Авариялық-құтқару қызметі мен құрамалары сабақ жоспары

Сабақ тақырыбы: Авариялық-құтқару қызметі мен құрамалары

Сабақ мақсаты:

1. Білімділік – студенттерді Азаматтық қорғаныс туралы заңмен және авариялық-құтқару қызметі, олардың міндеттерімен таныстыру.

2. Дамытушылық – студенттердің ойын нақты жеткізе алуға, білімін дамытуға мүмкіндік туғызу.

3. Тәрбиелік- студенттерді тиянақтылыққа, мәдениеттілікке, жауапкершілікке тәрбиелеу;

Сабақ түрі: аралас

Сабақ көрнекілігі: интерактивті тақта, оқулық

Сабақ барысы: 1. Ұйымдастыру кезеңі (4 мин.)

2. Үйге берілген тапсырманы тексеру (20 мин.)

3. Жаңа тақырыпты түсіндіру (меңгерту) (35 мин.)

4. Жаңа сабақты бекіту (қорытындылау) (20 мин.)

5. Бағалау (6 мин.)

6. Үйге тапсырма (5 мин.)

1. Ұйымдастыру кезеңі:

1. Студенттермен сәлемдесу,

2. Сынып бөлмесінің сабаққа даярлығын тексеру,

3. Студенттерді түгендеу.

2. Үйге берілген тапсырманы тексеру.

1. Эвакуация дегеніміз?

2. Эвакуация жұмыстарының жүргізілу тәртібі?

3. Эвакуациялық комиссиялар және олардың міндеттері?

3. Жаңа тақырыпты түсіндіру (меңгерту).

Авариялық-құтқару құрамасы - негізін арнаулы техникамен, жабдықтармен, жарақтармен, аспаптармен, материалдармен жарақтандырылған және кинологиялық қызметпен қамтамасыз етілген құтқарушылар бөлімшелері құрайтын, құтқару жұмыстары мен шұғыл жұмыстарды жүргізуге арналған дербес немесе авариялық-құтқару қызметінің құрамына енетін құрылым.

Авариялық-құтқару қызметі - негізін өзіне құрылымдық жағынан авариялық-құтқару жұмыстары мен шұғыл жұмыстарды орындайтын атқарушы-құтқарушыларды, кіші, орта және жоғары құрамдағы осы жұмысты басқарушы-құтқарушыларды және осы жұмысты техникалық жағынан қамтамасыз ететін көмекші қызметтерді қамтитын авариялық-құтқару құрамалары, оның ішінде аэромобильді отрядтар құрайтын, қызмет міндеттері жағынан біртұтас жүйеге біріктірілген, төтенше жағдайлардың алдын алу және оларды жою жөніндегі міндеттерді шешуге арналған басқару органдарының, күштер мен құралдардың жиынтығы.

Авариялық-құтқару қызметi мен құрамалары қызметiнiң негiзгi принциптерi мыналар болып табылады: төтенше жағдайлар туындаған кезде адамдардың өмiрiн құтқару мен олардың денсаулығын сақтау, қоршаған ортаны қорғау мiндеттерiнiң басымдығын көздейтiн iзгiлiк пен қайырымдылық; төтенше жағдайларды жою жөнiндегi құтқару жұмыстары мен шұғыл жұмыстарды жүргiзудiң мiндеттiлiгi; авариялық-құтқару қызметi мен құрамаларына дара басшылық; құтқару жұмыстары мен шұғыл жұмыстарды жүргiзу кезiнде өзiн-өзi ақтайтын тәуекелдiлiк және қауiпсiздiктi қамтамасыз ету; авариялық-құтқару қызметi мен құрамаларының төтенше жағдайларға жедел назар аударуға және құтқару жұмыстары мен шұғыл жұмыстарды жүргiзуге ұдайы әзiрлiгi.