намыс!

Алдаспандай намыс жарқыл қақпаса,

Түсетіні ақиқат пен арға күш.

3-оқушы: Ыза-кектің қатар келіп толғағы,

Жарды ақыры жүректегі бомбаны.

Алты басты аждахаға қаймықпай,

Қарсы тұрды Қазақ қазақ болғалы!

4-оқушы: Сілелеткен саясаттың сарсаңы,

Бір ғана сөз біріктірді баршаны,

Мына жатқан Менің елім дегізіп,

Кең даланы кернеп тұрды Шәмші әні.

5-оқушы: Ән емес-ау, әуелеген ұрандай,

Кезді аспанды көкте қалқып қырандай.

Теңіздейін төңкеріліп, дөңбекшіп,

Ерсілі-қарсылы толқыды жұрт тұра алмай.

6-оқушы: Қан тамырдан берген кезде ол қылаң,

Қорыққан жоқ көк темірден ,соққыдан.

Бостандыққа басын тікті боздақтар,

Қазақ үшін бақытты сәт жоқ мұнан!

7-оқушы: Иә, Желтоқсан!

Жердің беті ала қар,

Жанды жеді жаудан алған жаралар.

Жаңа дәуір басы болған бұл күннің,

Бір минуты бір ғасырға барабар.

Ән: Желтоқсан желі

1-жүргізуші:Иә бостандық, теңдік тәуелсіздік те өз бетімен келген жоқ. Қаншама адам құрбан болды. Атап айтар болсақ: Қ. Рысқұлбеков, Л.Асанова,Е:Сыпатаев,т.б.

Видеоролик Қайраттың өмірінен

2-жүргізуші: Дүниені дүр сілкіндірген 1986 жылғы Желтоқсан оқиғасының бас қачарманы Қайрат Рысқұлбеков ағамыз 21 жыл-ақ ғұмыр кешті.Елінің егемендігі, болашағы ,бостандығы үшін күресті.

Қайраттың сөзі оқылады, көрініс

1-жүргізуші: 1988 жылдың 21-мамырда Қайрат дүниеден өтті.Қанаты қайырылып жарық күнмен мәңгі қоштасты. Есіл ер көзі тірісінде шындыққа жете алмай, қапыда жер жастанды.

2-жүргізуші: Бүгінде тәуелсіздіктің тірегі болар ұлтжанды ұрпақтарымыз өз өлкемізде де Қайрат өнегесін үлгі етіп,Отан үшін опат болғандарды естен шығармауымыз керек. 1 минут үнсіздікпен еске алайық.

8-оқушы: Ел болдық тәуелсіз де егеменді,

Ақтарыл көмейімнен өлең енді,

Жер жүзі түгел біліп алды қазір,

Мұнайлы Қазақстан деген елді.

9-оқушы: Даламның асты кенде, үсті егін,