Қиындықты жеңе біл ертегілер еліне саяхат, 1 сынып

Қиындықты жеңе біл.

Ертеде бір шал өмір сүріпті. Шалдың жалғыз есегі болыпты. Екеуі ұзақ жылдар бірге өмір сүріпті. Сол жылдардың ішінде есек өзінің қожайынына адал қызмет етіпті. Азаннан кешке дейін шал есекке жүк артып базарға барып сауда жасайды екен. Соның арқасында шал мол дүние жинапты.

Күндер өте есек әбден қартайыпты. Бұрынғыдай ауыр жұмысқа да шамасы келмейтін қалге жетіпті.

Бір күні есек келе жатып есіктің алдындағы әбден суы тартылған құдыққа байқаусызда түсіп кетіпті. Есек ақыра жөнеледі. Шал үйінен жүгіре шығып қараса құдықтың ішінде тұрған есегін көреді. Есек оған өте жалынышты көзбен қарайды.

Шал құтқармас бұрын әбден ойланады. Соңында бір шешімге келеді. “Өзімде осы құдықты жауып басқа жерден суы шығатын құдық қазсам, және де ештеңеге жарамсыз мына есектен құтылып, басқа есек алсам”- деп ойлаушы едім. Құдықты көмсем ішінде есек өледі. Сонда екеуінен де құтыламын” деп. Ауыл адамдарын құдықты көмісуге асарға шақырады.

Ауыл адамдары қолдарына күректерін алып құдықты көмуге кірісіп кетеді. Ешкім байғұс есекті ойлап басында қатырмайды. Есек ақыра бастайды. Шал ”ештеңеге қарамай тез-тез топырақты лақтырыңдар, әйтпесе мына есек ақырып ауыл адамдарының мазасын алады” дейді. Асарға жиналғандар жан жақтарына қарамай топырақты құдықтың ішіне тастай береді.

Есек бір жамандықтың болғанын сезеді. Біраз уақыттан соң есектің үні шықпай қалады.

Ауыл адамдары “Үні өшті. Болған шығар деп”, құдыққа үңіле берсе есек сырқа қарай секіріп шығып, артына қарамай кете беріпті. Барлығы таң қалып отыра кетіпті. Сөйтсе есек әрбір үстіне түскен топырақты сілкіп,сілкіп аяғымен таптап-таптап жоғарлай беріпті. Содан есек өзіне төнген қиыншылықтан құтылып кетіпті.

Есек үстіне лақтырылған әрбір топырақ оған арналған қастандық.

Бірақ ол есек болсада одан амалын тауып құтылып шықты.

Ал сен адамсың.

Саналы тұлғасың.

Бірақ сенің өмірінде кездесетін, осы лақтырылған топырақ сияқты бірінен кейін бірі келетін қиыншылықтан өзіңді қалай алып шығар едің?

Сұрақ