Құстар біздің досымыз тәрбие сағаты 2 сынып

Ашық тәрбие сағаты

Тақырыбы: «Құстар-біздің досымыз»

Мақсаты:

1.Білімділік: Оқушыларға құстар жайлы алған білімдерін кеңейту.

2.Дамытушылық: Оқушылардың ойлау, есте сақтау қабілеттерін, танымдық іс – әрекеттерін,

шығармашылығын, сөздік қорларын дамыту.

3. Тәрбиелік: Оқушыларды отан сүйгіштікке, ұқыптылыққа, сауаттылыққа, табиғатты қорғауға,

оқуға дағдыландыру.

Сабақтың әдісі: түсіндіру, сұрақ-жауап.

Сабақтың көрнекілігі:суреттер, кластер, үнтаспа, карточкалар, презентация.

Сабақтың барысы:

І.Ұйымдастыру кезеңі. Балалар бүгінгі сабағымызға қонақтар келіп отыр. Ендеше, бүгінгі келген қонақтарымызбен амандасайық, өзіміздің білімдерімізді көрсетейік.

“Шаттық шеңбер”

1. Кіріспе әңгіме:

Құстар — жылықанды омыртқалы жануарлар (омыртқасы бар жануарлар). Олардың қауырсындары жылуды сақтауға және ұшуға көмектеседі. Олар артқы екі аяқтарымен жүреді, ал алдыңғң аяқ-қолдары қанаттарға айналған. Құстардың барлығы жұмыртқа салады. Құстардың денелері жеңіл болғанымен, мықты және ұшуға ыңғайлы болады. Дегенмен ұшпайтын құстар да кездеседі.

Жер бетінде 8600- ге жуық құстар түрі бар десек, біздің елімізде 500- дей түрі кездеседі екен. Ал жергілікті жерімізде қараторғай, сауысқан, көкек, қарғалар кездеседі. Табиғатты құрайтын бөліктердің бірі – құстар. Халық ежелден –ақ құстарға әуес, оларға деген сүйіспеншілік шексіз дәріптеп, ең жақсы көретін адамды құсқа теңеу арқылы ол ықыласын көпке аян еткен. Халық өз орталырынан шыққан саңылақ ұлдарын сұңқарға теңесе, төгілте ән шырқайтын әншісін бұлбұлға, ел үішн, Отан үшін жанын қиятын батырларын – қыранға, елден асқан сұлуды – аққуға теңеген. Қарлығаш адамға саулық, жақсылық тілеп жүретін және қауіп қатерден қорғап жүреді. Үй салуды да адамдар қарлығаштан үйренген

Оқушыларды топқа бөлу.

І топ Жыл құстары

ІІ топ Қыстап қалатын құстар

ІІІ топ Сирек кездесетін құстар

Жыл құстарын атайтын болсақ: аққу, қарлығаш, үйрек, шағала сияқты көптеген құстарды білеміз.

"Қыстап қалатын құстар суықтан қорқа ма, әлде аштықтан қорқа ма?"Құстар суыққа тоңбайды,олар аш қалудан қорқады. Өйткені күз түсе олардың қоректері азаяды. Бірақ қыстап қалатын да құстар бар. Олар қыстыгүні өзіне азық тауып, қоректене алады.

Сауысқан -қарға тұқымдасының бірі,оның түсі ала,құйрығы ұзын болады. Орман,тоғайлар мен бұталы жерлерді мекендейді.