Қызықты математика бағдарламасының оқу жоспары

Түркістан облысы Ордабасы ауданы Ордабасы ауылы

«Ордабасы» жалпы орта мектебі коммуналдық мемлекеттік мекемесі Сиқымбаева Ұлжалғас Жақсылыққызы

Түсінік хат

«Қызықты математика» оқу құрал жалпы білім беретін мектептің 1-ші сыныбына арналып жасалған. Бұл курстың апталық жүктемесі 1 сағат, ал жылдық жүктемесі 33 сағат.

Ұсынылған отырған оқу құрал 1-ші сыныпқа арналған «Қызықты математика» пәнінің оқу бағдарламасына сәйкес және ҚР Үкіметінің 2015 жылғы 15 сәуірдегі №370 қаулысымен бекітілген бастауыш мектептің мемлекеттік жалпыға міндетті стандартына негізделіп құрастырылған. Бұл құралда алынған материалдар 1- сынып оқушыларының жас ерекшеліктеріне сай ұсынылған. Бұл оқу құралында алынған әр тапсырманың оқу мақсаты оқушыға түсінікті қарапайым тілде берілген. Оқушылардың логикалық ойлауын, тапқырлығын шыңдауға арналған тапсырмалар жиыны түрінде ұсынылған.

Мұндағы тапсырмалар сыныпта да, үйде де тәжірибе арқылы орындауға болатындығымен өзгешеленеді.

Әрбір сабақ 1-ші сынып оқушысының жас ерекшелігіне бейімделген тілмен тұжырымдалған оқу мақсатынан басталады. Оқушыларға алынған тапсырмалар көрнекі сурет бойынша алынған. Бұлай алынған жұмысты оқушы өздігінен де орындауға қызығады.

Оқушы бойында білім алу, іздену, өз ой қорыту, жеке шешім қабылдау дағдыларын тәрбиелеуде түрлі стратегияны қолдандым:

- оқушының жеке пікірін тыңдау, олардың өздерінде бар білім, білік, дағдыларын қолданудың маңыздылығына назар аудару;

- мұқият тыңдалған тапсырма, іс-әрекет түрлерінің көмегімен оқушыларды ынталандыру, қызығушылығын арттыру;

- оқушыларға түсінікті жолмен тапсырманы шешу жолын үйрету;

- зерттеу тәсілі негізіндегі белсенді оқытуды енгізу;

- оқушылардың сыни тұрғыдан ойлау дағдыларын дамыту;

- жеке, топтық, ұжымдық жұмыс істеу түрлерін ұйымдастыру;

- математикалық білімдерді тәжірибеде қолдану арқылы іс-әрекетті ұйымдастыру;

- оқушыларды өз жұмысын бағалауға және түзетуге ынталандыру.

- күнделікті өмірмен байланыстыра отырып, алған білімін тәжірибеден өткізуге ықпал жасау.

Оқу құралын толық меңгеру барысында оқушылар төмендегі тапсырмалар бойынша өздігінен жұмыстар атқара алады.

-геометриялық мазмұндағы және кеңістік ұғымын дамытуға арналған тапсырмаларды орындау;

- жиынмен байланысты амалдарды орындауға арналған жаттығулар;

- математикалық басқатырғыштарды шешу жолын табу;

- логикалық қортындыларды талдау арқылы дәлелдеу;

- математикалық лабиринттермен жұмыстар жургізе алады;

- көңілді жаттығулар шешуге дағдыланады;

- сөзжұмбақтар, көңілді жаттығулар шешуге үйренеді.

Бұл құрал 1-ші сынып оқушыларына арналып жасалғандықтан мұндағы тапсырмалар олардың жас ерекшелігіне лайықталып жасалған.

Білім беру мақсаты:

Баланың тұлғалық қасиеттерін , ақыл-ойын, қиялын,зейінін, еске сақтау, байқағыштық, қиялдау, танымдық іс-әрекеттер арқылы өздігінен білім алуға, ізденуге бейімдеу.

Міндеттері:

оқушының тұлға ретінде қалыптасуына әсер ету;

ақыл-ойын мен өз көзқарасын дәлелдеуге үйрету;

логикалық ойлау қабілеттерін жетілдіру;

математикалық тілде сөйлеу машығын қалыптастыру;

оқушылардың танымдық қабілетін шыңдау, математикаға қызығушылығын арттыру.

Күтілетін нәтиже

-қызықты ойын есептерді шеше алады;

- өз көзқарасын дәлелдеуге талпынады;

- логикалық ойлау қабілеттері жетіледі;

-математикалық тілде сөйлеу машығын қалыптасады;

-математикаға қызығушылығы артады.

Пәнді меңгеру деңгейіне қойылатын талаптар

Оқушы бойында білім алуға, іздену, өз ой қорыту, жеке шешім қабылдау дағдыларын қалыптастыру;

- оқушының жеке пікірін тыңдау арқылы, олардың өздерінде бар білім, білік, дағдыларын қолданудың маңыздылығына баса назар аударту;

- мұқият тыңдалған тапсырма, іс-әрекет түрлерінің көмегімен оқушыларды ынталандыру, қызығушылығын арттыру;

- оқушыларға түсінікті жолмен тапсырманы шешу жолын үйрету;

- зерттеу тәсілі негізіндегі белсенді оқытуды енгізу;

- оқушылардың сыни тұрғыдан ойлау дағдыларын дамыту;

- оқушыларды өз жұмысын бағалауға және түзетуге ынталандыру.

Оқушы білуі керек: