Сыңғырла соңғы қоңырау іс-шарасының жоспары

Сыңғырла,соңғы қоңырау.

2- жүргізуші. Қайырлы күн! Құрметті ұстаздар, ата-аналар!

1- жүргізуші: Қайырлы күн! Қадірменді қонақтар, мектеп бітіруші түлектер, мектеп шәкірттері!

2- жүргізуші. Аяулы ұлдары мен қыздарының даңқын асырған тарихи кезеңдердің айтулы мерекелерінің бірі саналатын «Соңғы қоңырау» салтанаты да біздің мектебімізге келіп жетті.

1-жүргізуші Бүгінгі күн! 9 жыл бойы тәлім тәрбие берген ұстаздар мен ата-аналардың еңбегінің жемісі саналатын жас түлектердің мектеп қабырғасынан шығып, үлкен өмірге қадам басатын қуанышты күні.

2-жүргізуші. Бүгінгі күн! Өткен оқу жылының қорытындысы шығарылып, өткенге есеп беру, болашаққа барлау жасайтын, жаңа оқу жылына қадам бастауға жол салатын күн.

1-жүргізуші.

Нұрлы үмітін арқалаған арқаға

Жан сәулесін тарататын баршаға.

Шын пейілмен құрметімізді көрсетіп,

Түлектерді шақырайық ортаға.

2- жүргізуші

Бойларында жігер күші тасыған

Кездері жоқ қиындықтан жасыған.

Түлектерім келе жатыр сап түзеп

Арналсыншы оларға ду шапалақ.

1- жүргізуші:

Бұлар-Көкбайрағын желбіретіп, Әнұранын асқақтататын егемен еліміздің ертеңі мен келешегі.

2- жүргізуші:

Бұлар – ел бірлігін ойлайтын,өз Отанын қорғайтын, өркениетін өрістететін, біздің ардақты аға-апаларымыздың ісін ары қарай жалғастыратын болашық азаматтарымыз.

1-жүргізуші:

Топтар мен бірлестіктер! Түзу тұрыңдар!Қазақстан Республикасының Мемлекеттік Туы салтанатты түрде енгізілсін!Әнұран.

Бүгінгі соңғы қоңырауға арналған «Сыңғырла, соңғы қоңырау!» атты салтанатты жиынды ашық деп жариялаймыз!

2-жүргізуші

Адам болу армандарың алдағы,

Өмірдің көп сен білмейтін сырлары.

Біз тілейміз оң болсын деп сапарың!

Құтты болсын үлкен өмір қадамың.

1-жүргізуші.

Күтсін дейміз алдыңнан күліп бағың,

Жоғалмасын ата-салтың, ғұрыптарың.

Кір келтірме ата-ана, мектебіңе.

Өскен ұя, ордаңды ұмытпағын.

1-жүргізуші

Мектеппен бүгін қоштаспақ,

Қоштаспақ бүгін сан түлек

Айтылар бүгін сан тілек.

Егілер бүгін сан жүрек

2-жүргізуші

Бүгін мектеп бітіруші түлектерді ең қимас, ең ұмытылмас жүрек тебірентерлік сәт күтіп тұр. Сендердің алдарыңнан жаңа өмір есігі ашылады. Тіршілігі қайнаған қым-қуат өмірдің даңғыл жолында ақ жол тілейміз!

1-жүргізуші:

Ажырамай мектептен бір елі сіз

Жақсылыққа жаралған жүрегіңіз.

Сөз береміз құрметпенен өзіңізге,

Түлектерге арналсын тілегіңіз- деп сөз кезегі мектеп басшысы __________. беріледі.

2- жүргізуші:

Тарқалмасын қызықтың шағы қызған,

Жана берсін бақ артып бағыңыздан.

Құрметпенен ұсындық сізге сөзді

Ақтарылып көріңіз ағыңыздан- деп алғашқы құттықтау сөз кезегін ----- -------------------------------------------басшысы -------------------------------------------------------------------- береміз.

1- жүргізуші.

Білімді шәкірттерін аялаған,

Жақсылығын ешкімнен аямаған,

Саялы бақ жаңашыры жас ұрпақтың,

Ұстаз деген аяулы, ардақты адам. Деп, құттықтау сөз кезегін зейнеткер ұстаз ______________ және ________________ береміз.

жүргізуші: