Қазақстандағы саяси қуғын-сүргін құрбандары туралы курс, 11 сынып

Қазақстан Республикасының Білім және Ғылым Министрлігі

Т.Рысқұлов атындағы жалпы орта мектеп

«Келісемін» «Бекітемін» ААБ-нің әдіскері: Мектеп директоры: __________ Д.Уразбаев _________ Е.Махашев

«____ » _________ 2018ж « ____» __________2018ж

2018-2019 оқу жылына арналған

Күнтізбелік-тақырыптық жоспар

Тақырыбы: Қазақстандағы саяси қуғын-сүргін құрбандары

( қолданбалы курс)

Пәні: Қазақстан тарихы Мұғалім: Тараханова Камка Бекмурадовна Сынып: 11(гуманитарлық-қоғамдық бағыт) Жоспар бойынша сағат саны: аптасына 1 сағат

Оқу бағдарламасына сәйкес жасалды: Қазақстан Республикасының жалпы білім беретін мектептерге арналған білім стандарты бойынша бағдарламалар жинағы

Әдістемелік бірлестік отырысында қаралды: _______________ Хаттама №___ “____”_____________ 2018ж

Тексерілді: Мектеп директорының оқу ісі жөніндегі орынбасары: _____________ Г.Жумабекова

Әдістемелік бірлестік жетекшісі: _____________ А.Есполатова

Күнтізбелік тақырыптық жоспарды бағдарламаға сай түзген: Пән мұғалімі: _____________ К.Тараханова

Оңтүстік Қазақстан облысы, Түлкібас ауданы, Т.Рысқұлов атындағы жалпы орта мектебінің тарих пәнінің мұғалімі Тараханова Камка Бекмұратқызының «Қазақстандағы саяси қуғын-сүргін құрбандары» тақырыбында жазған авторлық бағдарламасына

Пікір

Тараханова Камка Бекмұратқызының «Қазақстандағы саяси қуғын-сүргін құрбандары» тақырыбында жазған авторлық бағдарламасына өте жақсы деген баға беріп отырмын. Өйткені, Қазақстан Респбликасының президенті Н.Ә.Назарбаевтың «Болашаққа бағдар: рухани жаңғыру» мақаласына негізделіп жазылған. Мұғалімнің нағыз еңбегі, ізденгені, оқығаны көрінеді. Жалпы алғанда, авторлық бағдарлама материалдары өте ұқыптылықпен реттелген зерттеушілік сарыны көрініп тұр.

Өзінің авторлық бағдарлама жұмысында Қазақстандағы саяси қуғын-сүргіннің құрбаны болған қазақ халқын айқын түрде деректер мен тарихи тұлғаларға сүйене отырып, өте сауатты жүректің түбінен түпкір ойларын айқын көрсеткен және білім алушыларға терең түсіндіру жолдарын дамытқан.

Расында да, ХХ ғасырдағы саяси қуғын-сүргін мыңдаған жазықсыз адамдардың қаны мен көз жасына суарылған тарихымыздың шерлі беттерінің бірі екендігі шындық. Әкімшілік-жазалаушы жүйе еңбектеген сәбиді де, еңкейген кәріні де, болмысы нәзік әйелді де аяған жоқ.

Елбасы Н.Ә.Назарбаев «Болашаққа бағдар: рухани жаңғыру» атты бағдарламалық мақаласында тарихтың өткеніне көз жүгіртіп, жаңа тарихи кезеңдерге жан-жақты баға бере отырып, рухани жаңғыру арқылы болашаққа деген өзінің парасатты пікірлері мен көзқарасын білдірді. «Екі дәуір түйіскен өліара шақта Қазақстанға түбегейлі жаңғыру және жаңа идеялар арқылы болашағын баянды ете түсудің теңдессіз тарихи мүмкіндігі беріліп отыр… Мен барша қазақстандықтар, әсіресе, жас ұрпақ жаңғыру жөніндегі осынау ұсыныстардың маңызын терең түсінеді деп сенемін. Жаңа жағдайда жаңғыруға деген ішкі ұмтылыс – біздің дамуымыздың ең басты қағидасы», -деп ел келешегіне үміт артады.

Осындай жүрегі елім-жерім, халқым деп соққан, бүкіл саналы ғұмырын ұлтының бостандығы мен дербестігі үшін арнаған асыл азаматтарымыздың ұлтжанды пікірлері, әрекеттері жас ұрпаққа үлгі, өнеге. Ел еркіндігі мен ұлт бостандығы үшін құрбан болған ұлт зиялыларының артына қалдырған асыл мұрасы ұрпақтан ұрпаққа жалғасары анық.

Мектеп директорының оқу ісі жөніндегі орныбасары: Г. Жумабекова

Түсінік хат

Бағдарлама 11-сыныпқа арналған. Мемлекеттік білім беру стандарттарына, сонымен қатар Елбасы Н.Ә.Назарбаевтың «Болашаққа бағдар: рухани жаңғыру» бағдарламалық мақаласына негізделіп, Қазақстан тарихы пәнін оқыту бағдарламаларын басшылыққа ала отырып жазылды.

Бағдарлама «Қазақстан тарихы» пәні бойынша сыныптан тыс жұмыстарды ұйымдастыру және жоспарлау барысында Қазақстандағы саяси қуғын-сүргін құрбандарының құрметіне жасалды.

Өткен ХХ ғасыр халқымыз үшін қасіретке толы, зобалаң да зұлмат ғасыр болды. Қазақстандағы тоталитарлық жүйенің қалыптасуы, 1937-1938 жылдардағы жаппай қуғын-сүргінге ұшыраған ешбір жазықсыз халық арасынан шыққан біртуар зиялы қауымдарымыздың өмірін әкеткен сталинизмнің «ұлы бетбұрыс» кезеңі, тарихтың бұрмалануы, құрбандарымыздың өмірі мен қызметтері жайлы қосымша әдебиеттерді пайдалана отырып, осы саланы зерттеуші ғалымдардың еңбектерін білім алушылардың қызығушылықпен оқыту мақсатында құрастырылды.

Бағдарлама білім алушылардың пәнге деген қызығушылығын арттырып, алған білімдерін тереңдетіп, функционалдық сауаттылығын арттыруға бағытталып, өздігінен іздене білуге үйретеді. Сонымен қатар, теориялық білімін тереңдетіп, толықтырып түседі және білім алушылардың жеке қабілетін дамыта түседі.

1986 жылғы Алматыдағы Желтоқсан көтерілісі Қазақстан тарихындағы аса ауыр қайғылы, жүгі ауыр беттердің бірі болды. Дегенмен, Желтоқсан қайраткерлері тәуелсіздік үшін жүргізілген ғасырлар бойғы күресімізді аяқтады. Осы деректік материалдар мен тұжырымдар қазақ халқының қасіретке толы, зобалаң да зұлмат ғасырдан жүріп өткендігін, алдағы уақытта жүрісі жылдам заманға сәйкес, Қазақстанға түбегейлі жаңғырту және жаңа идеялар арқылы болашағын баянды ете түсетін белсенді тұлға тәрбиелеу мақсатында жинақталды.

Бағдарлы оқыту жоғары сынып оқушыларының қабілетін, бейімділігін толық ескеруді көздейді.

Бағдарлы оқытуда оқушылардың бағдарлы пәндер бойынша білімдерін кеңейту мен жүзеге асыру мақсатында қолданбалы курстар ерекше болып табылады.