Қазақстанға арналған поэзия кеші, 7 сынып сыныптан тыс жұмыс

«Қостанай қаласы әкімдігінің білім бөлімінің С.Мәуленов атындағы гимназиясы» ММ

«Сен деп жырлаймын, Қазақстан»

(поэзия кеші)

Жетекшісі: Міркемел А.М.

Қостанай 2018 ж.

Күні: 31.01.18

Сыныбы: 6 сыныптар

Тақырыбы: «Сен деп жырлаймын, Қазақстан»

Мақсаты:

Білімділік: Оқушыларды Қазақстан, туған жер туралы өлеңдермен таныстыру, мәнісін ұғындыру, өлеңге деген құшттарлықтарын ояту Дамытушылық: Шығармашылық қабілеттері мен актерлік шеберліктерін шыңдау

Тәрбиелік: Туған жерді, қоршаған ортаны сүюге, қорғай білуге тәрбиелеу, елжандылыққа тәрбиелеу

1 – жүргізуші – Міркемел Айнұр, 2-жүргізуші – Рахымжанова Аружан

1 – жүргізуші: Сәлеметсіздер ме, құрметті ұстаздар және оқушылар! Қазақстанның егемендігі мен тәуелсіздігін дәріптейтін, патриоттық тәрбиеге баулитын «Сен деп жырлаймын, Қазақстан» атты поэзия кешіне қош келдіңіздер.

2- жүргізуші: Ән ұраным, жан ұраным,Айтар әнім, сөйлер сөзімТуған жерім сағынарым,Жүрсем егер дүние кезіп.(Әнұран орындалады).

жүргізуші: Қазақстан дейтін менің бар елім,

Жатыр алып жарты дүние әлемін!

Бұл даланы анам жаспен суарған,

Бұл далада атам қолға ту алған

Бұл далада жылап келіп, уанған,

Бұл далада көріп алғаш қуанған,

Бұл далада өскен жанда жоқ арман!

2-жүргізуші. Менің елім – Қазақстан, бар әлемге танылған

Желбіреген көк туым, қыран бүркіт самғаған

Батыр ата- бабаларым, елін жаудан қорғаған

Қазақстан Республикам Отаным деп мақтанам, - дей келе Отанға деген сүйіспеншіліктерін білдіру үшін Ермекбаева Ақнұрды, Ниязбаева Сабинаны, Батыр Аяулымды ортаға шақырамыз. Қарсы алыңыздар

2-жүргізуші: Қазақстан елтаңбаң бар, әнұранын,

Ақ байрақта қалықтап тұр бақ қыраның

Жан-жағы оюланып әшекей боп

Тауыпты көк аспан, күн тұрағын.

1-жүргізуші: Сұлу дала ! Менің сүйген еркемсің.

Жаным сенен жаратылған өлкемсің

Қандай жақсы, қазақ болып туғаным

О, Отаным! Тамашасың, көркемсің.

Еліміздің кең байтақтығы тек жыр арқылы ғана емес, ән арқылы да талай биікті бағындырған. Ендеше, К.Аида мен Ә.Назеркені «Туған жер» әнімен қарсы алыңыздар

2-жүргізуші: «Қанша ғасыр өмір сүрсе бұл қазақ, сонша ғасыр ұмтылды ғой елдікке», - деп Төле би бабамыз айтқандай 1991 жылы 16 желтоқсанда Қ.Р. тәуелсіздігі жарияланды. Егеменді ел атандық. Бұл республиканың барлық халықтары үшін теңдесі жоқ оқиға болды.

1-жүргізуші: Қолымызда – тәуелсіздіктің көк туы, елтаңбамызда бар халықтың басын біріктірер киелі шаңырағымыз бар.

16 желтоқсан – тәуелсіздік алған күн, Ерекше боп ел жанында қалған күн

Жасай берсін ұлы күн үміті боп елімнің,

Желбіресін көк туы –нағыз көркі жерімнің!

Мәңгілік болсын, баянды болсын 26 жылғы ғұмырың!

Құтты болсын, мықты болсын Тәуелсіздік тұғырың!-

Бүгінде біз егемен, тәуелсіз елміз. Тәуелсіздік тақырыбындағы өлеңдерімен Исабеков Али мен Қойшығұлова Сараны қарсы алыңыздар.

2-жүргізуші: Шынымен де, тәуелсіздік – баға жетпес мұра.

1991 жыл – Тәуелсіздік алған жыл.