Қазақстанның мақтанышы туралы кеш сценарийі

«Тәңір өз назарына алған әнші» тақырыбындағы кешкі кездесу бағдарламасы

Кештің мақсаты:

а) Ақпараттық: Кездесуге шақырған адамның жаңа қырларын білу, студенттерді үлкенді сыйлауға, басқалардың балалық шағымен өз өмірін салыстырып, өмірде, адамдар арасында болатын түрлі жағдайларға назар аударуға дағдыландыру. ә) Коммуникативтік: Қонақпен сұхбаттаса отырып, өз бетінше ой қалыптастыруға, өмірді сүюге тәрбиелеу. Шараның түрі: кездесіп, пікір алмасу, танымдық шара.

Жүргізуші: Құрметті ұстаздар, студенттер және кешіміздің қадірлі қонақтары!

Киелі ән әлемінде өзіндік үн, өзіндік сыр, өзіндік бояу, ажары бар, сырлы да нәзік әндерімен тыңдарман қауымын елең еткізіп, есімі республикаға, кейіннен әлемге танылып жүрген дарынды әнші Димаш Құдайбергеновтың шығармашылығын жастарға таныстырып және насихаттап - қолдау мақсатындағы «Тәңірі өз назарына алған әнші» атты кешімізге қош келдіңіздер!

Біздің бүгінгі кешкі кездесуіміздің қонақтары Мұхит жастар қоғамдық ұйымының жетекшісі әрі әнді жанына серік еткен Амангелдиев Мерей Сағызбайұлы, Аудандық мәдениет демалыс орталығының қызметкерлері Дүйсекеш Қуаныш Ерланұлы, Сүлейменова Наргиза Сүлейменовна, Габдуллин Маратұлы Абай қатысып отыр. Кешімізге қош келдіңіздер!

Жүргізуші:

Құлақтан кіріп, бойды алар,

Әсем әнмен тәтті күй.

Көңілге түрлі ой салар,

Әнді сүйсең, менше сүй, - деп дана Абай қазақтың ән мен күй құдіретін осылай жырлаған. Себебі, қазақтың әні мен күйі – халқымыздың көне заманнан бері қалыптасқан асыл қазынасы, ұлттың бекзат болмысы, жүрек сыздатқан сағынышы, көңілдің нәзік қылын шертер сезімі, мұң-шері, қызық қуанышы. Қазақтың музыкалық мәдениеті дәуірден дәуірге дамып келді, қазақ халқы ән мен күйге аса құмар халық. Бұл - қазақ әншілік өнерінің сан ғасырлық даму тарихының бар екендігін бірден бір айғағы.

Жоқ менің өлең - жырдан өзге алаңым,

Іздеймін сенен терең сөз баламын.

Кейде бір салсаң әуен ыңылдатып,

Көңілдің кетеді ғой қозғап әнін-деп жырлағандай, осындай қазақ ән өнерінің деңгейін жылымыз жаңадан басталысымен-ақ биікке көтеріп тастаған қазақстандық жас әнші Димаш Құдайберген 24 мамыр 1994 жылы Ақтөбе қаласында Қазақстан Республикасының мәдениет қайраткерлері Қанат Құдайбергенұлы мен Светлана Айтбаева отбасында дүниеге келген. Димаштың ата-әжелері де музыкаға жаны жақын адамдар. Бірі домбырада ойнаса, екіншісінің ән айтады. Димаштың Раушан атты қарындасы, Мансұр атты інісі бар.

Олай болса, Димаш Құдайбергеновті жақынырақ тану үшін әнші туралы бейнебаян тамашалайық.

Алты жасында “Айналайын” республикалық байқауының “Фортепиано” номинациясында жеңімпаз атанған. 2010 жылы "Байқонырдың Әсем дауыстары" Халықаралық фестивалінің І жүлде лауреаты атанды. 2012 жылы “Жас қанат” Республикалық жас ән орындаушылар байқауының Гран-при жүлдесіне ие болды. 2012 жылы “Восточный базар” Халықаралық байқауында І жүлде лауреаты атағына ие болды. Бір жылдан соң, “Мейкин Азия” І Халықаралық фестивалінің жеңімпазы болып…