Қазақстанның жер бедері және физикалық карта сабақ жоспары

Сабақтың тақырыбы: Қазақстанның жер бедері,оның физикалық картада бейнеленуі. Табиғат. Жер.

Мақсаты:

1.Қазақстанның жер бедері жайлы мәлімет беру.

2. Тіл байлығын, ойлау, есте сақтау қабілеттерін жетілдіру, ойын толық жүйелі жеткізуге дағдыландыру.

3. Отанын сүюге, табиғатына жанашыр болуға тәрбиелеу.

Әдісі: Түсіндіру, сұрақ-жауап, әңгімелеу.

Көрнекілігі: Суреттер, үлестірмелер, физикалық карта.

Барысы:

Ұйымдастыру кезеңі: Сабаққа дайындығын тексеріп, сабаққа назарын аудару.

Үй тапсырмасын тексеру кезеңі: Өткен сабақ мазмұнын сұрау.

--Террикондар деген не?

Олардың қандай зияны бар?

-Ашық карьерлердің орнын қалай пайдалануға болады?

-Оба деген не? Есік обасы туралы не білесің?

-Мұнай мен газ алынған орынға су толтырудың маңызы бар ма?

Мақсат қою кезеңі:

Сабақ тақырыбын, мақсатын хабарлау. Қазақстанның жер бедері

Жаңа сабақ.

Кіріспе. -Бедер деген сөзді қалай түсінесіңдер?

-Бұл сөзді бұрын естіген бе едіңдер?

Физикалық картадан жер беті қалай бейнеленгенін айту. Ойпатты ,қыратты жазықтардықалай ажыратамыз? Тауларды ше? Мұздықтардың шартты белгісі қандай?

Картадан тауып көрсету.

Оқулық бойынша түсінік беру, мазмұнын ашып беру.

Шоқы туралы түсінік беру, шоқыны көргендері болса ,әңгімелету.

Қазақстанның орталық бөлігінде жазықтар мен шоқылардан және аласа таулардан тұратын –Сарыарқа даласы бар. Алатаудың неге солай аталғанына тоқталу.

Картадан Қазақстанның тауларын көрсету,ең биік тауды, оның шыңын таныстыру.

Оқулықпен жұмыс.

Теріп оқу( шоқы, ойпатты жазық,Қазақстанның орталық бөлігі, биік таулар)

Дәптермен жұмыс. Күн ретін,ауа райын жазу.

Физикалық картадан тапқан таулардың атауларын жазу.

Дәптерге 43-беттегі сызбаны орындау.

Бекіту кезеңі:

-Жер бедері деген не болды? Ең биік тау қандай тау? -Шоқы деген не?

-Елімізде жазықтың қандай түрлері бар?

«Алатау»сөзі қандай мағына береді?

-Картадан Сарыарқаны көрсет және жер бедері қандай екенін айт.

Үлестірме тарату. Үлестірмеде 43-беттегі тест тапсырмасы беріледі.

Үйге тапсырма беру кезеңі: 40,41,42- беттерді оқу, мазмұны.

Бағалау.