Қазақстандағы сауықтыру орталықтары ҚМЖ 7 сынып

Ұзақ мерзімді жоспардың тарауы: Денсаулық - зор байлық. Лексика

Мектеп: Д.И. Менделеев атындағы №15 мектеп-лицейі

Күні: 27.04.2018 Мұғалімнің аты-жөні: Исабекова Г.К.

Сынып: 7 Қатысқандар: Қатыспағандар:

Сабақтың тақырыбы

Қазақстандағы сауықтыру мекемелері

Осы сабақта қол жеткізілетін оқу

мақсаттары

7.2.2.1 Публицистикалық және ресми стиль ерекшеліктерін қолданылған тілдік құралдар арқылы тану.

7.4.3.1 Фразеологизм, мақал-мәтелдердің эмоционалды мәнін, көркемдік ерекшеліктерін түсініп қолдану.

Сабақтың мақсаты

Барлық оқушылар орындай алады: Публицистикалық және ресми стиль ерекшеліктері туралы түсінік алады. Фразеологизм мен мақал-мәтелдерді ажыратады.

Оқушылардың көпшілігі орындай алады: Стильдердің тілдік құралдарын ажыратады; Фразеологизм мен мақал-мәтелдердің мағынасын ажырата алады.

Кейбір оқушылар орындай алады: Фразеологизм, мақал-мәтелдердің эмоционалды мәнін, көркемдік ерекшеліктерін

ажыратып, антонимдік, синонимдік сыңарларын тауып, қолданады.

Тілдік мақсаттар

Оқушылар орындай алады: Публицистикалық және ресми стильдің тілдік ерекшеліктерін ажыратып, фразеологизм мен мақал-мәтелдердің мағынасын түсініп, қолданады.

Пəнге қатысты сөздік қор мен терминдер: Публицистикалық және ресми стиль, фразеологизм (тұрақты сөз тіркестері), мақал-мәтелдер, синоним, антоним.

Диалогтер мен жазу үшін қолданылатын тіркестер: Публицистикалық стиль, ресми стиль, фразеологизм- тұрақты сөз тіркестері, эмоционалды мәнін, мақал-мәтелдердің мағынасы

Талқылауға арналған сұрақтар:

Публицистикалық және ресми стиль дегеніміз не?

Қандай тілдік ерекшеліктеріне қарай ажыратамыз?

Еркін сөз тіркестері мен тұрақты сөз тіркестерінің өзіндік ерекшелігі қандай?

Мақал мен мәтелдің айырмашылығы мен ұқсастықтары жайлы не айтасыздар?

«Халықтың денсаулығы-мемлекет байлығы» деген ұғымды қалай түсіндірер едіңіз ?

Бағалау критерийі

Публицистикалық және ресми стиль ерекшеліктерін тілдік құралдар арқылы ажыратады.

Фразеологизм, мақал-мәтелдердің эмоционалды мәнін, көркемдік ерекшеліктерін ажыратады.

Құндылықтарға баулу

Өз Отанының көрнекті жерлерін тану арқылы Отансүйгіштікке баулу, салауатты өмір салтын ұстануға тәрбиелеу.

Пəнаралық байланыс

география, өзін-өзі тану

Тақырып бойынша алдыңғы білім

Денсаулықты сақтау, денсаулықтың қадірін біледі.

Сабақ барысы

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың басы

Оқушылармен амандасу, түгелдеу. Ынтымақтастық атмосфера орнату. Сабаққа деген қызығушылығын оятып, тақырыпты болжау үшін түрлі түсті шипажай, сауықтыру мекемелерінің суреттерін моноблогтан тамашалатып, бүгінгі сабақ тақырыбын анықтату.

Суреттер, моноблог

Сабақтың ортасы

1-тапсырма. Екі мәтінді салыстырып, олардың тілі мен стилінің, формасының ұқсастығын және айырмашылығын сараптаңыз.

1-мәтін

Қазақстан - табиғаты көркем, жанға жайлы әсем жерлерге өте бай өлке. Жер жәннаты- Жетісу, асқар шыңды Алтай, емдік қасиеті мол Алакөл, көрген көзді таң қалдырар Балқаш, суы балдай, шөбі шүйгін Баянауыл, ауасы шәрбат Қарқаралы...

Жер шарының ең көрікті жерлері саналатын Ақмола облысының аумағында «Бурабай» мемлекеттік ұлттық табиғи саябағы орналасқан. Бұл жер бетінде сирек кездесетін өзіндік орны бар географиялық пункт ретінде кеңінен танымал. Биік таулар және қылқан жапырақты орман, айдынды көл және таза ауа. Табиғаттың шипалы қуаты жақсы демалуға және денсаулықты қалпына келтіруге мүмкіндік тудырады. Бурабайдың балшығы мен минералды суы емдік қасиетке бай.

Алакөл демалыс жағажайы туралы естімегендер кемде-кем болар. Алакөлдің суы көптеген ауруларға ем. Суға түсіп шыққанда, көңілің өсіп, қанағат табады. Алакөлдің шипалы суын шетелдіктер де жақсы білетін болғандықтан, тек Қазақстанның түкпір-түкпірінен ғана емес, сонау Ресейден, Украинадан, Орталық Азия елдерінен келіп демалып, денсаулығын нығайтып қайтып жатады. Жаздың шуақты ыстық айларында бұл араға кемінде 100-150 мың адамға дейін келіп кетеді.

Қазақстан- шипажайлық қорларға бай өлке. Мұнда 1930-1960 жылдар арасында шипалы су мен емдік балшығы мол көптеген жерлер табылып, зерттеліп, қазір адам игілігіне жаратылуда. 1986 жылдан бастап, Қазақстанда мемлекеттік мәні бар Бурабай, Алма-арасан, Сарыағаш, Меркі, Манкент, Жаңақорған және жергілікті шипажайлар Қапаларасан, Барлықарасан, Ақжайық, Алатау, Оқжетпестер өз қызметтерін бұлжытпай атқаруда. Қайталанбас құйқалы қыраттар, ойлы-қырлы бедерлер, суы сылдыраған жыралар, бағзыдағы бабалардан жалғасқан мұралар… Бауларындағы өзгеше өскен ағаштар. Тынысыңызды ашатын саябақтар мен саяжолдар, аңқыма жұпар шашатын гүлзарлар... Жоғарыдағы кез келген шипажайдан осындай тамаша көріністерге куә бола аласыз.

2-мәтін

Оңтүстік Қазақстан облысы

«Шымкент қаласының білім бөлімінің

«№15 Д.И.Менделеев атындағы

мектеп- лицейі» коммуналдық

мемлекеттік мекемесі

БҰЙРЫҚ

2018 жылғы 31 наурыз Мұратбек Аминатты « Тау самалы» облыстық дарынды балалар орталығына жіберу туралы

« Тау самалы» облыстық дарынды балалар орталығына жіберу мақсатында БҰЙЫРАМЫН:

1.8-сынып оқушысы Мұратбек Аминатты көркемдік-эстетикалық өнер бағыты бойынша «Тау самалы» облыстық дарынды балалар орталығына жіберілуіне байланысты 11.04.2018-30.04.2018ж. күндер аралығында сабақтан босатылсын.