Қоғамдағы тәртіпті кім қорғайды? Тәрбие сағаты

Сабақтың тақырыбы: Қоғамдағы тәртіпті кім қорғайды?

Мақсаты: Балаларды кішіпейілділікке, үлкендерді сыйлауға, кішіге қамқор болуға, қоғамда тәртіпті болуға, жақсы қасиеттерді бойына сіңіріп, жаман қасиеттерден жирену сезімін дамыту. Адам бойындағы ұнамды, ұнамсыз қылықтарды айыра отырып әдеп әліппесін бойына дарыту, тіл байлығын, таным белсенділігін арттыру. Оқушыларды адамгершілікке, қарапайымдылыққа, әдептілікке, сыпайылыққа баулу, көпшілік орындарда өзін-өзі ұстай білуге дағдыландыру.

Міндеттері:

-қоғам түсінігін беру;

-өзара сыйластық қарым-қатынастарының адам өміріндегі мәнін түсіндіру;

-жақсылыққа, имандылыққа, адамгершілікке, шыншылдыққа, тәртіпке бағынуға тәрбиелеу.

Әдісі: сұрақ-жауап, ізденушілік жұмыс, сын тұрғысынан ойлауды дамыту.

Көрнекілігі: слайдтар, қанатты сөздер, суреттер.

Ұйымдастыру кезеңі.І Сұрақ – жауап

ІІ Қоғамдық орындарға саяхат

ІІІ. Ситуациялық сұрақтар.

ІV. Хаттар сырына үңілейік.

Мұғалім: Ал, балалар, тәртіпті, тәрбиелі болу – бәрімізге ортақ қағида. Енді сұрақтар қояйық.

Қазіргі кезде адамның бойынан қандай қасиеттерді көп байқауға болады? (Қазіргі кезде адам бойынан көбінесе тәртіпсіздік,бірін-бірі сыйламау, адамдарға деген дөрекілік,өтірік айту, сабақтан қашу,ұстаздарды,ата-ананы сыйламау сияқты жаман қасиеттерді көп байқауға болады.)

Кей адамның жаман әдетке үйір болуының себебі не деп ойлайсың? (Кей адамдар өте жалқау болып келеді.Еңбек еткісі келмейді. Ата-анасының тапқанын шашса болды,бос уақыттарын тиімді пайдаланбайды.Сол себептен де жаман әдеттерге үйір болып келеді.)

Адам бойындағы ар, намыс, ұят дегенді қалай түсінесің?

(Әр адамның бойында ары-таза,намысы-берік,ұяты-күшті болуы керек.Егер осы үшеуі де адам бойында қалыптасқан болса, онда нағыз тәрбиелі де тәртіпті адам.)

Отбасы – қоғамның бастапқы ұясы.

Қоғам деген не?(Саналы адамдардың бір мүддені, бір мақсатты орындау үшін саналы түрде бірігуі)6. Құқық деген не?(Мемлекет шығарған немесе бекіткен тәртіп ережелерінің жиынтығы)Тәртіп туралы мәселені ерік – қайратты, ерлікті, берік мінез – құлықты тәрбиелеумен тығыз байланыста қарастырады. Тәртіп ұйымшыл ұжымда дамиды және бекиді. Бірақ қазіргі таңда қоғамда тәртіпті бұзушыларды да көптеп кездестіруге болады. Сол тәртіп бұзушылармен күресетін кімдер?

Яғни, бүгінгі тәрбие сағатының тақырыбы «Қоғамдағы тәртіпті кім қорғайды?»

Эпиграф: «Адамға ең бірінші білім емес, тәрбие берілуі керек, тәрбиесіз берілген білім – адамзаттың қас – жауы» Әл – Фараби.

«Тәртіп – бұл қоғамның бет - әлпеті, оның дауысы, оның әдемілігі, оның қозғалғыштығы, оның мимикасы, оның сенімділігі» - деген.

Тәртіпті бала сүйініш,

Төбең бір көкке жетеді.

Тәртіпсіз бала күйініш,

Төмендеп басың кетеді – дегендей, оқушыларға қойылатын алғашқы сұрағым

Сұрақ - жауап: Келген оқушыларға өз ойларын әрі қарай жалғастыру үшін сұрақтар берілді.1. Мектепте оқушылар қалай ұстау керек?2. Көшеде өзін қалай ұстау керек?3. Жақын достарыңның арасында өздеріңді қалай ұстайсыңдар?

4. Қоғамдық көлікте өздеріңді қалай ұстайсыңда?

Қанатты сөздерге көз жүгіртіп өтсек:

Тәрбиелі – тәртіптің құлы,

Тәртіпті – елдің ұлы.

2. Тәртіп – тән үшін,

Ынтымақ – жан үшін керек.

3. Тәртіпсіз ел – ел болмас,

Тәртіпке бағынған – құл болмас. (Бауыржан Момышұлы)

4. Жақсы тәртіп әдетке айналса – ырыс,

Жаман тәртіп әдетке айналса – қырсық .(Ғабиден Мұстафин)

5. Қыз анадан үйренбей өнеге алмас,

Ұл атадан үйренбей сапар шекпес.

Қоғамдық орындарға нелер жатады?

Жақсы балалар енді 4 топқа Кітапханада, Музей, Театр, Автобустағы тәртіп ережелерін құрастырыңыздар.