Қоянға қонаққа барамыз мектепке дейінгі сабақ жоспары

Ұйымдастырылған оқу іс-әрекетінің

технологиялық картасы

II сәбилер тобы

Білім беру саласы:Таным

Бөлімдері: Математика

Тақырыбы: Қоянға қонаққа барамыз

Мақсаты: -заттарды көлеміне, пішініне байланысты орналастыра білуге үйрету;

-әдептілікке тәрбиелеу;

-есте сақтау қабілеттерін арттыру.

Қостілдік компонент: қасқыр – волк, аю – медведь, қоян – заяц, құмырсқа – муравей, сәбіз – морковь.

Қажетті құралдар: қоян ойыншығы, ағаштардың суреті, аю, қасқыр, құмырсқа суреттері, көжек ойыншығы, сәбіз суреті, кеселер, табақшалар, қасықтар.

Іс-әрекет кезеңдері

Тәрбиешінің іс-әрекеті

Балалардың іс-әрекеті

Мотивациялық

қозғаушылық

-Сендер қонаққа баруды жақсы көресіңдер ме?

Бүгін біз қонаққа барамыз, ал кімге баратынымызды мына жұмбақты шешу арқылы білесіңдер:

Сылдырдан қорқады,

Шошынып жортады. (қоян)

-сонымен, бүгін біз қоянға қонаққа барамыз.

Шеңбер бойына отырады.

Жұмбақты шешеді.

Ұйымдастыру-

іздестіру

Суретпен жұмыс

Тәрбиеші қоянды көп ағаштардың арасына отырғызады (суретін іліп немесе ойыншықты пайдаланады).

-Орманға барғанда тыныштық сақтап жүрейік.

-Келіңдер, қоянға жақындайық. Қоян нешеу? Ағаштар нешеу?

«Қоянды сыйлаймыз» ойыны

Үстелдің үстіндегі 3 табақшада 2 сәбіз жатады.

-Қоянға сәбіз берейік, қоянның көжегі мен досы келіп тұр, оларға да берейік.

Тәрбиеші бір балаға тапсырманы береді:

-Қоянға, кірпі досына, көжекке сәбіз бер. Бәріне жетті ме?

-Тағы бір Көжек келсе, сонда қанша сәбіз керек?

-Қояндар ытқып секіріп кетті: олар азайды ма, әлде көбейді ме?

-Сәбіз саны қанша болды?

-Сәбіз бен қоянның саны бірдей ме?

-Балалар, қоянға тағы қонақтар келді (аю, қасқыр, құмырсқа).

- Аю, қасқыр, құмырсқа қандай?

«Кесені дұрыс қой» дидактикалық ойыны

-Балалар, қоянның қонақтарын тамақтандырайық.

Балаларға заттарды көлеміне, пішініне байланысты орналастыруды ұсынады.

Мысалы: аюға үлкен кесе, үлкен табақша, үлкен қасық қою керек.

-Қоянның қонақтарын ойынға шақырайық.

Сергіту сәті:

«Қайсысы тез жүгіреді?»ойыны

-Орманда неше түрлі жолдар бар: бірі тар, бірі кең. Мынау қандай жол?

-Сендер қалай кең, тар жолдарды тауып алдыңдар.

-Аю қандай жолмен үйіне қайтады? Қасқыр қандай жолмен қайтады? Құмырсқа қандай жолмен орманға қайтады?

-Қайсысы үйіне тез, кеш, өте кеш жетеді?

Балалардың жауаптарын тыңдап, толықтырады: