Қыз тәрбиесі қоғам тәрбиесі тәрбие сағаты

Қыз тәрбиесі – қоғам тәрбиесі

Мақсаты: қыз балаларға адамгершілік, адалдық, іс-қимыл, жүріс-тұрыс дағдысы, қыз намысы, сымбаты туралы жан-жақты мағлұмат беру арқылы қыз балалардың бойына рухани -адамгершілік, әдептілік, сыпайылық, тиянақтылық, имандылық, тазалық қасиеттерді дамыту. Жеке бас гигиенасын сақтауға, әдепсіздік пен азғындық жолға түспеуге тәрбиелеу.

Көрнекілігі: интерактивті – мультимидиялық кабинет жабдықтарын пайдалану.

Әдісі: пікірлесу, әңгімелесу, сұрақ-жауап, салыстыру

Формасы: тренинг

Тренинг өтілетін орын: мектептің мәжіліс залы

Безендірілуі: Шарлар, гүлдер, тақырыпқа орай жасалған көрме, ұлағатты сөздер жазылған қағаздар

Армысыздар құрметті ұстаздар, оқушылар, кешіміздің қонақтары! Бүгін мектебімізде осынау нәзік жандар, әсем арулар тақырыбына арналған «Қыз тәрбиесі – қоғам тәрбиесі» атты тренингке қош келдіңіздер!

Қыз балалардың көрiктi болып өсуiне ертеде аналары ерекше көңiл бөлген. «Аттың көркi – жалы, арудың көркi – шашы» деп ұққан аналар қыздың шашын дұрыстап күтiп-өсiрудi өнер санаған. Шаштарын қос бұрым немесе бестемше етiп өру бойжеткен қыздардың көркi болған. Халық жырларында аруларды «Шашының ұзындығы iзiн басты» немесе «Шаштарын он күн тарап, бес күн өрген», «Қыпша бел, қиылған қас, қолаң шашты» деп сипаттаған.

Халық арасында бойжеткен қызды ажарына қарай жетіге бөлген:

Әдемі қыз - баппен сөйлеп, биязы күліп, жақсы-жаманның жөнін біліп тұратын;

Көрікті қыз - істі үйіріп, сөйлесе бұйырып, баурап алатын, бірден көзге түсе қоймайтын;

Шырайлы қыз - көз жанары өткір, бет-әлпеті балбұл жанған, тәні шымыр;

Сұлу қыз - сөзі өткір, өзі пысық, өрескелдікті сүймейтін, болмашыға пісіп-күймейтін, келбетті;

Ару қыз - бет пішіні, дене мүсіні келіскен, сөзі сыпайы, өзі әдепті, сұңғақ бойлы, терең ойлы;

Ажарлы қыз - дене бітімі жинақы, тығыршықтай, сөзі салмақты, ісі тиянақты;

Әсем қыз - жүзі жылы, өзі ұяң, тәні нәзік.

«Жағдаяттан қалай шығасың?»

1. Сен көшеде өтіп бара жатырсың. Көшеде екі оқушы бала төбелесіп тұр. Сен оларға не айтасың немесе қасынан өтіп кете бересің бе? 2. Мысалға сен концерт карауға кешігіп келдің. Сенің орнын 15 қатар және сол катардың орта шамасында. Барлық орында адамдар отыр. Сен өз орнына жету үшін адамдардың алдынан қалай өтесің? Алдынан өтсең артқа қарап өтесің бе немесе алға қарап өтесің бе? 3. Сен автобуста орындықта отырсың. Бірер минуттың ішінде кісі лық толып кетті. Қасында үлкен қарт атай және сенің мұғалімің тұр. Сен орнынды кімге бересің? Әлде отыра бересің бе?4. Сен қоғамдық орында келе жатырсың. Алдыңнан екі қыз жерге қоқыстарды лактырып келе жатыр. Сен қандай күйде боласың. Қоқыстарын қоқыс жәшікке саласың ба? Қандай әрекет жасайсың?5. Қыздардың барлығын да «әдеміліктің,…