Қыз болашағы – ұлт болашағы ашық сабағы, өзін-өзі тану

Тәрбие сағатының тақырыбы: «Қыз болашағы – ұлт болашағы»

Тәрбие сағатының мақсаты: Қыз бала тәрбиесіне тән қасиеттермен таныстыру.

Тәрбие сағатының міндеттері: 1. Айналасындағылармен дұрыс қарым-қатынас жасай білу мәдениеті туралы түсінік беру;

2. Қыздарға тән қасиеттерді түсіндіру арқылы адамгершілік қасиеттер жайлы түсініктерін дамыту;

3.Үлкенді сыйлауға, кішіге қамқор болуға, сыпайы, ілтипатты болуға тәрбиелеу;

Көрнекі - құралдар: Слайдтар

Тәрбие сағатының жоспары: Кіріспе

Жағымды көңіл-күй туғызу

Негізгі бөлім

1.Әңгімелесу

2. Мәтінмен жұмыс: « Ағайынды екі қыз»

3. Жағдаяттар талдау

4. Сергіту сәті

5. Ойын-жаттығу: « Мен қандаймын?»

6.Тәжірибелік жұмыс

Қорытынды

Тәрбие сағатының барысы: Кіріспе

«Армысың, алтын күн!

Армысың, көк аспан!

Армысыңдар, достарым!

Армысыздар, қонақтар!»

Бүгінгі: « Қыз болашағы – ұлт болашағы» атты тәрбие сағатымызды бастаймыз.

Өзіммен-өзім: Балаларға әрбір арайлап атқан таңның қуанышын сезіндіру , жағымды көңіл-күй орнату мақсатында жүргізіледі. / Балалар ыңғайланып , денелерін еркін ұстап отырады. Көздерің жұмса да болады/.

«Таңғы сәулелер»

Нұрлы күн аспанға аспанға көтерілді де, өзінің алтын сәулелерін жан-жаққа таратып, жер бетіндегі бар тіршілікті ұйқысынан оята бастады. Бірінші сәуле бозторғайға түсті. Бозторғай қанатын қағып – қағып қалып, ұясынан пыр етіп ұшып шықты. Екінші сәуле қоянға барып түсті. Қоян қалқан құлақтарын селтең-селтең еткізіп, шық түскен шалғынмен көңілді күйде секеңдей жөнелді. Үшінші сәуле тауық қораға барып түсті. Әтеш қанатын қағып-қағып жіберді де, « Ку-ка-ре-ку», - деп әндете жөнелді. төртінші сәуле ара ұясыны барып түсті. Бал арасы балауыз ұясынан шығып, терезеге барып қонды.

Күн сәулесі шуақтары біздің бөлмеге де түскенін сезініңдер. Алтын күннің шуақтары көзімізге түсті. Күн нұрының шапағатымен көзімізді ашайық. Атқан таңға өз қуанышымызды білдірейік :

«Арайлап таң атты,

Алтын шапақ таратты,

Әлемде нұр- тыныштық,

Әрбір бейбіт күн ыстық!»

-Көңіл күйлерің қалай ?

-Не себепті көңіл күйлерің көтеріңкі?

/Жауаптарды тыңдап, қорытындылаймын/

«Жақсы сөз, таза ой жан жадыратар» - демекші, сендердің бір- біріңе айтқан әрбір жылы, жақсы сөздерің, таза ойларың, игілікті істерің жақсы күннің бастауы болады. Сол себепті арайлап атқан таңнан күн батқанға дейін кездескенде, хабарласқанда, сөйлескенде бір-бірлеріңді қуанышқа бөлеп, жақсы сөздермен қуантып жүріңдер.

Негізгі бөлім.

1. Әңгімелесу. Қыз баланы тәрбиелеуге халқымыз ерте заманнан ерекше мән берген. Қыз бала – халқымыздың көркі. Қыз – ең қасиетті сөз. Қасиетті болатыны – бүкіл адамзат әйелден тарайды: қыз- келін болады, келін – әйел-анаға айналады, ал ана – әже деген зор дәрежеге жетеді. Сондықтан да қызды халқымыз аса қадір тұтқан, құрметтеген, олардың алдында дөрекі сөйлемей ізетті болуды, киімнің сәндісін, алтын бұйымдардың жақсысын қыздарына тарту етуді дәстүрге айналдырған.

- Халқымыз осындай құрметке бөлеген қыздардың бойында қандай қасиеттер болуы керек?

- Қандай жағымсыз қасиеттерден аулақ болуы керек?

/Жауаптарды тыңдап, сызба арқылы қорытындылаймын/

Әр адам өзінің ішкі жан дүниесінің таза ақ болуын қадағаласа, өтірік айту, ұрлық жасау, ешкімді тыңдамау, амандаспау, өркөкіректік, мақтаншақтық, қызғаншақтық сияқты жағымсыз қасиетттерден аулақ болса, істеген ісі соған сай әдепті, инабатты, жүрегі мейірімге тола болмақ. Егер сендер бала күндеріңнен тәртіпті,шыншыл, әділ, кішіпейіл, ұқыпты, сыпайы, елгезек болып өссеңдер,есейе келе өздеріңе жақын адамдардың, өз Отандарыңның мақтанышы боласыңдар. Бесігінде жақсы тәрбие алған, үлгі-өнеге көрген қыз бала болашақта да дәл сол әдебін сақтамақ.

2.Мәтінмен жұмыс: Ә. Табылдиевтің « Ағайынды екі қыз» әңгімесі.

Биік таудың ар жағында, қалың жасыл орманда апалы- сіңлілі екі қыз өмір сүріпті. Біреуінің аты – Шындық, екіншісінің аты – Өтірік екен.

Шындық қандай қыз деп ойлайсыңдар?

Дұрыс айтасыңдар, Шындық әдемі,ақкөңіл, ақылды болады.