Қыз елдің көркі тақырыбындағы ашық тәрбие сағаты

«Қыз елдің көркі» бағдарлама аясында өткізілетін қорытынды мерекелік кеш

Мақсаты: Оқушылармен сырласа отырып, олардың тәрбиесіне көңіл бөлу, эстетикалық тәрбие беру. Пікірлесе отырып, қыздардың қазіргі заман ағымына деген көзқарастарын білу, жаңашылдықтың не екенін түсіндіру. Емін-еркін өз ойларын ашып айтуға баулу.

Білімділік –қазақ қызының бойындағы ұлттық дәстүрімізге сай әдептілік, көріктілік, ептілік, инабаттылық, кішіпейілділік, сұлулық т.б. жан-жақты ұлттық қасиеттерін таныта білу;

Дамытушылық- оқушылардың ойлау, есте сақтау, танымдық қасиеттерін дамыта оқыту;

Тәрбиелік- қазақ халқының әдет-ғұрпы арқылы қыз бала тәрбиесіне тән қасиеттерді бойына сіңіру.

Қыз баланы тәрбиелеу деген сөз-ұлтты тәрбиелеу деген сөз. Бесігінде жақсы тәрбие алған, үлгі-өнеге көрген қыз бала келін болғанда да сол әдетін сақтайды.

Көрнекілігі: Microsoft Power Point программасында безендірілген презентация, яғни слайдтар, интерактивті тақта.

Тәрбие сағатының барысы:

(Слайд көрсетіліп тұрады)

Жоспары:

1-бөлім: «Қыз қылығымен»

2-бөлім: «Отбасындағы қыз бала тәрбиесі». Тәрбие басы отбасынан басталады.

3-бөлім: «Қыз өмір гүлі».

4-бөлім: «Махаббатсыз дүние бос,

Хайуанға оны қосыңдар».

5-бөлім: «Қызым саған айтам, келінім сен тыңда».

1-бөлім: «Қыз қылығымен»

1-жүргізуші: Армысыздар құрметті ұстаздар мен студенттер қауымы!

2-жүргізуші: «Қыз елдің көркі» бағдарламасының қорытынды мерекелік кешіне қош келдіңіздер!

1 -жүргізуші: «Кыз елдің көркі» бағдарламасы аясында көптеген іс шаралар өтті.

2 -жүргізуші: Өткен іс-шараларды қорытындылау үшін «Қыз –елдің көркі» бағдарламасының жетекшісі: Оразымбетова Айнур Сейденқызын ортаға шақырсақ.

1 -жүргізуші: Мен қазақ қыздарына қайран қалам,

Жанары жаны жаздай жайраңдаған.

«Қыз өссе-елдің көркі» деген сөзді,

Қапысыз қалай айтқан қайран бабам,-

2 -жүргізуші: демекші қазақ халқы қыз баланы ертеден сыйлап, қызды гүлге теңеп, «Қыз өссе - елдің көркі, гүл өссе - жердің көркі» деп бағалап, қыздарымыз біздің болашақ анамыз деп, қыздарды батырлыққа, ұяңдыққа тәрбиелеуге ерекше көңіл бөлген.

1-жүргізуші: Мынадай нақыл сөздердің елде таралуы содан болар.

2 -жүргізуші: Қыздың жолы жіңішке.

1 -жүргізуші: Қызды ауыл-қызықты ауыл.

2 -жүргізуші: Қыз бала-болашақ ана!

1-жүргізуші: Қазақ елі қызды сұлулық, әдептілік және нәзіктік белгісі деп білген.

2 -жүргізуші: Қызды сән мен әсемдіктің нышаны тұтқан. Қызды пәк махаббаттың иесі деп білген, оған дәлел кешегі өткен Қыз Жібек, Еңлік, Баян сұлулардың сүйіктілеріне деген махаббаты.

2-жүргізуші: Жайнатып жанымызды,

Келтіріп сәнімізді

Арнайық бас қосқанда.

Жаңа ғасырға әнімізді

2 -жүргізуші: РЭС2А топ студенті Нургисаев Бексұлтанның орындауында «Қыздарай» әнін қабыл алыңыздар.

1-жүргізуші: Гүл қай заманда да екі ғашықтың арасында емеурін білдіретін, тұспал жасайтын, жүректің сөзін сөйлейтін теңдессіз қызмет атқаратын әдемілік ретінде сұлулықтың символы.

1 -жүргізуші: Құпия сезім түсініктің құралы кім оны білмейді. Құшағы гүлге толы ару қандай әдемі!

1 -жүргізуші: Әр гүлдің атына байланысты өзіне тән мазмұны бар екенің білесің бе?

2-жүргізуші: Әрине мысалға, Сарғалдақ (анеион) –жалғыздық.

1-жүргізуші: Астра –бүкпе ой

2-жүргізуші: Валериан –жеңілдік

1-жүргізуші: Жасмин –құрмет

2-жүргізуші: Камелия –тектілік

1-жүргізуші: Қоңырау бас –дөрекілік

2-жүргізуші: Ландыш-бақыттың оралуы

1-жүргізуші: Лилия-айбындылық, ұлылық

2-жүргізуші: Маргаритка-сен мені сүйесің бе?

1-жүргізуші: Мимоза-ұялшақтық

2-жүргізуші: Раушан –сұлулық

1-жүргізуші: Сирень-алғашқы сезім толқуы

2-жүргізуші: Қызғалдақ- түсінісу

1-жүргізуші: Сары роза –көзге шөп салу

2-жүргізуші:

Бүгін қыз!

Жүрегі таза кірбіңсіз,

Мөлдір судай, көңілі таза кіршіксіз,Ақпанның ақ қарындай.

Кең далада жүріп жосатын

Ерке сұлу еліктің лағындай.

1-жүргізуші:

Бүгін-қыз

Ертең –ана,

Ұрпақ жалғар.

Махаббатпен сезімге толтырып,

Жаулап алар жігіттердің жүрегін

1-жүргізуші: ИС1А топ қыздарының орындауында Қазақ биі «Шашу»

2-жүргізуші: «Ел боламын десең, бесігіңді түзе! »-дегенде ұлы Мұхтар Әуезов, алдымен әйелдің жағдайын жаса әйелдің жағдайы түзелмей, қоғам түзелмейді дегенді меңзеді емес пе? Бұған кім құлақ асады?

1-жүргізуші: Әйелдер ала қап арқалап базар кезіп кетті. Бала тәрбиесі жайына қалды. Халқымыз ежелден қыз баланың тәрбиесіне ерекше көңіл бөлген.

2-жүргізуші:

Қыз бала- болашақ ана! Әрдайым анасы, ортасын ескертіп отыратын тыйым сөздер, ырымдар тәрбие құралы емес деп айта аласыз ба?

2-жүргізуші:

Тыйым - әдеп, иба, тәрбие. Сол тыйым сөздерді кішкентайынан құлағына сіңіріп өскен жастың миында болашақ өмір бағдарламасы бастайды.

2-жүргізуші: Жасырмай айтар болсам бар сырымды,

Тағдырым қарауылға қанша ілінді.

Ерліктің қос қанаты деп білем мен,

Аяулы Әлия мен Мәншүгімді, - деп батыр қыздарымызды бүкіл халық әнге қосады.