Қыс қызығы балабақшадағы ашық сабақ

«Жан-Балауса» бөбекжай балабақшасы ортаңғы топ тәрбиешісі Урманова Халима

Білім саласы: Таным, шығармашылық

Білім бөлімі: Қоршаған ортамен таныстыру, сурет,

Тақырыбы: Қыс қызығы

Мақсаты: балалардың қыс мезгілі туралы түсінігін кеңейту, қыс мезгілінің сұлулығын тамашалай білуге табиғаттың ерекшелігін сезіне білуге, қоршаған ортамен танысу арқылы баланың ой-өрісін дамыту. Жапалақтап жауған қар ұлпаларының суретін қағаз бетіне желім жағып жарма арқылы бейнелеуге үйрету.

Көрнекілігі:суреттер, ДВД, теледидар, су бояулар, жарық шамы, ас тұзы, жарма, шыны әйнек, сулы, сүлгі, желім, көк түсті қағаз, үлгі суреттер.

Шаттық шеңбері: Арайлап таң атты,

Алтын сәуле таратты

Жарқырайды күніміз

Жайнай түсті даламыз

Қайырлы таң достарым

Қайырлы таң қонақтар

Балалар мен сендерге жұмбақ жасырамын таба аласыңдарма?

Балалар: әрине

Аяз қысып, өрнек сызып

Терезені торлайды,

Қар омбығып, бет домбығып

Балдырғандар ойнайды

Балаларым айтыңдаршы бұл қай кезде болады?

Балалар: қыс мезгілінде

Дұрыс айтасыңдар. Балалар, қазір жылдың қай мезгілі? Қыс мезгілі

Қыс мезгілінде ауа райы қандай болады? Өте суық, қар жауады, боран болады, аяз болады.

Адамдар қалай киінеді? Қалың киімдерін киеді.

Қыста қандай ойындар ойнаймыз? Шанамен сырғанаймыз, аққала жасаймыз, қар лақтырып ойнаймыз.

Қане, балалар теледидардан қыс мезгілі жайлы слайд көрейік.

Тосын сәт: топқа сайықмазақ пен қоян келеді. Қолдарында түрлі пішіндері бар.

Балалар ойын ойнайық. «Ата және құрастыр» ойыны. Пішіндерден аққаланы құрастырады.

Қоян: балалар менің сурет салғым келіп тұр.

Олай болса келіңдер бәріміз топқа бөлініп жұмыс жасайық.

1-топ жарық шамы түсірілген әйнекке қыс бейнесін ас тұзынан саусақ қимылдары арқылы салады.

2-топ көк түсті қағаз бетіне желіммен сурет салып манка жармасына батырып қар ұлпаларын саламыз.

3-топ шыны әйнек бетіне су бояу арқылы қысқы көріністі саламыз.

Сергіту сәті.

Музыка ырғағына сай қимылдар жасаймыз.

Балалар сендерге көп рахмет біз түрлі заттармен қыс мезгілінің бейнесін салуды үйрендік. Енді біз қайтайық осы салған суреттерді достарымызға апарып көрсетейік.

Сау болыңдар.

Сау болыңыздар.

Балалар бізге қонаққа кімдер келді?

Сайықмазақ пен қоян

Біз қандай сурет салдық?

Қыс мезгілінің бейнесін салдық.