Қызықты оригами шеберлік сыныбы мектепке дейінгі балаларға

Тақырыбы: « Қызықты оригами»

Мақсаты: Оригами туралы қысқаша түсінік беру.Оригами арқылы жасалатын жұмыс түрлерімен таныстыру,қағазды бүктеу арқылы ертегі желісі бойынша түрлі заттар жасай білуге үйрету,есте сақтау қабілеттерін дамыту.

1.Оригами – қағазды бүктеу арқылы әртүрлі аңдарды, құстарды, гүлдерді жасауға мүмкіндік беретін жапон өнері . Оригами сөзі "ори" - бүктелген, ал "ками" – қағаз дегенді білдіреді.Ең негізгі жұмыс құралы – қағаз болып табылады. Ең негізгі жұмысты атқаратын – ол қол. Бұл қолмен қағазды бүктеу арқылы әдемі ойыншықтар мен геометриялық фигуралар жасауға арналған сабақ түрі. ҚМҰҚ,құрастыру ұйымдастырылған оқу іс әрекеттерінде пайдаланамын.Әсіресе,құрастыру кезінде мынандай оригами түрлерін балалармен отырып жасаймын (слайдтан көрсету) Жасаған дайын фигураларды сыйға тартуға және қағаздан жасалған ертегі кейіпкерлермен көрініс көрсетуге болады. 2. Балалардың ой-өрісінің дамуы мен тәрбиесіне - оригами үлкен роль атқарады. Оригами - мидың оң жақ сол жақ жартышарларының белсенді қызмет жасауына ықпал жасайды, себебі жұмыс бірден екі қолмен атқарылатын болғандықтан, қолдың қимылы бақыланады.

3.Бүгінгі сіздермен, оригамиді қолдана отырып, ертегі желісі бойынша түрлі заттарды жасап үйренеміз.Өзінің жерін сатып саяхатқа аттанған шаруа туралы оригами. Ертегіге шаршы бет дайындау керек. Ол үшін А-4 ақ қағазын алып, ертегіге кірісейік.

Ертеде бір шаруа және оның жері болыпты. Ақ бетті көрсетіңіздер.

Шаруа жұмыс істеуден әбден шаршап, өз жерін сатып, оның ақшасына бейқам өмір сүргісі келіпті. Ол өзінің жерінің диогоналын өлшепті. Бетті диогоналынан бүктеп, қайта жазыңыздар.

Екінші диогоналын өлшепті. Бетті екінші диогоналынан бүктеп, қайта жазыңыздар.

Шаруа өз жерінің біраз бөлігін сатып, түскен ақшаға өмір сүре бастайды. Беттің белгіленген ортасына 4 бұрышты бүктеңіз.

Ақшасы таусылған шаруа жерінің тағы бір бөлігін сатады. Бетті аударып тағы да 4 бұрышты ортасына қарай бүктеңіз.

Бұл ақшада тез таусылады. Сонда шаруа ел көргісі келіп, тағы да біраз жерін сатады. Тағы бетті аударып, қарама-қарсы бұрыштарын бүктеңіздер. Қалған 2 бұрыштың жанына қарай бір уақытта соза түсіңіз, және екіге бөліңіз, сонда кеме шығады.