Құтқару техникасы мен байланыс құралдары жоспары

Сабақ тақырыбы: Құтқару техникасы мен байланыс құралдарының мәні

Сабақ мақсаты:

1. Білімділік – студенттерді құтқару техникалары және байланыс құралдары, оларды пайдалану тәртібімен таныстыру.

2. Дамытушылық – студенттердің тыңдай білу және оймен бөлісу қабілеттерін ұштауға, білімін дамытуға мүмкіндік туғызу.

3. Тәрбиелік- студенттерді ұқыптылыққа, зеректілікке, атқаратын жұмысына жауапкершілікпен қарауға, сауаттылыққа тәрбиелеу;

Сабақ түрі: аралас

Сабақ көрнекілігі: интерактивті тақта, оқулық, тест.

Сабақ барысы: 1. Ұйымдастыру кезеңі (4 мин.)

2. Үйге берілген тапсырманы тексеру (20 мин.)

3. Жаңа тақырыпты түсіндіру (меңгерту) (35 мин.)

4. Жаңа сабақты бекіту (қорытындылау) (20 мин.)

5. Бағалау (6 мин.)

6. Үйге тапсырма (5 мин.)

1. Ұйымдастыру кезеңі

1. Студенттермен сәлемдесу,

2. Бөлмесінің сабаққа даярлығын тексеру,

3. Студенттерді түгендеу.

2. Үйге берілген тапсырманы тексеру.

1. Дозиметрлердің арналымы?

2. Стационарлық радиометрлердің артықшылықтары?

3. Иондағыш сәулелердің экспозициялық доза қуатын өлшейтін аспап?

3. Жаңа тақырыпты түсіндіру (меңгерту).

Жабдықтар мен саймандар нақты жағдайға байланысты тандалады. ІҚЖ сәтті болуы құтқарушылардың материалдық – техникалармен жабдықталуына тікелей байланысты. Байланыс құралдары өзінің ұйғарылған қызметіне барынша сәйкес келетіндей болып тандалуы тиіс. Алыс қашықтықта байланысты қамтамасыз ету үшін стационарлы радиостанцияларды, ал тікелей жұмыс орнындағы байланысты жүргізу үшін тасымалданатын радиостанцияларды қолданады. Радиотәртіпті эфирде ұстау үшін барлық келіссөздер қысқа, айқын және анық болу керек.

Құтқарушылардың жабдықтануына жарық және дабылдың дыбыстық құралдары: ракеталар, фонарлар, дабылдар, ысқырықтар кіру қажет.

Қажетті ақпаратты алуға, (жол туралы анықтама, метеорологиялық мәліметтер мен болжам алу және т.б.) өкіметтің жергілікті органдарының әкімшілік көмегі, басқа ұйымдармен өзара әрекеттесу мәселелеріне ІҚЖ көлікпен (өздерінің көліктері болмаған кезде) қамтамасыз ету жатады. Таудағы ІҚЖ – на арнайы мамандармен бірге әскери қызметкерлер және жергілікті тұрғындар араласуы мүмкін. Әдетте оларға арнайы керек – жарақпен қамтамасыз ету мен физикалық дайындықты талап етпейтін болмашы міндеттер жүктеледі.

Байланыс – бұл нақты ұйым мен іздестіру – құтқару және авариялық-қалпына келтіру жұмыстарын жедел өткізудің маңызды элементі. Байланыстың ең негізгі бір түрі радиобайланыс болып табылады. ТЖ аймағына жылжу кезінде ол KB және УКВ радиостанциясы командалық – штабтық машинасымен немесе басқа көлік құралдарымен жөнделеді.

Марш жасау кезінде байланыс:

- маршқа дайындық кезінде бөлімшелерге уақытылы бұйрық беруді;

- көлікке тиеу (түсіру) орындарында (теміржол, авиациялық т.б.) және демалыс орындарында үздіксіз қозғалысты басқаруды;

- ТЖ туралы барлау бөлімшелерінен уақытылы мәліметтер алу және оларды үздіксіз басқаруды;

- техникалық және тылмен қамтамасыз ететін бөлімшелерді басқаруды;

- хабарландыру дабылын қабылдауды қамтамасыз етеді.