Құстар – біздің досымыз тақырыбындағы тәрбие сағаты, 2-сынып

Тақырыбы: «Құстар-біздің досымыз»

Мақсаты: Н.Ә.Назарбаевтың «Болашаққа бағдар: рухани жаңғыру» мақаласы бойынша «Тәрбие және білім» атты ішкі бағдарламасындағы «Саналы азамат» бөлімінде айтылғандай оқушылардың өткен тарих туралы түсініктерін жетілдіре отырып,жабайы және үй құстары туралы білімдерін кеңейту. Олардың тіршілігін ортақ қасиеттерін, айырмашылығын ажыратуға үйрету. Балалардың ой-өрісін, сөздік қорларын дамыту. Сұраққа толық жауап беруге, 2-3 сөйлем құрастыруға қалыптастыру.Балаларды дала, үй құстарына қамқор болуға баулу

Сабақтың әдісі: түсіндіру, сұрақ-жауап. Сабақтың көрнекілігі:суреттер, карточкалар, презентация.

Сабақтың барысы:

Топқа бөлу

І.Ұйымдастыру кезеңі. 2.Құстар туралы видео3.Әр топқа жұмбақ жасыру (жауабындағы суреттерді ілу)4.Сөзжұмбақ,ребус,адасқан сөздер,Венн диаграммасы

“Шаттық шеңбер”

Сылдыр-сылдыр шапалақ,

Міне, менің қолым.

Міне, менің жүрегім,

Сені жақсы көремін.

Негізгі кезеңі.

1. Кіріспе әңгіме: -Балалар бүгін аптаның қай күні? -Жылдың қай мезгілі? -Көктем мезгілінде қандай өзгерістер болады? -Ендеше, балалар осы өзгерістерді бақылау үшін “Орман патшалығына” саяхатқа барайық. Келе жатқан жолымыздың жан-жағы сары алтынға боялған, ауасы таза, күн ашық. Айнала сайраған құстардың дауысы естіледі.

Балалар қандай құстардың дауыстарын естіп тұрсыңдар?

(Құстардың дауыстарын тыңдату мелодия)

— Иә, бұл құстардың дауысы. Олай болса бүгінгі

тақырыбымыз құстарға арналады. Онда бүгін біз

сіздермен жұмбақтар, жаңа сөздер, қызықты ойындар

ойнап, суреттер бойынша әңгімелесеміз.

Құстар — жылықанды омыртқалы жануарлар (омыртқасы бар жануарлар). Олардың қауырсындары жылуды сақтауға және ұшуға көмектеседі. Олар артқы екі аяқтарымен жүреді, ал алдыңғң аяқ-қолдары қанаттарға айналған. Құстардың барлығы жұмыртқа салады. Құстардың денелері жеңіл болғанымен, мықты және ұшуға ыңғайлы болады. Дегенмен ұшпайтын құстар да кездеседі.

Жер бетінде 8600- ге жуық құстар түрі бар десек, біздің елімізде 500- дей түрі кездеседі екен. Ал жергілікті жерімізде қараторғай, сауысқан, көкек, қарғалар кездеседі. Жыл құстарын атайтын болсақ: аққу, қарлығаш, үйрек, шағала сияқты көптеген құстарды білеміз.

Мұғалім: Ал, енді балалар, бір сәтке көзімізді жұмайық. Балалар орман патшалығынан жүргендей елестетіп, отырады. (презентация)

Слайдта берілген үй құстарымен балалар танысып шығады.

Мұғалім: Балалар енді орман патшалығынан өзіміздің сыныбымызға оралайық.