Қырыққабат туралы бастауыш сыныпқа арналған ашық сабақ

Білім беру саласы: «Шығармашылық».

Бөлімі: Аппликация.

Тақырыбы: Қырыққабат.

Мақсаты:

1.Білімділігі: Қырыққабаттың пішінін және олларға тән ерекшеліктерін бере білуді үйрету, төртбұрыштан дөңгелекті қиюды бекіту.

2.Дамытушылық: Қағазбен, желіммен жұмыс істеу икемділігін арттыру. «Көкөністер айтысы» көрінісі, «Сиқырлы қоржын» дидактикалық ойыны, жұмбақтар шешу,мақал-мәтелдер айытқызу арқылы балалардың тілін, ой-өрісін, сөздік қорын молайту.

3.Тәрбиелігі:Көзімен көргенін есінде сақтауға, өздігіненеңбек етуге, табиғатты аялауға, ұқыптылыққа тәрбиелеу.

Қажетті құралдар: Жасыл түсті қағаздар, желім, қайшы, сүлгі, қырыққабат үлгісі.

Сабақ барысы:

Шаттық шеңбері,

Арайлап таң атты,

Алтын сәуле таратты,

Жарқырайды қаламыз,

Жайнай түсті даламыз.

Қайырлы таң!

Қайырлы күн!

Сәлеметсіздерме, апайлар!

Балалар, орындарымызға жайғасайық.

- Балалар қазір жылдың қай мезгілі?

- Күз мезгілі.

-Күз айларын атаңдар.

- Қыркүйек, қазан, қараша.

- Қазір қай ай?

- Қазан айы.

-Күздің қандай атауларын білеміз?

- «Ерте күз», «Алтын күз», «Қара күз».

- Балалар не үшін жомарт күз деп атаймыз?

Балалар жауабы: Күз мезгілінде жемістерді,көкөністерді,дәнді дақылдарды жинаймыз.Осының бәрін күз бергендіктен жомарт күз деп атаймыз.

Балалар, мен сендерге жұмбақ жасырайын мұқият тыңдаңдар:

Қабат-қабат киінген,

Төбе шашы түйілген.

Шешіндірген кезеңде

Жас келеді көзіне. (пияз)

Бойын жерге жасырған,

Бұрымы бар жасылдан. (сәбіз)

Доптар жатыр жемісі бар,

Қабат-қабат терісі бар. (қырыққабат)

Сусыз піскен ас көрдім,

Домаланған бас көрдім. (қауын)

Осы аптада біз жемістер, көкөністер жайлы әңгімелестік, суреттерін салдық. Тіл дамыту сабағында өтілген «Көкөністер айтысы» өлеңін көрініс арқылы орындап берейік.

Автор:

Өнім биыл тамаша

Көз тоймайды қараса.

Сәбіз,картоп,қиярмен

Қып-қызыл піскен қызанақ,

Қырыққабатқа қарашы.

Көкөністер бір кезде

Жинала қалып дауласты.

Қырыққабат: Жиналып қалып бәріміз,

Қайсымыз ең дәмдіміз?

Ішімізденадамға,

Тиеді көп пайдамыз.

Бақшаларда тізіліп

Қаперсіз мен жатамын.

Қабат-қабат киініп,

Қырыққабат атандым.

Картоп: Картоп біздің атамыз,

Жер астында жатамыз.

Бір тамырдан тараған

Ағайынбыз бәріміз.

Мен ұялшақ картоппын,

Мен емеспін мақтанар,

Мені жақсы көреді.

Үлкендер мен балалар.

Қияр: Мен қиярмын.

Бүйректі тазартамын,

Тәбетті ашамын.

Тіпті бар ғой, бетті ағартамын,

Өңді де жасартамын.

Пияз: Боламын мен дәмдеуіш

Барлық, барлық тағамға.

Көкөністер ішішнен,

Мен пайдалы адамға.

Асханадан шықпаймын,