Қозғалтқыштардың жұмыс принциптері сабақ жоспары

Елбаев Абзал Жайгалиевич

Өндірістік оқыту шебері.

Қаратөбе колледжі.

Қозғалтқыштардың жұмыс принциптері.

Сабақтың мақсаты:

Білімділік мақсаты: білім алушыларға қозғалтқыштардың жұмыс принциптеріне түсінік беру

Дамытушылық мақсаты: Оқушыларға қозғалтқыштың бөлшектеріне сипаттама бере отырып , олардың ойлау , есте сақтау қабілеттерін дамыту.

Тәрбиелік мақсаты: білім алушыларды өз бетінше ізденуге, еңбексүйгіштікке тәрбиелей отырып , мамандыққа деген қызығушылығын арттыру.

Сабақ түрі: аралас сабақ .

Сабақтың әдісі: баяндау сұрақ жауап түрінде.

Сабақтың көрнекілігі: қозғалтқыш кескіні, қозғалтқыш бөлшектері, макеттер ,суреттер.

Сабақтың барысы:

Ұйымдастыру бөлімі.

- Оқушылармен амандасу.

- Оқушылардың сабаққа қатысуын және қажетті оқу құралдарын тексеру.

Үй тапсырмасын тексеру.

Қозғалтқыштардың түрлері.

1.Қозғалтқыштардың атқаратын жұмыстарына қарай бөлінуі?

2.Жылу алу үшін қолданылатын отын түріне қарай бөлінуі?

3.Жанатын қоспа жасау тәсілі бойынша ?

4. Жану қоспасының тұтандыру тәсілдері?

5.Қозғалтқыш ішіндегі жұмыс процесінің орындалуына байланысты бөлінуі?

6.Қозғалтқыштардың құрылысы бойынша?

7.Қозғалтқыштың салқындату тәсіліне қарай бөлінуі?

Жаңа тақырыпты түсіндіру.

Қозғалтқыштардың жұмыс принциптеріне жалпы түсінік.

Іштен жанатын поршеньді қозғалтқыштардың жұмыс принциптері мына төмендегідей ретпен жүретін процестерге негізделген (1.1-сурет). Цилиндр ішінде поршень ілгері- кейінді қозғалып тұрады.Соның қозғалысының салдарынан цилиндр ішінде неше түрлі құбылыс пайда болады. Ал цилиндр үсті цилиндр басымен бекітілген, ал оның сыртпен қатысуы соратын , шығаратын клапандар арқылы жүргізіледі. Енді осы поршеньнің жүрісін рет-ретімен қарастыралық.

Поршень жоғарыдан төмен қарай жылжиды, яғни поршеньнің үстіндегі кеңістік көбейеді. Олай болса оның ішіндегі газ қысымы азайып , вакуум пайда болады . Сол кезде соратын клапан ашылады да сырттан ауа немесе арнаулы дайындалған жану қоспасы кіреді. Бұл процесті сору процесі деп атаймыз.(1.1 а-сурет). Оның ұзақтығы поршень төмен түскенге дейін созылады.

Поршеньнің ендігі жүрісі төменнен жоғары қарай бағытталады (1.1 б-сурет). Сол кезде екі бірдей клапандар жабық болғандықтан , цилиндр ішіндегі газ қысылады, яғни көлемі азаяды.Мұны қысу процесі деп атаймыз. Қысылған газдың қасиеті бойынша оның көлемі азайып , температурасы көтеріледі.

Поршень жоғары жеткен кезде (1.1 в-сурет).кысылып тұрған ,кызып тұрған жану қоспасына электр ұшкынын беріп тұтандырады немесе қызып тұрған ауаға жанар май…