Поэзияның қос батыры сыныптан тыс әдеби кеш

«Поэзияның қос батыры»

Төлеген Айбергенов пен Мұхтар Шахановтың өмірі мен шығармашылығына арналған әдеби-сазды кеш

1-жүргізуші: Армысыздар, құрметті ұстаздар мен оқушылар және кеш қонақтары!

О, адамдар біргемін мен сендермен

Ықыласыңа ешнәрсе теңгермен.

Сендер менің бақытымның бұлағы,

Сендер менің дарыныма жел берген,-деп отызында жалғаннан жалт беріп, бақиға озған Айбергеновтің сағыныш тұнған жырлары жүректермен сырласып, жасап келе жатыр. Жасай да бермек. Адам мен өмірді Айбергеновше сүю, жырлау, көз алдында жайнаған дүниені Айбергеновтей сағыну - адамзатқа бұйырса, онда жыр беті әлдеқашан жұмақ болар еді.

2- жүргізуші:

Мықтылардың күйін шертіп өтер күн

Заман – терек, адам соның бұтағы,

Мен туғанда, досым, сенің әкеңнің

Жазылатын Абай жайлы кітабы

Менің әкем соны оқып,

Ұзақ түндер отырыпты оңаша

Бір биікпен таныстым деп тамаша,

Шаттаныпты балаша.

Айқара ашып аспанын,

Жинап барлық достары мен қастарын,

Ниетімді құптар деп,

Бұл есімде ерекше бір құт бар деп,

Ат қойыпты Мұхтар деп - жырлаған 1942 жылдың шілдесінде дүниеге келген М. Шаханов пен дүниенің сағынышынан жаратылған ақын Т.Айбергеновтің «Поэзияның қос батыры» атты

өмірі мен шығармашылығына арналған әдеби-сазды кешке қош келдіңіздер!

Алғашқы сөз мектеп директоры Ж. Оразайұлына беріледі.

« Сағыныш » 1,3,4-бөлім. Оқитын: 9-сынып оқушысы Сәбиева Мадина мен 11- сынып оқушысы Көшкінбаева Жанар

Ән:

1-жүргізуші: Адамдардың бәрін сағынышымен аялағысы келіп тұратын және соған қалтқысыз сендіре алатын қасиет қазақ поэзиясында тек Төлегенде ғана бар. «Мен марттағы найзағай күркірімін» - деп өзі жырлағандай күркіреп келіп, «аймаңдай алуан дарынның» көкірегіндегі ұшқынды тұтандыра білген Т.Айбергенов қазақ өлеңіне тұтас бір дәуір сыйлады. Оқитын: 11 - сынып оқушысы «Аруана – бауыр дүние » Баймұратов Ақжол

Ән:

2- жүргізуші: Әкем «Абай жолы» роман-эпопеясын оқып отырып, менің атымды «Мұхтар Әуезовке ұқсасын» деген оймен Мұхтар деп қойған екен. Мен Әуезовті Шымкентте өткен үлкен жиында бір-ақ рет көрдім. Бірақ сол көргенімде есімімнің сол кісінің құрметіне қойылғанын айтайын деп тұрдым да, ақыры айта алмадым. Ол кісі: « Мұхтарға шын ықыласпен!» деп қолтаңба жазып берген еді. Өкінішке қарай, оны жоғалтып алдым.

«Мені неге Мұхтар қойған?» Оқитын: 9-сынып оқушылары Алтыбаева Айгерім, Максимова Жарқынай

Ән:

1-жүргізуші:

«Өле берсін күншілдер күйігінде,

Өз ғасырым өзімнің иінімде.

Ақ жаңбырлар тоздырған тау сияқты

Мен өлемін өзімнің биігімде»

Поэзия дейтін құдіретті әлемнің құрметті ақынына айналған Төлегеннің ғұмыры қысқа болса да, өлеңі мәңгілік. Төлеген жырын жаттап өскен ұрпақ үшін, ақын жүрегінен сағыныш пен асқақ рухты аңғармау мүмкін…