Құлақтан үнің кетпестей сыңғырла соңғы қоңырау

«Құлақтан үнің кетпестей. Сыңғырла, соңғы қоңырау!» атты 2018-2019 оқу жылының аяқталуына арналған салтанатты жиынның сценарийі

Жүргізуші: Армысыздар, құрметті қонақтар, ұстаздар мен оқушылар және мектеп түлектері! 2018 – 2019 оқу жылының аяқталуына арналған «Құлақтан үнің кетпестей. Сыңғырла, соңғы қоңырау» атты салтанатты жиынымызды ашық деп жариялаймыз.

Ұрпағын мақтануға болса дайық,

Біз бүгін мақтанайық жар салайық.

Биылғы бітіруші түлектерді

Құрметпенен қол соғып қарсы алайық!

Жүргізуші: Қазақстан Республикасының мемлекеттік туына тік тұрыңдар! Қазақстан Республикасының мемлекеттік туы енгізілсін!

1-жүргізуші: Батырлыққа уызынан жарыған

Ер қазақты жалауынан таныған

Өзі батыр, өзі әнші халыққа

Жарасады жігер берер әнұран. Қазақстан Республикасының мемлекеттік әнұраны орындалсын./мемлекеттік әнұран орындалады/

Жүргізуші:

Ажырамай мектептен бір елі біз

Жақсылыққа жаралған жүрегіңіз

Сөз берелік құрметпен өзіңізге

Шәкірттерге арналсын тілегіңіз –дей отырып, соңғы қоңырау салтанатының алғашқы құттықтау сөзі мектеп басшысы беріледі.

Жүргізуші:

Тек жүректен арналар сөзіміз де,

Жақсылыққа жаралған жүрегіңіз. Сөз берейік құрметпен өзіңізге Шәкірттерге арналсын тілегіңіз. – демекші бүгінгі салтанатты жиынымыздың қадірлі қонақтарына сөз кезегін береміз:

Жүргізуші:

Биылғы соңғы қоңырау мерекесі тарихи оқиғаларға толы тұста өткелі тұр. Бұл жыл – Елбасымыздың қолдауымен «Жастар жылы», «Ақтөбе қаласының 150 жылдығы», «Болашаққа бағдар:рухани жаңғыру қоғамдық сананы жаңғырту бағдарламасының жалғасы, Н.Ә.Назарбаевтың «Ұлы даланың 7 қыры» атты мақаласы, Қазақстан Республикасының Тәуелсіздігінің 27 жыл толуымен ерекшеленеді.

Жүргізуші: Мектеп атын оқушының саны емес, дарынды оқушының даңқы шығарады. Ендеше, үздіктер шеруін тамашалайық! Оқу озаттарына мақтау қағазын табыстау үшін сөз кезегі мектеп директорының оқіу ісі жөніндегі орынбасарына беріледі.

Жүргізуші: «Қазақ биі» Шабыт би тобының бишілері

Жүргізуші: Міне тағы бір оқу жылы аяқталып, біздің мектебіміздің 12 түлегі бүгінгі салтанатты жиында балалықпен, мектеппен қоштасқалы тұр.

Жүргізуші: Түлектер! Сендерді бүгінгі мерекемен құттықтауға келген 1-сынып оқушыларын тыңдайық.

Абзал жандар, биік тұлға байсалды,

Құшақ жайып төл мерекемен қарсы алды.

Қуанышты жарқын тілек білдіріп,

Құттықтайды 1-сынып баршаңды.

Жүргізуші:

Алдарыңда сан тарау жолдары тұр,Бәрі ертеңгі азамат болғалы тұр.Үлкен өмір есігін ашпақ, міне,Келген қауым, қол соғып, қолда бүгін – деп жүректері лүпіл қаққан, қимастықпен қуаныш, аңсау мен арман сезімдері араласқан, осынау сәтте шәкірттік сәттің соңғы, өмір жолының алғашқы қадамында тұрған жас түлек, ендігі сөзді сіздерге береміз.

(11 сыныптың мерекелік бағдарламасы)

1 –жүргізуші:

Алдарыңнан арман жол ашылады

Түлектерге бақыт гүлі шашылады

Қимастықпен 11 – білім кілтін

Ізін басар сыныпқа тапсырады.