Қолғап ертегісі бойынша ашық оқу қызметі

Ұйымдастырылған оқу қызметінің конспектысы

Тобы: «Балдырған» ортаңғы тобы.

Уақыты: 13.11.2018ж.

Білім беру саласы: Коммуникация.

Бөлімі: Драма.

Тақырыбы: «Қолғап»

Мақсаты: Күз мезгілі, дала жануарлары туралы сұрақтар қою арқылы балалардың ойларын дамыту. Ертегі мазмұнын ашу. Ертегіні сахналатауды үйретуді бекіту. Ертегідегі кейіпкерлердің қасиеттерін, талқылап, жақсылықпен, мейірімділік қасиеттеріне тәрбиелеу.

Алдын-ала жүргізілетін жұмыстар: ертегі жұмбақтар, шаттық шеңберін жаттату.

Әдіс-тәсілдер: сұрақ-жауап, әңгімелесу, сахналау, ойын.

Қажетті көрнекі құралдар: суреттер, бейнетаспа, маскалар

Биллингвалды компонент: Қолғап-варешки, қолғап-mittens

Өту барысы:

Балалар біздің бүгінгі болатын оқу қызметімізге сендер қалай қатысатындарыңды, қандай болып өскендеріңді көруге қонаққа апайлар келіп отыр.

Балалар шеңберге тұрып амандасады.

Арайлап таң атты

Алтын шуақ таратты

Қайырлы таң балалар

Қайырлы таң апайлар!

Балалар, тыңдаңдаршы, біреу есік қағатын секілді, қазір мен барып қарайын.

Есік алдында сиқырлы жылтыр сандықшаны алады. Ішінен суретті алып:

Балалар, бұл суретте «Қолғап» ертегісі бейнеленген екен, ал артына не жазылған оқиын. Бұл сандықша бізге ертегілер елінен келген екен, бұл суреттін артында жазылған жұмбақтарды шешсек бізге Қолғап ертегісінің сиқыры ашылады екен. Ал, жұмбақтарды

оқиын сіздер шешімін табуға дайынсындарма?

ЖҰМБАҚТАР:

Қыс бойына жатады,

Тәтті ұйқыға батады. /Аю/

Қалқиған ұзын құлағы,

Елеңдеп қорқып тұрады. /Қоян/

Өзі бір қу,

Жүрген жері шу./Түлкі/

Күші десең, күші бар,

Тісі десең, тісі бар. /Қасқыр/

Таңдайлары тақылдап,

Шулайтын кім шалшықта

Бірін-бірі мақұлдап./Бақа/

Жер қопарған тісімен,

Сескенесің түсінен. /Қабан/

Үй-ішін аралап,

Түнде көп жортады.

Қаптарды жыртады,

Мысықтан қорқады. /Тышқан/

Жарайсыңдар, балалар қараңдаршы бізге Қолғап ертегісі ашылып жатыр, себебі сіздер барлық жұмбақтардың шешулерін дұрыс таптыңдар. Ал, қазір осы Қолғап ертегісін мен сіздерге слайд арқылы оқып берейін, ал сіздер мұқият тыңдаңдар. Мен сіздерге кейін сұрақтар қоямын

Слайд арқылы ертегі оқу. Ертегі мазмұны бойынша сұрақтар кою:

Балалар: Балалар, бұл қолғап ертегісінде қандай кейіпкерлер бар?

-Жалпы бұл ертегіде не байқадыңыздар?

Ал, балалар біздің бүгінгі «Қолғап» ертегіміздің кейіпкерлері сендер боласыңдар. Ерте,ерте,ертеде орманда жәндік, жануар, аңдар өмір сүріпті. Олар тышқан, бақа, қоян, түлкі, қабан, қасқыр, аю.

Тәрбиеші: Болады екен орманда неше түрлі ғажайыптар.

Бір күні шал итімен келе жатып, орманда қолғабын жоғалтып алыпты.

Қолғап жаңа, жылы, жұмсақ болыпты. Қолғапты көріп қалған тышқан

қолғапқа жүгіріп келеді.

Тышқан: Мен суықта тоңып жүрсем. Қандай әдемі, жаңа, жылы қолғап.

Мен енді осында тұрамын.

-Шыршалардың арасынан бақа шығады.

Бақа: Қолғапта кім тұрады?

Тышқан: Қап тесер тышқан тұрады.

Ал сен кімсің?