Қазақстанның жеті кереметі туралы 3-сынып сабақ жоспары

Танымдық сабақтың тақырыбы: Қазақстанның 7кереметі

Мақсаты: Мәңгілік Ел, бұл – Тарихтың, Мәдениет пен Тілдің ортақтығы екендігін оқушыға түсіндіру

Патриотизімді Қазақ елінің тарихи мұрасын мұқият сақтай білуге үйрету арқылы оқушыны бойына дарыту

Қолданылатын әдіс тәсілдер: сұрақ-жауап, Галереяны шарлау. Кластер

Сабақ барысы: 1. Ұйымдастыру

Психологиялық ахуал қалыптастыру Оқушылар төмендегі өлең жолдарын айтады.

Біз бақытты баламыз, Ойнап күліп аламыз, Жетілсін деп санамыз, Оқып білім аламыз!

Жаңаны тану « Ой қозғау»

- Жеті санына қатысты не білесіңдер?

- Қазақстанның 7 кереметі туралы не білесіңдер?

Оқушылар білетіндерін қағазға түсіреді, оқиды

«Галереяны шарлау» әдісі арқылы қазақстанның 7 кереметімен танысады.

Слайд №1 Таңбалы тас

Таңбалы тас суреттері Қола дәуірінің тасқа салынған суреттері көрген адамды таң қалдырады. Ертедегі адамдар күнге күйген жылтыр тау жартастарына жануарларды, адамдарды, арбаларды, соғыс көріністерін қашап салды. Бұл адамзаттың рухани мәдениетін, анық дүниетанымын білдіретін аса маңызды деректер жиынтығы саналады. Қазақстан жартастағы суреттер, петроглифтердің саны және әр алуандағы жөнінен әлемдегі ең бай жерлердің бірі Тамғалы жартастағы таңғажайып суреттерді археологтеріміз әбден зерттеді. Нәтижесінде олар дүниежүзі мәдениетінің қазыналы қорына қосылды. Ол суреттерде ежелгі адамдардың өмірі, көне тайпалардың салт-дәстүрі, діни нанымдары, аңшылық пен соғыс існе байланысты бейнелер бейнеленген. Алматы обылысындағы таңбалы тас суреттері - бүкіл әлемдік мәдени жәдігерлер қатарында

Слайд №2 Алтын адам

1960 жылдардың аяқ кезінде археолог ғалымдар Есік қаласына жақын жердегі обадан «Алтын киімді адамды» тапты. Ол мұнан 2500 жылдай бұрын жерленген жас жігіт екен. Марқұмға кигізілген бас киімнің, етігінің қонышының сыртына алтыннан жасалған түрлі ұсақ аттың, барыстың, таутекенің, құстардың бейнелері жапсырылған. Олардың саны төрт мыңдай Есік қорғанынан табылған олжа бүгінде әлемге әйгілі. Алматыдағы Тәуелсіздік монументіне де негіз болып отыр. Осы күнге дейін сақталып келген Алтын адам да қазақтың жеті кереметіне енді.

Слайд №3 Қазақтың киіз үйі Киіз үй- көптеген ғасырлар бойы Еуразияның ұшы-қиырсыз жазирасын басқарған ежелгі халықтың көшпенді тұрмысы мен өмір салтына мейлінше қолайлы болған баспана түрі. Соңғы қола дәуірінің өзінде-ақ (б.з.д. ІІ мыңжылдық тың соңы - І мыңжылдықтың басы) Еуразия даласында доңғалақ үстіндегі алғашқы жылжымалы тұрғын жайлар пайда бола бастады.Орта ғасырларда платформаларға орнатылған, ондаған жетек малы сүйреткен орасан зор жиналмайтын киіз үй-ордалар кезіп жүрген. Арба үстіндегі тұрғын жай (күйме) - киіз үйлердің осындай салтанатты түрлері Қазақстанда 17 ғасырға дейін қолданыста болды.

Слайд №4 Домбыра Домбыра қазақ халқының жан сезімі, жан серігі . Домбыра - халық даналығы. Ол халқымыздың өмір тәжірибесі мен табиғат, адам, әлем туралы білімдерін, ескі діни наным-сенімдері мен философиялық көзқарасын бейнелеп, оларды атадан-балаға, ұрпақтан-ұрпаққа жалғастырып отырды. Домбыра - көшпелі елдің көнекөз шежіресі, көпті көрген қарияның көкірек күйі. Ол халықтың тарихи тағдырымен тамырлас. Ғалымдар осыдан кемінде 2 мың жыл бұрынғы бейнелердегі қос шекті аспаптың қазақ домбырасымен ұқсастығын айта келіп, оның Қазақстан жеріндегі байырғы көшпелілер арасында ең көп тараған аспапты…