Құстар – біздің досымыз тәрбие сағатының материалы

«Құстар – біздің досымыз» тәрбие сағаты

Тақырыбы:Құстар – біздің досымызМақсаты: Оқушыларға жалпы құстардың пайдасы туралы, олар жөнінде мағлұмат беру. Негізінен оларға қамқор болуға, құстарды аялауға бейімдеу. Әлем құстарымен таныстыру. Міне мынау көңілді көктемде құстардың оралуын, олардың азайып кеткенін хабардар ету. Оқушылардың құстар туралы ой өрістерін, түсініктерін дамыту. Отанын, жерін, орманын, көлін, табиғатын сүюге баулу. Көрнекіліктер: Альбомдар, суреттер, плакаттар, Барысы:1. Ұйымдастыру2. Келген қонақтармен танысу3. Тәрбие сағатын ашу4. ҚорытындылауАйдын Біздің халқымыз кең далада, табиғат құстары бай далада өскен. Бүгінгі «Құстар – біздің досымыз» атты тәрбие сағатын бастауға рұқсат етіңіздер.

Мерей1-сәуір десе , ойымызға Күлкі күні оралатыны анық. Сонымен бірге бұл күні әлем жұртшылығы Құстар күнін де атап өтеді.1906 жылдың 1сәуірінде құстарды қорғау туралы Халықаралық конвенция қабылданған болатын.Қазір аталған құжатты әлем елдерінің барлығы дерлік қолдады.

Гүлсезім:

Сәуір келді,Тірлікке жан кірді.Кең дала жасарып, жаңғырды,Бар өңір құлпыра бастады,Төсіне құйып ап жаңбырды.Тірлікке жан кірді көктем кеп,Айнала, сай-сала көкпеңбек,Диқанның арқасы босады.Қытымыр қысымыз өтті деп.

Олжас:

Жыл құстары келді деп,Балдырғандар мәз болды.Қос қанаты желпілдеп,Көлге үйрек-қаз қонды.

Нұрсезім:

Қызыл тал, қызыл тал,Қызыл талда бүршік бар,Бүршігін сол жарғаны,Көктем келіп қалғаны.Ұшып келген ең алғаш,Қараторғай қырағы.Ұяларға қонақтап,Дейді «менің» тұрағым.

Айдын: Балалар, біздер жыл сайын көктем айында қанатты достарымыз құстар мерекесін тойлаймыз. Міне сол күн, сол мереке биыл да келіп жетті. Өлкеміз, өзен мен көлдеріміз, тау мен бақшаларымыз құстардың қиқуына бөленді.

Мерей: Табиғатты құрайтын тіршіліктің бірі – құстар.Халық ежелден –ақ құстарға әуес,оларға деген сүйіспеншілігі шексіз ,ең жақсы көретін адамның құсқа теңеу арқылы ықыласын білдіріп отырады.Айдын: Қазақстанда қанаттылардың 481 түрі мекен етеді. Ал бүкіл жер шарында тоғыз мыңға жуық түрі бар. Әр құстың өз «кәсібі» бар. Біреулері ән айтса ,екіншілері –құрылысшы. Құстар сонымен бірге «дала дәрігері» деп те аталады екен. Құстардың келтіретін пайдасы көп екен. Ендеше қанатты достарымызды қарсы алайық.

Нұртай: Құстар тойын құттықтап, Қуанамыз, қолдаймыз. Ұя жасап құттықтап, Біз оларды қорғаймыз.

Кәусар: Жылы шуағымен гүл өсіріп, Жыл құстарын ілестіріп, Көрікті көктем келді. Самалына нұр есіп.

Сахнаға вальс биін билеп «Көктем» шығады.

Жанерке: Сағынышпен жеткен, Қуана бер көктем. Жайнап нұрлы гүлің, Басқар құстар күнін. (Залға қарап бас иіп)Сәлем, достар аман ба?Мынау бейбіт заманда.Шат шадыман көктеммін,Шаттық болсын әманда.Ән құрадым үніммен,Сән құрадым гүліммен.Қуантамын бәріңді,Құт-береке күніммен.

Хор: Сәлем елдің көктемі, Әлем енді көктеді. Құрметпенен бас идік, Құстарыңа көктемгі.

көктем Жанерке:

Рахмет, балалар,Сендерде ой-сана бар.Бау-бақшаның дұшпанын,Бастырмады құстарым.Кербез құстар әні мен,Келді міне сәнімен.

Мерей : Халық « көкек келді-көктем келді » - дейді. Қадірі мен қасиеті онша емес, осы бір құстың аты неліктен ең тамаша ай атына теңеу болады екен. Айдын: Бұл кезде қар еріп, ағыл-тегіл бұлақтар ағады. Жер беті жасыл көрпе жамылып,көзге ыстық , көңілге жарқын жауқазындар гүлдеп алқа тағады.Осы кезде көкек келеді .Не деген ғажап «кө-кек,кө- кек» деп ән салады.Сондықтан да «сәуір» айы «көкек» айы деп аталады.

Ақмерек : Жаршысы көктемнің «Көкек» дейді мені жұрт Өз атын айтар құс менмін Көктемді күтсең мені күт

Мерей :Өз ұрпағына ұқыпсыз болса да көкек пайдалы құстың біріне саналады.Көкектің балапаны бір күнде 39 шегіртке,43 жұлдызқұрт,4 өрмекші және басқа және басқа жәндік тердің жұмыртқалары қорек етеді.

Гүлсезім: Елдің сәні ,көлдің сәні –аққуы, Келді жұппен көптен күткен

Сахнаға аққу маскасын киіп, ақ көйлек киген екі қыз шығады.Сағыныш Құс сұлуы аққу мен, Табиғат көркін сыйлаған. Мылтығын кезіп еш мерген, Атуға көзін қимаған.

Ақниет: Сұлулыққа паш етіп, Жырлаған талай ақындар. Нәзік үнді көл көркі, Құс патшасы атым бар.

Би «Аққу биі» орындайтын Ерболқызы Мерей

Нақып Іңкәр : Қарлығашпын Мен адамның тұрағын Мекен етіп тұрамын. Тазалаймын үй –ішін Санитармын төселген

Айдын:

Бір қарлығаш бүкіл жаз бойы 1 миллион құрт жейді деп ғалымдар зерттеген.

М.Диас : Мен қараторғаймын. Шегірткеден жұртыңды Қырғи болып қорғаймын. Егістікке жайылымға Қорғаушы боп тұрамын. Жәндіктерді зиянды Құртатұғын батырмын. Дайындайтын ұямды Достарға келе жатырмын.

Мерей: Пайдалы құстардың бірі – қараторғай.Бір топ қараторғай бүкіл балапандарымен бірге 22 тонна шегірткені азық етеді.Қараторғай –орман қорғаушылары.

Асылжан: Мен торғаймын,торғаймын Көк аспанда шарлаймын Жерге бетер қонбаймын Суықтан да тоңбаймын. Құрт –құмырсқа,шіркейден Бау-бақшаны қорғаймын.