Қосудың ауыстырымдылық қасиеті ашық сабақ

Сабақ тақырыбы:

Қосудың ауыстырымдылық қасиеті

Мектеп: Қ.Мамытов

Күні : 22.11.2016ж

Мұғалімнің есімі: Пернебаева Л

СЫНЫП: 1 А

Қатысқандар саны:

Қатыспағандар саны:

Оқу мақсаты:

қосудың ауыстырымдылық қасиетін; 0 және 1-дің қасиетін қолдану;

бір таңбалы сандарды ондықтан аттамай қосу кестесін білу, құрау және қолдану.

Сабақтың мақсаты:

Барлық оқушылар: қосудың ауыстырымдылық қасиетін; 0 және 1-дің қасиетін қолдану;

бір таңбалы сандарды ондықтан аттамай қосу кестесін білу, құрау және қолдану.

қосудың ауыстырымдылық қасиетімен таныстыру,

Оқушылардың басым бөлігі: Оқушылардың мысалдарды тиімді әдіспен есептеуге болатыны туралы ұғымын қалыптастыру

Кейбір оқушылар: тиімді әдіспен есептеуде ауыстырымдылық қасиетін қолдануға дағдыландыру.

Тілдік мақсаттар

Ауыстырымдылық,қасиет.

Ресурстар:

барлық оқушыға арналған фишка салынған “сиқырлы дорба”;

сандық сәуле салынған парақша;

сандық өрнектер жазуға арналған жол;

сандар мен тірек сөздер жазылған парақша;

“Ауызша есептеу” презентациясы.

Алдыңғы білім

Қосудың ауыстырымдылық қасиеті

Құндылықтарды дарыту

Бір-бірін тыңдауға,құрметтеуге тәрбиелеу.

Сабаққа байланысты деректі материалдар

Сабаққа қатысты ескертпелер

Қосудың ауыстырымдылық қасиеті: қосылғыштардың орнын ауыстырса, қосынды өзгермейді. Қосудың ауыстырымдылық қасиеті оқушыларға тиімді әдіспен есептеуді меңгертеді. Алдыңғы сабақтарда аталған заңдылықты таныстыру бойынша дайындық жұмысы жүргізілді. “Бізді қоршаған әлем” тақырыбына сәйкес қосудың ауыстырымдылық қасиетін түсіну үшін сабақ барысында заттарды қолданып, тәжірибелік жұмыс ұйымдастыру керек.

Сабақты ауызша есептеу жүргізуден бастау. Оны интерактивті тақта арқылы көрсету. Ол үшін презентацияны қолданамын. Қосу мен азайтуды, сандық сәуле мен қосу кестесін қолдану арқылы мысалдарды шығаруды меңгергендері үшін оқушыларды мақтау.

Кіріспе тапсырма. Жұппен жұмыс ұйымдас-тыру. Жұптағы әр оқушыға “сиқырлы дорбадан” бірнеше доминоны алып санауды және мысал құрастыруды тапсырамын. Бірнеше жұптың жауабын тыңдау. Жұптағы оқушыларға фишкаларымен ауысып, дәл сондай жұмысты орындауды тапсыру. Оқушылардан не байқағанын сұрау. Жауаптарын тыңдау. Қандай қорытынды жасауға болатынын білу.

Өз бетінше қосудың ауыстырымдылық қасиетін тұжырымдау үшін оқушылардың талдау жұмыстарын дұрыс ұйымдастыру. Егер қиындық тудырса, онда өзіңіз: “Қосуда санның орнын ауыстырса, қосындының мәні өзгермейді” деп тұжырымдау.

Қай кезде есептеу тиімді болды деп сұрау: “Үлкен санға кішіні қосқанда ма, әлде кіші санға үлкенді қосқанда ма?” Қосу амалын орындауда сандардың орындарын тиімді ауыстыру бойынша нақты мысалдар келтіріңіз. Мысалы:

1 + 9 және 9 + 1; 3 + 7 және 7 + 3.

Оқушыларға қосудың ауыстырымдылық қасиетін дұрыс қолдана білу тез және жеңіл есептеуге көмектесетінін айту. Сонымен қосудың ауыстырымдылық қасиетін қолдану тиімді болатынына көздерін жеткізу.

Суреттермен өткенді пысықтау суреттерге қарап қорытынды жаса. Тәжірибелік жұмысты орындау алған білімдерді бекітуге бағытталған. Оқулықта “қосылғыштардың орны ауысқанымен, қосындының мәні өзгермейді” деген заңдылық үш түрде: заттардың суреті, оларға сәйкес сандық өрнектер және сандық сәуледегі үлгісі ар-қылы көрсетілген. Бұл ақпараттың осындай тәсілмен берілу мақсаты әртүрлі деңгейде оқушыларға жаңа тақырыпты қабылдауға көмектесу болып табылады.