Қазіргі мектептегі жаңашыл басқару туралы мақала

Жоба тақырыбы «Қазіргі мектептегі инновациялық менеджмент»

МАЗМҰНЫ

КІРІСПЕ

НЕГІЗГІ БӨЛІМ

1. Инновациялық менеджменттің теориялық аспектісі.

1.1.Мектепте инновациялық менеджментті жетілдіру жолдары.

ҚОРЫТЫНДЫ.

КІРІСПЕ

Тақырыптың өзектілігі. Қазіргі әлемдегі болып жатқан қарқынды өзгерістерге жауап ретінде әлемдегі бүкіл елдер өздерінің білім беру жүйелерін қайта қарауда. Қазіргі таңда мектеп басшылары үшін де, мұғалімдер үшін де ең басты, маңызды мәселе болып отырғаны: «ХХІ ғасырда нені оқыту керек?» және «Мұғалімдер оқушыларды ХХІ ғасырда өмір сүруге қалай дайындайды?».

Қазақстан Республикасының Президенті Н.Ә. Назарбаевтың Қазақстан халқына Жолдауында «Қазақстан-2050» стратегиясы – барлық саланы қамтитын және үздіксіз өсуді қамтамасыз ететін жаңғыру жолы» делінген. Елдігіміз бен бірлігіміз, ерлігіміз бен еңбегіміз сыналатын, сынала жүріп шыңдалатын үлкен емтихан екендігі айтылған. Онда «XXI ғасырдағы дамыған ел дегеніміз – белсенді, білімді және денсаулығы мықты азаматтар» делінген. Барлық дамыған елдерде сапалы бірегей білім беру жүйесі бар. Ұлттық білім берудің барлық буынының сапасын жақсартуда заманауи бағдарламалар мен оқыту әдістемелерін, білікті мамандар ұсынудың маңыздылығы айтылған.

Сонымен қатар, Қазақстан Республикасының “Білім туралы” заңына сәйкес “Әр баланың жеке қабілетіне қарай интеллектуалдық дамуы, жеке адамның дарындылығын, талантын, қабілетін дамыту” сияқты өзекті мәселелер енгізіліп отырғаны белгілі. Өйткені ғылым мен техниканы, өндірісті әлемдік деңгейде дамыту үшін елімізге шығармашылықпен жұмыс жасайтын білімді, жоғарғы дайындығы бар білікті мамандар қажет.

«Жалғыз сүйеніш, жалғыз үміт – оқуда. Теңдікке жетсек те, жұрттығымызды сақтасақ та, дүниедегі сыбағалы орнымызды алсақ та, бір ғана оқудың арқасында аламыз. Жақсылыққа бастайтын жарқын жұлдыз – оқу. Надан жұрттың күні – қараң, келешегі — тұман» - деп Міржақып Дулатов айтқандай қазір ХХІ ғасыр – ғылым ғасыры. Мақсатты білім беру – тұлға дамуын жүзеге асыратын мәселе. Ал осы жалпыеуропалық стандартқа сай жаңа білім беру - жеке тұлғаның жан-жақты дамуына әкелетін бірден-бір жол деп білеміз.Ал, осы ғылым ғасырында білім ордасы- мектептің де алатын орны ерекше.Мектеп мұғалімдері үнемі өздерін дамыту барысында түрлі курстар,тренингтер,конкурстар,семинар,конференцияларға қатысады.Бұл дегеніміз-мектеп басшылығының демеуімен, мұғалімдерді ғылым жолына итермелеуімен болатын іс-әрекет. Қазіргі мектептерде жаңашылдықты үнемі қабылдап, оны одан әрі қалыптастырып,дамытып отырса ғана басқарушылық қызметтің дұрыс жұмыс жасауы деп білеміз.

Біз өзіміздің ғылыми жоба тақырыбымызды «Қазіргі мектептегі инновациялық менеджмент» деп алдық.

Зерттеу мақсаты білім беру ұйымына инновациялық менеджментті енгізу.

Зерттеу міндеттері:

Инновациялық менеджмент негізінде мектептің дамуын стратегиялық жоспарлау дағдыларын қалыптастыру;

Білім беру инновациялары негізінде педагогтердің кәсіби дамуын басқару дағдыларын жетілдіру;

Рефлексия,көшбасшылық және инновациялық менеджмент негізінде тұлғалық-кәсіби даму дағдыларын дамыту.

Тақырыптың пысықталу дәрежесі, күтілетін нәтиже: мектепте инновациялық менеджментті енгізуде тиімді нәтижеге қол жеткізуге болатындығын көрсету.Зерттеу жұмыстары арқылы нәтижеге жету.

Зерттеу сұрағы: инновациялық менеджментті енгізу арқылы қандай нәтижеге жетеміз?

1.Инновациялық менеджменттің теориялық аспектісі

Менеджмент –басқарушылық қызмет. Бұл келесі факторлардың жиынтығы:

- Жоспарлау;- Мақсат қою;- Процестерді ұйымдастыру;- Үйлестіру;- Мотивация;- Бақылау.

Ал, «Инновация» кең мағынада «жаңалық» деген сөз. Бұл термин XV ғасырда пайда болған. Ол адам іс-әрекетінің кез келген саласынан (өндіріс, ауыл шаруашылығы, экономика, сауда, ғылым, техника, т.б.) орын алып отырады. Онсыз қоғамда ілгерілеу, прогресс, қарқынды даму, бәсеке болмайды.

Инновация сөзі 1440 жылдары француз тіліндегі «жаңғыру немесе жаңару» әлде «зат жасаудың жаңа жолы» деген мағыналарды білдіретін, «innovacyon» сөзінен пайда болған.

Инновация дегеніміз ─ ғылыми техникалық прогресс жетістіктерінің нәтижесі болып табылатын жаңа технология.

Инновациялық менеджмент – инновациялық процестерді,әрекеттерді басқару түрлері,әдістер мен қағидалар жиынтығы.

Инновациялық менеджменттің мақсаты – ғылымның, экономиканың және кәсіпорынның өндірістік қызметтің негізгі бағыттарын айқындау болып табылады.

Әлемдік даму үрдісі қазіргі ғылыми-техникалық серпілісті түбегейлі жаңа даму деңгейіне шығаруға себепші болып отыр.

Жаңалық жаңарту ииновация ғылыми техникалық заңдылықтарының мәселесі, әсіресе, негізгі ұғым-түсініктер бойынша пікірталас тудырады. Сонымен, кейбір авторлардың пікірінше, «жаңалық», «жаңарту» және «инновация» ұғымдары синоним болып табылады және ол ғылыми-техникалық серпілістің нәтижесін білдіреді деп түсіндіріледі. Екінші пікір бойынша, бұл ұғымдардың арасында белгілі бір айырмашылықтар бар деп көрсетіледі. Егер жаңалық деп жаңа әдіс, өнер табыс және жаңалық табуды айтатын болсақ, ал осы жаңалықты іс жүзінде пайдалану жаңарту (инновация) деген ұғымды білдіреді.

Жаңалық – бұл қандай да бір іс-әрекет аясында жүргізілген іргетасты, қолданбалы зерттеулер мен талдамалардың рәсімделген нәтижесі және ол осы іс-әрекеттің ғылыми әрі техника жетістіктерін тәжірибелі, нарықтық тұрғыда пайдаланудың аралық қорытындысы болып табылады. Жаңалық нарықта…