Қызықты информатика бойынша авторлық бағдарлама, 8-сынып

8 - сынып

Информатика пәні мұғалімі:

Ходжаева М.

Түсініктеме хаты

Қазіргі уақытта информатиканың мектеп оқушыларын еңбекке, кәсіптік қызметке баулуда, жастардың кәсіптік бағдарды өздері айқындауында рөлі өте зор. Ақпарат қызметінің өсе түскен мәні еңбек ресурстарының материалдық жүйеден ақпараттыққа ауысуына ықпал етеді. Тікелей ақпаратты өндеумен қатар жаңа мамандықтар пайда болуда. Ақпараттық құрам адамның болашақтағы технологиялық дайындығының басты құрамдас бөлігіне айналады.

Қоғамдық – гуманитарлық бейімге арналған информатиканың ұсынылып отырған курсы информатиканың базалық курсынан жалғасы болып табылады. Ол маңызы бар жалпы мәдени және жалпы білім мәселелеріне арналған. Информатика оқушылардың бұдан бұрын оқып – үйренген аспектілеріне неғұрлым тереңірек игеруіне және гуманитарлық саладағы кәсіби қызметте немесе оқуда қажетті дағдыларды иеленуіне мүмкіндік береді.

Қоғамдық – гуманитарлық бағытқа арналған информатика бойыша білім берудің мазмұны: теориялық информатика, ақпараттандыру құралдары, ақпараттық технологиялар,нақты жұмыс істеуді уйрету. ЭЕМ-де жұмыс істеп отырған әрбір адам үшін мәтіндік және графикалық интерфейстің принциптері толық баяндалған, технологияны баяндау барысында көптеген есептермен тапсырмаларда информатиканың негізгі идеялары мен жеке қолданылатын дербес компьютердің жұмыс істеу принциптері қарастырылады.

Оқушының дайындық деңгейіне қойылатын талаптар

Оқушы білуі тиіс:

Мәтіндік редактордың құрылысын білу;

Негізгі ұғымдарын білу;

Таблица құрастыруды білу;

Жаңа бағдарламалық қамтамасыз ету;

Мәтіндік құжаттарды ресімдеудің элементтері;

Мәтіндік процессорларды автоматты ретке келтіруді тағайындау және мүмкіндіктері;

Үстелдік баспалық жүйелер, олардың мүмкіндіктері, бағдарламалық қамтамасыз ету;

Интернетте жұмыс істей білу;

Оқушы істей білуі керек:

Графикалық программамен жұмыс істеу;

Компьютерде қолданбалы бағдарламалық қамтамасыз етуді орнату;

Мәтіндік редакторларын параметрлерін ретке келтіру;

Excel-де жұмыс істеу;

Баспалық жүйенің көмегімен макеттеу мен хаттауды жүргізу;

Қазіргі замаңғы офистің техникалық құралдарымен жұмыс істеу;

Құжаттарды тану жүйелерімен жұмыс істеу.

Кіріспе

«Информатика» пәнін оқыту үдерісінде оқытушы «Қазақстан Республикасында жалпы орта білім берудің мемлекеттік міндетті стандарттарын» басшылыққа алуы тиіс. Аталған стандарт «Информатика» пәні бойынша білім берудің міндетті минимум мазмұны мен оқушының дайындық деңгейіне талаптарды белгілейді және төмендегілерді айқындайды:

Информатиканы оқып-үйренудің негізгі мақсаты:

Оқушы дүниетанымының ғылыми негіздерін қалыптастыру;

Оқушының ойлау қабілеттерің дамыту;

Оқушының ақпараттандыру құралдарын, ақпараттық технологияларды меңгеруі;

Оқушыны өмірге, еңбекке және білімін жалғастыруға дайындау.

Информатиканы оқып-үйренудің негізгі міндеттері:

Қоғамның дамуында, адам еңбегінің сипаты мен мазмұнының өзгеруінде жаңа ақпараттық технологиялардың ролін айқындау, қоғамның постиндустриялық, ақпараттық даму сатысына өтуініңалғышарттары;

Оқушының теориялық, шығармашылық ойлау қабілетін дамыту;

Ойлаудың жаңа типін-онтайлы шешімдерді тандауға бағытталған операциялық ойлауды қалыптастыру;

Ақпараттандыру құралдары, ақпараттық технологиялар саласында білімді, дағдылар мен тәжірибелерді қалыптастыружәне дамыту;

Формалдылық, модельдеу, компьютерлік тәжірибе және т.б. тәрізді ғылыми танымның қазіргі заманғы әдістерін меңгеру;

Оқушыны еңбекке, кәсіптік өзін-өзі бағдарлауға баулу.

Оқудың мазмұны