Қош бол, балғын балалық тәрбие сағаты 4 сынып

Тақырыбы «Қош бол, балғын балалық!»

Мақсаты:

Білім негізі, іргетасы – бастауыштан қаланатынына ерекше мән беру. Бастауыш сыныптарда алған білімнің адам өмірінің мән-мағынасы үшін аса қажеттілігіне көз жеткізу, алған білімдері мен жетістіктерін іс жүзінде көрсете білу. Отансүйгіштікке баулу, жағымды мінез-құлық мәдениетіне, білімді, саналы ұрпақ болып өсуге жетелеп, бағыт-бағдар беру.

1 - жүргізуші: Мына жердің сондай құлпырғанына жол болсын. Лиза, мұнан сенің қандай хабарың бар?

2 - жүргізуші: Зарина - ау, қандай хабарың бары не?! Бұл жерде үлкен мереке. Ой, сенің осы әдетің - ай, небір үйірмелерге қатысамын деп үнемі жаңалықтан құр қалып, кеш естисің де жүресің.

1 - жүргізуші: Олай болса мен естімеген қандай жаңалық? – Ойхой, мына қыздардың биін қара, көңіл - күйін қара? Бұл керемет билеп жатқан кімдер?

2 - жүргізуші: Бұлар бастауышпен қоштасып жатқан 4 - сынып оқушылары. Біле білсең Зарина, бұлар біздің сыныптас достарымыз. – Зарина, сенің көңіл - күйің жоқ сияқты ғой?

1 – жүргізуші Дұрыс айтасың Лиза , қуанышпен қатар көңіліме кірбің ұялап тұрғанын да жасыра алмаймын. Өйткені біз бүгін білімнің бастауы болған бастауышпен, ең қиыны ең алғаш қолымызға қалам алдырып, әріптерді жаттатқызып, әліппені үйреткен алғашқы ұстазымызбен де қоштасамыз.

2 - жүргізуші: Ияяя, Зарина ... мұңайма. Бұл біздің кішкене болса да есейгеніміздің белгісі. Одан да өткен 4 жылға шегініс жасап, алғашқы мектеп табалдырығын аттаған сәттерімізді еске түсірейік./слайд көрсету/

Мұғалім:

Қош келіпсіздер, құрметті ата – аналар, қымбатты әріптестер, оқушылар! Бүгінгі күн осында отырған бәріміз үшін ерекше күн. Оның ерекшелігі сол, осыдан 4 жыл бұрын мектеп табалдырығын жүрексіне аттаған балаларыңыз білімнің негізі болатын бастауышта оқып, білім алып, қанаттарын қатайтып бастауыш сыныппен қоштасқалы отыр.

«Талаптарыңа нұр жаусын!» деп «Қош бол, балғын балалық» атты ертеңгілігімізді ашық деп жариялаймыз.

Бесіктегі баланың,

Күлгенін көрген - бір мұрат.

Алдына түсіп ананың.

Жүргенін көрген - бір мұрат – дегендей, бастауыш сыныпты бітіруші түлектерімізді ортаға шақырайық!

Зарина

Толқимыз, толқып тұрсыз баршаңыз да

Мұндай күй болған сірә қаншаңызда

Қол соғып, қошеметтеп шақырайық

4 – «Ә»сыныбын ортамызға шақырамыз!

/Музыка әуенімен бастауыш сынып түлектері ортаға келеді./

Aяулы әнім мектебім --хор

Бекзат

Құрметті ұстаздар мен ата-аналар,

Кез келді сіздерден ақ бата алар.

Ұл-қыздарың көрсетпекші өнерін,

Бар қауым тамсана таңдай қағар.

Бибарыс

Бала шаққа болашақты жырлатып,

Шәкірттерге ой түзеткен сымбатты.

Күн нұрындай сәуле құйған көңілге,

Армысыздар, ұстаздарым қымбатты!

Хантөре

Армысың сен, алтын ұя мектебім,

Саған айтар жыр алғысым көп менің.

Жүректерге жаққан білім шырағын.

Мектебіме арналады бұл әнім.

Мектебім- хор

Арнат

Бәрі есімде, мектепке алғаш барған күн,

Күлімдеп бір, нұр жүзіміз жанған күн

Сыңғыр қағып қуанышпен қоңырау,

Шақырғаны алға бізді арман мың.

Әмір

Әсем бөлме, терезелер жап - жарық

Қойған дерсің шырағданнан шам жағып

Қара тақта, аппақ парта қаз қатар