Қожаның қиялы, 5-сыныпқа арналған ашық сабақ

Күні 22.01.2020

Мұғалімнің аты –жөні:Баспакова Р.Б.

Сыныбы: 5 «А», «Ә»

Қатысқандар

Қатыспағандар

Сабақтың тақырыбы:

Қожаның қиялы

Осы сабақ арқылы жүзеге асатын оқу мақсаттары:

5.О3 Хат,хабарлама,жарнама,нұсқаулық, хабарландырудың құрылымы мен рәсімдеуі арқылы жанрлық ерекшеліктерін ажырату

Сабақ мақсаттары:

1.Барлық оқушылар орындай алады:

«Менің атым Қожа» хикаятынан берілген үзіндінің мазмұнын біледі;

2. Оқушылардың көпшілігі орындай алады:

Мәтіннің жанрлық ерекшеліктерін табады;

Хабарлама құрылымдарымен рәсімдеуді біледі;

3.Кейбір оқушылар орындай алады:

Мәтінге қатысты өз пікірін жеткізе алады.

Тілдік мақсат:

Оқушылар орындай алады: Оқиды рәсімдейді, ажыратады.

Тақырыпқа байланысты сөздер мен сөз тіркестері пионер лагері, нөпір жұрт, оттай басылып, аңсап көріскен, құшақ жая.

Бағалау критерийлері:

Мәтіннің мазмұнын біледі.

Мәтіндегі берілген үзінділердің жанрлық ерекшеліктерін табады.

Хабарлама құрылымдарымен рәсімдерін біледі.

Мәтін бойынша пікірлерін еркін жеткізе алады.

Ойлау деңгейлері

Білу, түсіну, қолдану

Құндылықтарды дарыту:

Әдеби шығармадағы жақсы әрекеттерді тану.

Кейіпкерлер әрекеті арқылы адамгершіліктерін бойға сіңіру.

Пәнаралық байланыс:

Қазақ әдебиеті, музыка

Алдыңғы оқу:

Өнер-білім бар жұрттар

Жоспарланған уақыт

Жоспарланған жаттығулар

Ресурстар

Басы 5 мин

Ұйымдастыру кезеңі

- Партаның үстінде суреттер қимасы берілген, қималарды құрастырамыз.

- Оқушыларға сұрақтар қоямын

1. Бұл суреттен кімдерді көріп тұрсыңдар?

2. Бұл қай фильмнің кейіпкерлері?

- Дұрыс таптыңдар

Ендеше, балалар осы суреттер арқылы 4 топқа бөлінеміз.

топ «Қожа»

топ «Жанар»

топ «Майқанова апай»

топ Қожаның анасы-Қожаның анасының аты — Миллат. Ол ақылды, тәрбиелі адам.

Қима қағаздар

5минут

- Балалар, назарымызды енді фильмге аударайық. «Менің атым Қожа» фильмінен үзіндіні көрсете отырып, «Ой шақыру» стратегиясы бойынша мынадай сұрақтар қоямын.

1.Бұл фильм қалай аталады?

2.Фильмдегі басты кейіпкер кім?

3.Фильм авторы туралы не білесің?

Оқушылардың жауабын тыңдап болған соң фильмнен үзінді көрсетемін. Қожаның қиялға беріліп тұрған сәтін көрсетемін.

Балалар Қожа қандай әрекет үстінде?

Қандай қасиетін байқадыңдар?

Дұрыс, балалар, олай болса, біз бүгін Қожаның қиялдау әрекетіне байланысты, сабағымызды «Қожаның қиялы» тақырыбында өткіземіз.

Сабақтыңмақсаты: Хат, хабарлама, жарнама, нұсқаулық, хабарландырудың құрылымы мен рәсімдеуі арқылы мәтіннің жанрлық ерекшеліктерін ажырату түрімен таныс боламыз.

Енді, балалар,«Менің атым Қожа» повесі бойынша хат, хабарлама,хаттама кездесетін жерлерін тауып, тапсырмалар бойынша анықтаймыз.

Бейнефильм

Ортасы

15минут

10 мин

1-тапсырма: Жеке жұмыс

Әр топқа мәтін бойынша тапсырма беремін, сол мәтін бойынша балалар жалпы есімдерге көптік жалғауын жалғайды

«Қожаның қиял – арманы»

Дескриптор:

Мәтінді мұқият түсініп оқи алады.

Мазмұнын түсінеді

Жалпы есімдерге көптік жалғауын жалғай алады.

Кері байланыс: Гүл шоқтары арқылы беремін.

Қызыл гүл: Жақсы

Сары гүл: орташа

Жасыл гүл: төмен

2-тапсырма:Топпен жұмыстар

І топ: Ендігі жұмысымыз «Қожадан тапсырма» деп аталады, яғни топ болып берілген тапсырмаларды орындаймыз.

Қожадан келген конвертті ашып ішіндегі тапсырмаларды беремін.

- Мәтіннің жанрын анықтап, бөлігін ажырату керек. (хаттың кіріспе бөлімі, хаттаманың шешімі, қаулысы )

Жанарға хат жазбақшы болдым. Сағат қазір бір жарым.

Сағат екі болды...

Екі жарым болды...

Үш болды...

Столымның үсті қиқымдалып,

жыртылған қағазға толып кетті. Осының бәрі Жанарға жазылған хаттар. Жазамын, ұнамайды - жыртамын. Тағы жазам - тағы жыртам, бір дәптерді тауысуға айналдым. Жай сөзбен де жазып көрдім, өлеңдетіп те жазбақшы болдым. Болмайды, көңілімдегі лықсып тұрған көрікті ой қағазға түскенде өңі қашып кетеді. Жай ғана әсерсіз бірдеңе болып шығады.

"Жанар, мен сені керемет жақсы көрем!"

Тфу, осы да сөз бе. Жақсы көрудің кереметі, керемет емесі бола ма екен?

"Жанар, мен сүйем сені!"

Қандай тұрпайы - кинодағы секілді.