Қыс мезгілі мен құстар туралы ашық сабақ, мектепке дейінгі топ

Тақырыбы: «ЖЫЛ МЕЗГІЛІ -ҚЫС»

Жұмашева Ж.С.

№4 «Көктем» МДҰ

ҰОӘ -нің мақсаты: Балаларды қыс мезгілін сипаттай білуге, әңгімелей білуге, зат есім мен сын есімді байланыстыра отырып, жай сөйлемдер құрай білуге үйрету; білімдерін, сөздік қорларын толықтыру, мнемокесте арқылы тақпақ жаттатып, тіл үйренуге қызығушылығын арттыру, ойлау қабілеттерін кеңейту. «Қ» дыбысын сөз ішінен дұрыс таба білуге жаттықтыру. Достыққа, қайырымдылыққа, бірлікке тәрбиелеу.

Әдіс –тәсілдері:АКТ, сұрақ – жауап, әңгімелеу, көрсету, түсіндіру.

Көрнекілігі: Ноутбук, проектр, мазмұнды суреттер, суретті жұмбақтар, мнемокесте, қима суреттер.

ҰОӘ-нің барысы:

Кіріспе бөлім:

Балалармен амандасу. Шаттық шеңберін құру.

-Қазір жылдың қай мезгілі?

-Қыс айларын атай аласыңдар ма?

-Бүгін аптаның қай күні?

-Балалар, бүгін Маша сендермен бірге қазақ тілін үйренуге келе жатыр еді. Оны жолда Аяз қатырып тастады. (Слайд арқылы мұзға қамалған қыздың суретін көрсету).Енді оны құтқаруымыз керек. Ол үшін Аяз сіздерден көп шырша сұрап отыр. Егер сіздер көп шырша жинасаңдар, Аяз бізге Машаны босатады. Ол үшін мына тапсырмаларды орындап, шырша жинау керек.

№1 тапсырма. «Қыс туралы не білесің?»

Шарты: Суреттердің ішінен қысқа қатысты суреттерді тауып, сол туралы өз ойын жеткізу. Мысалы: ҚАР- Қыста қар жауады.

№2 тапсырма.«Қарды сипатта»

Шарты: Қар қандай екенін айту.

Сергіту сәті: «Аяз»

Дала аяз балақай,

Басыңа ки малақай.

Қолыңа ки қолғап,

Келе ғой бар ойнап!

№3 тапсырма. «Қ» дыбысын тап

Шарты: Сюжетті суреттен «Қ» дыбысы бар заттарды атап, белгілеу. Сөздегі орнын айту. Мысалы: ҚАРҒА. СЫЙЛЫҚ. ҚОЯН, Т.Б.

№4 тапсырма. «Суретті жұмбақ»

Шарты: суретті жұмбақтың шешімін табу, сөйлем құрау, схемасын сызу.

Ш + ана : Балалар шана тебеді. _______ ______ ______ .

№5 тапсырма. «Суретті құра»

Шарты: Қиылған суреттерді құрап, атын атау. Буынға бөлу. Осы суреттерді қатыстырып тақпақ жаттау.

№6 тапсырма.«Аяз ата»

Шарты: Мнемокесте бойынша тақпақ жаттау.

Аяз ата келеді,

Шыршамызды көреді.

Риза болып, қуанып,

Бізге сыйлық береді.

Қорытындылау.

- Балалар, біз көп шырша жинай алдық па?

- Мұнда шырша көп па, аз ба?

- Біз осынша шыршаны кім үшін жинадық?

Мұғалім: Балалар, біз Аяздың барлық тапсырмасын орындадық. Енді Аяз Машаны босатты ма қарайық! (Слайдта Маша жүгіріп келеді.)

-Босатты! Ол бізге жүгіріп келеді. Рахмет,сізге Аяз! Балалар, Машаны топта күтіп алайық!

Қонақтармен қоштасу.

«Орман ертегісі» даярлық тобында

ұйымдастырылған оқу іс-әрекетінің технологиялық картасы №43

Мұғалімі: Жұмашева Жанат Санғалиқызы

Білім беру саласы: Тілдік қатынас

Бөлім: Қазақ тілі

Тақырыбы: «Жыл мезгілі «Қыс»

Мұғалімі:Жұмашева Жанат Санғалиқызы

Мақсаты: Балаларды қыс мезгілін сипаттай білуге, әңгімелей білуге, зат есім мен сын есімді байланыстыра отырып, жай сөйлемдер құрай білуге үйрету; білімдерін, сөздік қорларын толықтыру, мнемокесте арқылы тақпақ жаттатып, тіл үйренуге қызығушылығын арттыру, ойлау қабілеттерін кеңейту. «Қ»…