Құстар – біздің досымыз мектепалды даярлық ашық сабағы

Қоршаған ортамен таныстыру.

Тақырыбы: Құстар- біздің досымыз

Мақсаты:

Білімділік: Балаларға құстар туралы, оның адамға пайдасы туралы түсінік беру. Құстардың сыртқы түрі және немен қоректенетінін айтып түсіндіру.

Дамытушылық: Қыс кезінде құстарға қамқорлық жасауға деген белсенділігін арттыру, тіл-байлығын, ой-өрісін, сөздік қорын дамыту.

Тәрбиелік: Балаларды еңбексүйгіштікке, құстарға қамқорлық жасай білуге тәрбиелеу.

Әдістері: түсіндіру, сұрақ-жауап, әңгімелеу.

Көрнекілігі: Құстардың суреті,үнтаспадан құстар дауысы,мақал- мәтел

Сөздік жұмыс:

Оқу іс-әрекеті.

Тәрбиешінің іс-әрекеті.

Баланың іс әрекеті.

Ұйымдастыру:

-Балалар көңіл күйлерің қалай?

-Жақсы.

Балалар, барлығымыз ортаға шығып, шаттық шеңбер бойында бір-бірімізбен сәлемдесейік.

Армысың қасиетті- Аспан ата!

Армысың қасиетті- Жер ана!

Армысыздар апайлар,

Армысың менің достарым.

Аспанымыз ашық болсын,

Деніміз сау болсын,

Күніміз сәтті болсын.

-Балалар шаттық шеңбер бойына жиналып, бір-біріміздің қолымызды ұстағанда нені сезіндік.

-Достықты, жылулықты, бәріміз бірге екенімізді сезіндік.

-Өте жақсы балалар. Орындарыңа отырыңдар.

(Құстардың дыбысы бар ән орындалады.)

-Балалар бұл ненің дыбысы екен?

-Құстың дауысы.

Олардың дыбыстары бірдей бола ма?

(Балалармен бірге бірнеше құс дыбысын айту).

Қарға қалай дыбыстайды?

Қарр-қарр-қарр.

Торғай ше?

Шиық-шиық.

Көкек ше?

Ку-кук, ку-кук.

-Мінекей қараңдаршы, әр құстың өз дыбысы бар.

-Балалар айтыңдаршы жыл мезгілінде ,неше жыл мезгілі бар?

-Атап өтейікші

-Балалар жауабы: Қыс, Көктем,Жаз,Күз

Балалар біз серуенде жүргенде, көп құстардың ұшып жүргенін көреміз бе?

-Жоқ құстар аз.

Өйткені құстар жылы жаққа ұшып кеткен. Көктемде күн жылына бастайды, сонда құстар өздерінің туған жерлеріне ұшып келеді.

-Қыстайтын құстарды атап, көрсетіп берейікші.

-қарға, сауысқан, торғай.

-Балалар көктем құстарына қандай құстар жатады?

-қарлығаш, көгершін, көкек.

Ал енді үй құстарын кім атап береді?

Қаз, тауық, балапан, әтеш, үйрек.

-Неге үй құстары деп аталады?

-Себебі олар үйде өседі.

-Олардың қандай пайдасы бар?

-Еті, жұмыртқасы, мамық жүні.

Барлық құстар жұмыртқа салады, жұмыртқадан балапан өседі.

-Құстар қалай ұйықтайды?

-Қанаттарын түсіріп, көздерін жұмып, басын қанатының астына тығып ұйықтайды.

-Дала құстарын кім айтады? (тырна, қарлығаш, қараторғай, көкек).

Бұл құстар нені қорғайды?

-Бұл құстар ағаштарды қорғайды.

-Балалар неге құстарды біздің досымыз дейміз?