Кеше, бүгін, ертең ұғымдарына арналған сабақ жоспары

Білім беру саласы: «Таным»

Ұйымдастырылған оқу қызметі: Қарапайым математикалық ұғымдарды қалыптастыру

Тақырыбы: «Кеше, бүгін, ертең»

Мақсаты: Балаларға «кеше», «бүгін», «ертең» сөздерін қолдануға үйрету. Балаларға берілген сан бойынша заттарды санауға үйретуді жалғастыру (үш үйрек, бес көжек және т.б.). Заттарды биіктігі бойынша өсу және кему ретімен (ең биік, аласа, тым аласа ,өте аласа және керісінше ең аласа, биік , ең биік) орналастыра білуін бекіту.

Көрнекіліктер: хат, аспан, жұлдыздар суреті, шардан жасалған планеталар, сандар, уақытты бағдарлауға суреттер, биіктігі әртүрлі заттар сурет

Әрекет кезеңдері

Тәрбиешінің іс- әрекеті

Балалардың іс-әрекеті

Мотивациялық- қозғаушылық

Шаттық шеңбері:

Күннің көзі ашылып,

Көкке шуақ шашылып.

Құтты қонақ келіпті,

Төріме міне еніпті.

Еліміз аман болсын!

Аспан ашық болсын!

Береке бірлік болсын!

Ақылды, тәртіпті болайық!

Үлкенді сыйлайық.

Деніміз сау болсын!

Бәріміз дос болайық

Амандасып, шаттық шеңберіне тұрады

Іздену - ұйымдастырушы

Балалар, бүгін мен балабақшаға келгенде үстел үстінен бір хат

тауып алдым. Оны бізге Елдостың ата-анасы жазыпты.

Елдосты космос қарақшылары ұрлап, өзге планетаға алып

кетіпті, оны құтқару қажет. Сендер құтқаруға дайынсындар

ма?

- Қорықпайсындар ма?

- Онда жолға шығайық. Міне біз де ұшып келдік. Космос

қарақшылары планеталарды сиқырлап қойған. Елдосты

құтқару үшін біз әр планеталардағы тапсырмаларды

орындауымыз керек.

Планеталар-шарлар ілініп тұрады, әрқайсысында тапсырма

1 тапсырма:

- Қазір жылдың қай мезгілі?

- Көктем мезгілі.

- Көктемде болатын табиғат өзгерістері туралы айтып

беріңдерші?

- Күн жылы болады, құстар ұшып келеді. күн ұзарады, жерге

шөп шығады.

- Көктемде неше ай бар?

- Көктемде үш ай бар: наурыз, сәуір, мамыр.

2 тапсырма: Апта күндерін ата.

3 тапсырма. Балалар, космос қарақшылары сиқырлаған кезде, сандар араласып кетіпті, соларды орындарына ретімен қою керек.

4 тапсырма: Сандарға арналған санамақ айту:

5 тапсырма: Сурет бойынша уақытты бағдарлау. (Кеше, бүгін, ертең.)

Ойын: «Дұрыс тыңда»

Шарты: Сылдырмақ соғылуын санай отырып, 1-ден 5-ке дейін

белгіленген сандарды көрсетеді.

7 тапсырма: Дидактикалық ойын: «Дұрыс орында»