Ұстаз мәртебесі туралы қазақ әдебиеті мақаласы

Кызайбаева Дарига Айткурмановна

Алматы облысы Ақсу ауданы

Сағакүрес негізгі орта мектебі

Қазақ тілі пәні мұғалімі

Педагог мәртебесін көтеру – жаңашыл мұғалімді қалыптастырудың бастауы

Мұғалім өзінің білімділігімен, жүріс-тұрысымен,

жайдары мінезімен, тіпті сырт пішіні, киген киімімен де

оқушысына жақсы мағынада қатты әсер етеді.

Мәлік Ғабдуллин

Ұстаз мамандығын таңдап елеулі еңбек атқарып жатқан әр ұстазды «Мұғалім мәртебесі»жайлы көкейтесті мәселелер алаңдатпайды десек,қателескендік болар.

Мұғалімнің сынаушылары өте көп. Білім басқармасы мен аудандық білім бөлімдерін, мектептің өз басшыларын айтпағанның өзінде ата-аналар мен оқушылардың өзі білімі мен тәрбиесіндегі кемшілікті мұғалімнен іздегісі келетіні жасырын емес. Баладан ештеңе жасыра алмайсың, әділ сыншы балалар дейді ғой. Бұрынғыша мұғалімге құдіреттей табынып, ұстазын ұлы әкесіндей сыйлап отыратын оқушылар болмаса да демократиялық көзқарас тұрғысынан қазіргі қоғамдағы мұғалімдердің мәртебесі жөніндегі қоғамдық пікірдің жақсыға бет бұрары екіталай.Мұғалім мәртебесі қолға алынбаса,төмендегі жайттар ұлтымызға қауіп төндірері анық:

-Мұғалімнің жағдайы төмендесе, халық білімсіздікке ұшырайды;

-30 баланы оқытып шығару әркімнің қолынан келе бермейді. Мұғалімнің жұмысы ауыр, жалақысы төмен, қоғамдық жұмыстары өте көп.

-Басқа тәуелсіз, дамыған елдердегі сияқты ең сыйлы, ең беделді әрі сұранысы көп, жалақысы жоғары мамандық: ұстаздық болуы керек.

-Біздің мұғалімдерге ешқандай жағдай қарастырылмаған;

-Жалақысы көп болса, әлеуметтік жағдайы жақсы болса бәрі мұғалім болғылары келіп, жүйріктері ғана озып, мұғалімдер мықты болады;

Мемлекет тарапынан «Мұғалім мәртесі»Заң жобасы күшіне енген жағдайда әрбір Ұстаз ең алдымен:

1.Білімді әрі тәрбиелі болашақ иесін қалыптастыруға барынша атсалысуға;

2.Өз біліктілігін арттыруға;

3.Мамандығын шексіз сүюге және адал әрі патриот болуға дайын болуы керек!

Ендеше,әр ұстаз Ұлтымыздың ең жанашыры өзіміз екенін естен шығармай,адал еңбектенуден тынбай адал еңбек ете білейік!!!