Қыз бала тәрбиесіндегі зергерлік бұйымдар

ММ «Қостанайқаласыәкімдігібілімбөлімнің Физика-математикалықлицейі»

« Қыз бала тәрбиесіндегі –зергерлік бұйымдардың алатын орны»

Этномәдениет

Орындаушы:

Асқар Таңнұр

5 «В » сынып оқушысы

Ғылыми жетекшісі:Самбулатова Г.Ш.

қазақ тілі мен әдебиет пәні мұғалімі

Қостанай қ, 2018

Абстракт

Ғылыми зерттеу жұмысында алған тақырыптың өзектілігі -Зергерлік өнер – ерте заманнан келе жатқан әрі халыққа көп тараған сәндік және қосалқы өнердің бір түрі. Алтын, күміс, асыл, тас және сүйекті пайдаланып, сән-салтанат әшекейлі жиһаз, қыз-келіншектердің сәндік, бұйымдары мен қару жарақ, сауыт–сайман, ер–тұрман зергелеу өнері болған. Зергерлік өнерді халық өнері деудің мәнісіне келсек, жасалынған сәнді бұйымды баяғыда бір ұста жасап, безендірген, өз заманында оның аты-жөнін халық білген, бірақ көп ғасырдан кейін оның аты ұмытылып, жасалған бұйымы халықтікі болып кеткен. Ғасырдан ғасырға жалғасып, жекелеген ұсталардың қолынан шыққан әсем бұйымдардың халықтікі деп аталуы осыдан.

Қолөнер үлгілері тек қана эстетикалық мұра ғана емес. Ол сонымен бірге халықтың белгілі бір тарихи кезеңдегі таным-түсінігінен сұлулық туралы түйсік-талғамнан хабар береді. Әсіресе қолөнер түрлеріне, оның жасалуына, тұтынуларына қатысты атау сөздерінің мәні айрықша. «Өнерлінің қолы алтын» демекші, өнерлінің қолынан шыққан бұйымдар тұрмыстық тұтыну, безендіруі әшекейлеу үшін қажет болғаны, әрі көшпелі өмірдің салт-дәстүрінен, әдет-ғұрпынан, халықтың дүние танымынан сыр шертетіні даусыз. Тек оны ұғып, сезіп, түсіне білу қажет. Осы өнер, салт-дәстүрімізді жоғалтпай, кейінгі ұрпағымызға жеткізу қажет!

Зерттеу мақсаты: ата – бабаларымыздан қалған ұлы өнерді келешекке үлгі ете отырып,ұрпағымыздыңқолөнеріне деген ұлттық санасын қалыптастыру.

Зерттеу міндеттері:

- Қазақтың зергерлік қолөнері тақырыбында материалдар жинақтау,өзіндік ерекшеліктерін тану,зерттеу;

- « Қыз бала тәрбиесіндегі –зергерлік бұйымдардың алатын орны»

тақырыбының тәрбиелік мәнін айқындау.

Зерттеудің әдістері. ата-аналар, оқушылар және мұғалімдер арасында сауалнама жүргізу .

Зерттеудің негізгі кзеңдері:

Алғашқы кезеңде тақырыпты таңдап алып, мақсатын, міндеттерін, әдістерін анықтап алдым.Зергерлік өнер – ерте заманнан келе жатқан әрі халыққа көп тараған сәндік және қосалқы өнердің бір түрі екенін дәлелдеуге арналған материалдарды жинақтадым..

Екінші кезеңде « Қыз бала тәрбиесіндегі –зергерлік бұйымдардың алатын орны»