Қызықты математика авторлық бағдарламасы

Түсінік хат

«Қызықты математика» бойынша арнайы курстың жалпы жылдық жүктемесі, барлығы 34 сағат, аптасына 1 сағат болып құрылған.

«Қызықты математика» оқу пәні бастауыш білім беру деңгейінде оқытылады.Бастауыш сыныпта математика пәнін оқытудағы ең басты міндет баланың логикалық ойын дамыту.Оқу әдістемелік көмекші құралдармен шектеліп қана қоймай, баланың ойлау қабілетін дамытатын есеп, жұмбақ, басқатырғыштар пайдалану тиіс. Ол үшін сабақтан тыс факультативті сабақтарда немесе жеке топтық жұмыстардың көмегімен баланың пәнге деген қызығушылығын арттыруға болады.

Қазіргі таңда қоғамды дамыту үшін мектептің алдында тұрған негізгі міндеттердің бірі-оқушылардың шығармашылық қабілетін барынша ашып, толыққанды қоғам құруға өзінің бар мүмкіндігін жұмсайтын шығармашылық қабілетті жеке тұлға қалыптастыру.Сондықтан «Қызықты математика» курсын оқытуда оқушыларға оқу материалын еске сақтау емес, осы материалды шығармашылықпен қолдау шеберлігін қалыптастыруға көп көңіл бөлінеді. Математикалық есептерді шығару үрдісінде оқушылардың шығармашылық қабілеті жеке тұлға қасиеттері қалыптасады. Есеп шығару шеберлігі арқылы оқушының математикалық танымының дамуын және оның ой әрекетінің белгілі бір сапасын анықтап, дамытуға болады.

«Қызықты математика» сабағының мақсаты:

-Оқушыларға білім, білік дағдыларын игерту;

-Шығармашылық қабілеттерін арттыру;

-Зейін, еске сақтау, байқағыштық, қиялдау, өздігінен білім алуға, ізденуге бейімдеу;

-Шапшаң есептеу қабілеттерін дамытуға тәрбиелеу.

Міндеттер:

-Оқушылардың тұлға ретінде қалыптасуына әсер ету;

-Ақыл-ойын және ерік пен сезім белсенділігін арттыру;

-Логикалық ойлау қабілеттерін арттыру;

-Оқушылардың танымдық қабілетін дамытып, қызығушылығын арттыру.

Оқушылар біліміне қойылатын талаптар:

-Есепті шығару амалдарын білуі, ықтималдылықтың қарапайым түсініктерін, логика, жиын теорияларын білуі тиіс.

-Қарапайым тұжырымдар құра білу, логикалық операциялар қалыптастыру.

-Өз бетімен шығармашылық әрекеттер жасаудың тәжірибесін меңгеру.

-Математикаға тән ойлау стилін, оның абстрактылығын, дәлелденуін, қатаңдығын

-Талдау, салыстыру, жалпылауды қолдану

-Математикалық белгілерді дұрыс қолдану

-Көп таңбалы сандарды көбейту және бөлу

«Қызықты математика» бағдарламасының тақырыптық жоспары, аптасына 1 сағат,жылына-34 сағатты қамтиды.

Тақырыптар

Сағат

саны

Уақыты

Кіріспе (1 сағат).

Математика ғылымының шығу тарихы.

2.«Математикалық ойлау есептері» (8 сағат).

Көп таңбалы сандарды көбейту және бөлу.

Сандар қатарын жалғастыр.

Ұлттық ойындарға қатысты есептер.

Масса, ұзындық, уақыт бірліктеріне логикалық жаттығулар.

Мәтіндік есептер.

Күрделі теңдеулер шеш.

Тест тапсырмалары.