Құзыретті педагог және бәсекеге қабілетті мұғалім тақырыбы

«Акт құзыретті педагог – бәсекеге қабілетті мұғалім»

Жайықбаева Жібек Сырғабайқызы

ОҚО, Шымкент қаласы

№103 жалпы орта мектебі

информатика пәні мұғалімі

«МИФ» пәндері әдістемелік жетекшісі

ІІ- деңгей сертификатталушы

«...Адамзат үшін ХХІ ғасыр жаңа технологиялардың ғасыры болмақ, ал осы жаңа технологияларды жүзеге асырып, өмірге енгізу, игеру және жетілдіру - бүгінгі жас ұрпақ, сіздердің еншілеріңіз... Ал жас ұрпақтың тағдыры - ұстаздардың қолында»

Н.Ә. Назарбаев

Қоғамымыз өте тез, шапшаңдықпен қарқындай дамып отырған мына заманда халық ағарту саласының қызметкерлеріне түсер салмақтың жеңіл болмауы да анық. Заман талабы мен уақыт көшіне ілесу ұстаздар қауымына үлкен сын. Бүгінгі таңдағы оқыту үрдісі жаңа әдіс-тәсілдерді, жаңаша идеяларды қолдануды талап етеді. Әр мұғалім өз іс-тәжірибесінде көптеген қиындықтар мен кедергілерді кездестіреді. Ол заман көшіне ілесу ішін өз білімін жетілдіріп отыру қажет. Болашақ еліміздің тұтқасы жас ұрпаққа білім беруде әр ұстаздың, әрбір мектептің ең қасиетті міндеті. Мен де оқыту тәжірибемде жетістіктерге жету, жаңаша оқыту үлгісін қалыптастыруды оқу, білу, үйрену мақсатында екінші / негізгі / деңгейлік бағдарлама аясында Қазақстан Республикасы педагог қызметкерлердің біліктілігін арттыру курсынан өтіп, сертификатталдым.

Қазіргі уақыттағы білім беру қызметкерлерінің алдында тұрған басты мақсат - еліміздегі білім беруді халықаралық деңгейге көтеру және білім сапасын көтеру, жеке тұлғаны қалыптастыру, қоғам қажеттілігін өтеу, оны әлемдік білім кеңістігіне кіріктіру болмақ.

ХХІ ғасыр – ақпараттандыру ғасыры болғандықтан адамзатқа компьютерлік сауаттылық қажет. Ал бұл сауаттылықтың алғашқы баспалдағы мектептен басталады. Мектеп қабырғасынан теориялық біліммен қатар практикалық білімді ұштастыру үшін АКТ – ның мүмкіндіктерін пайдалану оқушылардың білім сапасын арттыруға көмектеседі.

Осыған байланысты XXI ғасырда ақпараттанған қоғам қажеттілігін қанағаттандыру үшін білім беру саласында: компьютерлік техниканы, интернет, компьютерлік желі, электрондық және ақпараттық-телекоммуникациялық құралдарды, электрондық оқулықтарды оқу үдерісіне тиімді пайдалану арқылы мұғалім тұлғасын дамыту және білім сапасын көтеру міндеттері қойылып отыр.

«Қазір бой жарыстыратын емес, ой жарыстыратын заман» деп Елбасымыз айтқандай, дарынды, білімді ұрпақ еліміздің ертеңі екені даусыз, ел болашағын ойлайтын әр ұстазға үлкен жауапкершілік жүктеледі.

Ендеше, мұғалім оқушыларды білім жүйесімен, іскерлікпен, дағдымен қаруландырып қана қоймай, олардың танымдық, шығармашылық, қабілеттерін дамытуы тиіс. Сондықтан кез - келген мұғалім сабақ жоспарын құрған кезде, бұрынғы бірсарындылықты артқа тастап, заман талабына сай, әр оқушының жас ерекшелігін, зияткерлік деңгейін ескере отырып құрастыруы қажет.

ХХІ ғасырдың оқушыларын таң қалдыру қиын, осы орайда мұғалімге қойылатын талап өте жоғары, сабақ үстінде оқушы пассивті жағдайдан, белсенді жағдайға көшуі тиіс. Бүгінгі басты мәселеміз – білім сапасы десек, осы білім сапасын арттырудың тиімді жолы білім беру жүйесінде түрлі ақпараттық технологияларды қолдану. Келешек қоғамымыздың мүшелері - жастардың бойында ақпараттық мәдениетті қалыптастыру қоғамның алдында тұрған ең басты міндет.

Ақпараттық технологияның негізгі ерекшелігі – мұғалімге оқушыны қазіргі қоғам сұранысына сай өзінің өмірлік іс-әрекетінде дербес компьютердің құралдарын қажетті деңгейде пайдалана алатындай жан-жақты дара тұлғаны тәрбиелеуге мүмкіндік береді. Ақпараттық технология «information technology» - біріншіден: обьектінің, процестің немесе құбылыстың күйі туралы жаңа ақпарат алу үшін мәліметтерді жинақтау, өңдеу, жеткізу тәсілдері мен құралдарының жиынтығы. Екіншіден: ақпаратты өңдеу үшін пайдаланатын технологияның, элементтердің, құрылғылардың немесе әдістердің жиынтығы. Жаңа ақпараттық технологиялар дегенiмiз - бiлiм беру iсiнде ақпараттарды даярлап, оны бiлiм алушыға беру процесi. Бұл процестi icкe асырудан негiзгi құрал компьютeр болып табылады. Компьютер - бiлiм беру iсiндегi бұрын шешiмiн таппай келген жаңа, тың дидактикалық мүмкіндіктерді шешуге мүмкiндiк беретiн зор құрал. Заман ағымына қарай күнделікті сабаққа аудио қондырғыларды, теледидарды, компьютерді қолдану айтарлықтай оң нәтиже береді. Кез-келген сабақта электрондық оқулықтарды пайдалану оқушылардың танымдық белсенділіктерін арттырып қана қоймай, логикалық ойлау жүйесін қалыптастыруға, шығармашылықпен жұмыспен айналысуына жа

Ақпараттық - коммуникативтік технологияны оқу-тәрбие үрдісіне енгізуде құзыретті мұғалім алдына жаңа бағыттағы мақсаттар қойылады:

әртүрлі іс–қағаздарды жүргізу (жоспар, сабақ конспектілері, есептер т.б);

компьютер көмегімен әртүрлі дидактикалық материалдарды құрастыру;

мультимедиялық проекторлармен, инерактивті тақтамен, электронды журналдармен жұмыс істей алу;

электронды оқулықтарды әр пәнде, әр сабақта, сабақтан тыс қолдану

сабақты интерактивті құралдармен өткізу арқасында оқушының оқуға деген шығармашылық қызығушылығын қалыптастыру,

дайын бланкілер арқылы электронды тест құрап, база жинақтай алу;

Web-дизайн, Java Script негіздерімен танысып, HTML тілінде мұғалім өз сайтын жасай алу.

ғаламторды қолдану арқылы мұғалім: қашықтан оқыту, on-line тестілеу, қашықтық олимпиадаларға қатысу, конференцияларға қатысу, виртуалды экскурсия, түрлі ақпаратты іздеу мүмкіндіктерін кеңінен…