Қызылорда кеше, бүгін, ертең 7-сыныпқа арналған эссе

Қызылорда: кеше, бүгін, ертең

Әзен Гауһар Жеңісбекқызы

Қызылорда облысы, Қазалы ауданы,

Әйтеке би кентіндегі №170 орта мектептің

7 «Б» сынып оқушысы

Жетекшісі: Көшекпаева Жадыра Келінбайқызы

200 жылдық тарихы бар қырдай құлпырған Қызылорда қаласы туралы сыр шертсем, дәптерге сыймайтын да шығар. Рас, кешесі мен бүгінінің өзінде ауыз толтырып айтатындай тарихтан өз орнын алған маңызды оқиғалар көп болды.

Лайық келген бұл атқа,

Нағыз Қызыл ордасың.

Ұқсап - бас қалаға,

Астана да болғансың.

Осыдан 200 жыл бұрын іргетасы қаланған - Ақмешіт қазақ жерінің астанасы, бас қаласы болды және бұл өңірден талай дарынды ұл- қыздары мен кемеңгер тұлғалар өсіп шықты. Аты әлемге әйгілі Қорқыт Ата болса, төрткүл дүниеге аты жайылған бізге мол мұра қалдырған, өзіндік болмысымен ерекшеленген абыз. Әулиелердің жебеушісі. Ал, бұлбұлдай сайраған жезтаңдай әншілеріміз – Роза менен Мәдина еліміздің саңлақтары. Дауыстары сылдырап аққан су секілді нәзік, қос апамыз өнердің биік шыңын бағындырды. Роза Бағланова Ұлы Отан соғысы жылдары өзінің әсем әуенімен жауынгерлерге рух беріп, намыстарын көтерді. Соғыстан қорықпай, осындай ерлік жасағаны үшін оған «Халық қаһарманы» деген атақ берді.

Елін- жерін жаудан қорғаған батырларды қалай ұмытамыз? Ақ білектің күшімен, ақ найзаның ұшымен Ақтан, Жанқожа батыр, Жалаңтөс Баһадүр – туған өлкесін сыртқы дұшпандарынан ақтық демі қалғанша жан алысып, жан беріспей қорғады.

Бұл өлке киелі өлке, дана құшқан,

Билікте әділ болған Бекарыс хан.

Жалаңтөс Баһадүрдің Отаны бұл,

Дүниеде одан өткен жоқ арыстан, - деп өзімнің туған жерімдегі батыр бабаларымның ерлігін мақтан тұтамын. Осындай батырлардың ерлігін біз мәңгі есте сақтаймыз. Осыған орай, Ауданымыздағы Мәдениет үйі мен Білім бөлімінің ұйымдастыруымен Елбасының «Болашаққа бағдар: рухани жаңғыру» бағдарламасын насихаттау мақсатында және Қызылорда қаласының 200 жыл толу мерекесіне байланысты түрлі іс- шаралар өткізілді. Қызылорда қаласының 200жылдық мерейтойына Қазалы өңірі «Жалаңтөс Баһадүр» аллеясын қайта жаңғыртып, тарту етті. Қала мерейтойына арналған концерт «Сыр- Алаштың анасы – Қызылордам, шашу шашты Қазалы ән мен жырдан» деп аталды.