Қыздар тәрбиесіне арналған психологиялық жаднама

Аналарға кеңес

Қыз бала – ұлттың ұяты,

Халықтың шырайы.

1. Қызыңыз сізге 13 жастан бастап барлық сырын бөлісе алатындай құрбы болыңыз.

2. Қызыңыздың алғашқы етеккірі келген сәттен бастап ашық түрде әңгімелесіңіз.

3. Өтпелі кезеңде қызыңыздың мінез-құлқына және жүріс-тұрысына көңіл бөліңіз.

4. Қызыңыз сән қуып, тар киімдер яғни корсет, белдік, тар төсқап тағуға жол бермеңіз.

5. Жыныстық қатынас арқылы берілетін инфекциялық аурулардың түрлерін, олардың қалай жұғатынын және оның зиянды жақтарын түсіндіріп отырыңыз.

6. Қызыңыз мектеп жасынан жүкті болып қалмау жағдайын түсіндіріңіз.

7. Жыныстық жолдар арқылы берілетін аурулардан сақтанудың жолы тұрмысқа шыққанша жыныстық қатынасқа бармау керектігін ұғындырып отырыңыз.

8. Қызыңызды ішімдік, темекі сияқты зиянды әрекеттерден аулақ болып, салауатты өмір салтын ұстануға үйретіңіз.

«Қыз» ең қасиетті сөз.

Қасиетті болатыны бүкіл адамзат қыздан тарайды. Қыз келін болады, келін анаға айналады, ал ана әже деген зор дәрежеге жетеді. Осы үшеуі арқылы ұрпақ өсіп, ұлт қатарын көбейтеді.

Қыздар тәрбиесіне арналған жаднама

1. «Қызым үйде – қылығы түзде» дегізбей анаңа бар сырыңды жасырмай айтып, сырыңмен бөлісуді әдетке айналдыр.

2. Бос уақытыңды тиімді пайдалануды үйрен кітап оқып, түрлі үйірмелерге қатыс.

3. Жеке бас гигиенасын яғни іш-киімдеріңді үнемі таза ұстауды естен шығарма.

4. Жігітпен жүрмес бұрын, оның қандай адас екеніне қатты көңіл бөл, яғни сенуге болатын адам екеніне көз жеткіз.

5. Бой жеттім маған бәрі болады деп, Батыс елінің мәдениетіне еліктеп өзіңді жоғалтып алудан сақтан.

6. Өзіңді қарапайым қазақ қызы екеніңді ұмытпа, өйткені ата-анаң, бауырларың, өзің оқыған алтын ұя мектебің барлығы өзіңе үлкен үміт артып отыр деген пікір қалыптастыр.

7. Күйеуге шықпай тұрып, жүкті болудан сақтан, өйткені жігіттің ештеңесі кетпейді, зардар шегетін өзің ғана және ата-анаң елге қараудан қалатынын ойлан.

8. Жыныстық қатынасқа ерте түсу түрлі жұқпалы аурулардың жұғуы, әсіресе жазылмас дерт СПИД-ке шалдығудың көзі екенін жадыңнан шығарма.

9. Аборт жасату, я болмаса жүктілікке қарсы құралдарды пайдалану, бұрын балалы болмаған қыздарға қаншалықты зиян екенін ұғын.