Қызықты әлем бастауыш сыныпқа арналған материал

Түсінік хат

Ғылыми-техникалық прогрестің қарқындап дамуы биосфераға тікелей ықпалын тигізіп, жер шарындағы экологиялық жағдайдың күн сайын қиындап бара жатқанын көрсетіп отыр. Соңғы жылдары республикамыздың табиғаты бұрын-соңды болмаған өзгерістерге ұшырауда.

Соған байланысты бүгінгі таңда жастарға, жаппай үздіксіз экологиялық білім мен тәрбие беру мәселесі мемлекеттік деңгейде қойылып отыр. Ол "Қазақстан - 2030" даму стратегиясында басты орын алады.

Экологиялық сана мен экологиялық мәдениетті мектеп жасынан қалыптастырып, кәсіпкерлік және нарықтық шаруашылықтың заңдылықтарымен оқушыларды міндетті түрде таныстыра отырып, экологиялық білім негіздерін ұғындыру кезінде жеке тұлғаның шығармашылық ойлау қабілетінің дамуын қарастыру қажет. Экологиялық біліктілікті терендетуге жаңа саналық деңгейде экологиялық тапсырмалар, шығармашылық жұмыстар жүргізу, окушылардың өз бетімен ізденіп, жұмыстарына талдау жасауына өз септігін тигізеді.

Қызықты география үйірмесінің мақсаты:

География ғылымының зерттеу обьектісі – адам мен қоршаған орта арасындағы қарым-қатынастарды, табиғи тепе-теңдіктің бұзылуын, табиғи қорлардың сақталуын, олардың себеп-салдарын, жергілікті жердің экологиялық жағдайын анықтау. Ең бастысы, биосфера тіршілігінің тұрақтылығын сақтау үшін «адам-қоғам-табиғат» арасындағы үйлесілімдікті, ізгілікті, бір тұтастықты үйлестіру болып табылады. Ол үшін адамзаттың санасына, ой-өрісіне, танымдық көзқарасына – қоршаған орта мен қоғам және болашақ ұрпақтары үшін қажеттілікті сезіндіру керек, яғни табиғатқа деген тұрпайы түсініктен арыла отырып, экологиялық білімді ұрпақ тәрбиелеу.

Қызықты география үйірмесінің міндеттері:

- табиғи қорларды тиімді пайдалану мен қорғауда жеке адамның жауапкершілігін күшейту;

- қоршаған орта мен адамзат арасындағы үйлесілімдікті сәйкестендіру;

- антропогендік өзгерістер мен қоршаған ортаның ластануына жол бермеу;

- адамның іс-әрекетіне баға беру және адам денсаулығын сақтау;

- жергілікті жердің экологиялық жағдайын анықтау, гидрологиялық, лабораториялық зерттеулер жүргізу;

-оқушыларды сарамандық жұмыс арқылы зерттеу жұмыстарына үйрету;

- экологиялық білім, әдеп, сана мен мәдениетті қалыптастыру;

Күтілетін нәтижесі:

-табиғат пен қоғам арасындағы қарым-қатынасты қалыптастыру

-географиялық мәдениетті дамыту

-қоршаған ортаны қорғауда белсенді бағытты ұстау және алған білімді тәжірибе жүзінде іске асыру

«Қызықты география» үйірмесінің күнтізбелік-тақырыптық жоспары

Өтілетін іс-шаралар

Сағат

саны

Мерзімі

Жерге жалпы сипаттама.

Әлем жануарлары

Туризм күні

Туған табиғаттың бір бөлігі өсімдік

Дүниежүзілік хайуанаттар күні

Туған өлкенің ауарайы