Тиінге қонаққа бару мектепке дейінгі сабақ жоспары

Білім беру саласы: «Таным»

Ұйымдастырылған оқу қызметі: «ҚМҰҚ»

Тақырыбы: «Тиінге қонаққа бару»

Мақсаты: Балаларға үстіне қою және жанына қою әдістерін пайдаланып,екі затты ені бойынша салыстыру нәтижелерін кең, жіңішке, ені бірдей сөздерін қолданып белгілеуді үйрету. Таңертең-кеш, кеш-түн яғни қарама-қарсы тәулік бөліктерін анықтай білуді қалыптастыруға арналған – «Бұл қай кезде болады» дидактикалық ойыны.

Дидактикалық ойын: «Бұл қай кезде болады?»

Мақсаты: Балаларды тәулік мезгілдерін атап, анықтауға үйрету. Ойлау қабілетін, қол қимылын жаттықтыру.

Дидактикалық ойын: «Кең жолды анықта»

Мақсаты: Екі затты ені бойынша салыстыру, нәтижелерін кең, жіңішке сөздерін қолданып белгілеуді үйрету.

Көрнекі құралдар: Тар және кең жолдар, жаңғақтар, ағаш макеті, тиін мүсіні, қуыршақ Сәуле.

Үлестірмелі құралдар: тәулік мезгілдері бар сурет, үшбұрыш пішінді карточкалар.

Әдіс-тәсілдер: Тосын сәт, көрсету, түсіндіру, мақтау, мадақтау, сұрақ-жауап.

Іс-әрекет кезеңдері

Тәрбиешінің іс-әрекеті

Балалардың іс-әрекеті

Мотивациялық

қозғаушы

Балаларды шаттық шеңберіне тұрғызу.

Күннің көзі ашылып,

Көкке шуақ шашылып,

Құтты қонақ келіпті,

Төрімізге еніпті.

Амандасып алайық.

Шаттық шеңберін құрады, өлең жолдарын айтады.

Ұйымдастыру-

іздестіру

- Балалар бүгін біз орманда өмір сүретін тиінге қонаққа барамыз. Балалар сендер тиінді білесіндер ме?

- Ал балалар тиін жаңғақты жаксы көреді екен. Ол ағаштарда мекендейді.

- Олай болса саяхатқа шығайық.

- Ой, мынау Сәуле ғой. Сәлеметсің бе, Сәуле, сен мына жерде не істеп жүрсің?

Сәуле: - Мен үйден таңертең, тиінге қонаққа бару үшін шығып едім, адасып қалдым. Алдымнан екі жол шықты. Кең жолмен жүрсең тиіннің үйіне барады екенсің. Ал мен қай жолдың кең жол екенін, қай жолдың тар екенін білмей тұрмын.

- Балалар, біздер де тиінге бара жатырмыз ғой. Тиінге тез бару үшін Сәулеге көмектесейік.

Дидактикалық ойын: «Кең жолды анықта»

Шарты: Ені бірдей екі жолды бір-бірінің үстіне қойып, салыстыру арқылы қай жолдың ені кең екенін анықтайды.

- Олай болса біз қай жолмен барамыз?

- Дұрыс айтасыңдар. Балалар жан жағымызға қараймыз. Орман қандай әдемі, солай ма? Құстар, жануарлар, ағаштар көп екен.

- Балалар тиінге бос бармай жаңғақ алып барайық.