Сиқырлы суреттер жасауға арналған шеберлік сыныбы

«Сиқырлы суреттер» /майшаммен сурет салу/

(шеберлік сыныбы)

Мақсаты: Мектеп жасына дейінгі балаларды шығармашылық іс-әрекетке қызықтыра отырып,елестетуін,ойлауын,зейінін,түс пен пішінді сезінуін жетілдіру, саусақ қимылдарын дамыту.Сурет салудың дәстүрден тыс тәсілін қолдану арқылы көркемдік-эстетикалық тәрбие беру.

Қажетті құралдар: қағаз, қарындаш, акварель бояуы, майшам, қылқалам.

Жүргізілу барысы:

-Сәлеметсіздер ме? - Көңіл - күйлерің қалай? - Сендер қайда келдіңдер? - Біздің балабақшамыз қандай? - Балабақшаға келер жолда не көрдіңдер? (Балалардың жауаптары) - Өте дұрыс,балалар,балабақшаға келер жолда көше бойындағы үйлерді, ағаштарды, жолдағы көліктерді, жүргіншілерді көреміз.

Бүгінгі оқу іс - қызметімізде осы көргендерімізді қағаз бетіне түсіру үшін ерекше тәсілді қолданамыз.Ол үшін бізге қағаз,қарындаш,акварель бояуы,қылқалам және майшам қажет. - Майшамның не үшін пайдаланылатынын білесіздер ме? Балалардың жауабы - Ал біз бүгін майшамды сурет салу үшін пайдаланамыз.

1 . Көше бойындағы үйлерді қарындашпен салып аламыз. 2 . Терезелерін саламыз. 3 . Қарындаш ізін майшаммен бастырып шығамыз. 4 . Үйлердің терезелерін түгелдей майшаммен бояп аламыз. 5 . Құстарды тек майшаммен саламыз. 6 . Енді өзімізге ұнайтын жылы түстермен үйлерді бояймыз. 7 . Күнді сары түспен бояймыз. 8 . Қылқаламды таза суға батырып ашық жерді сулап аламыз. 9 .Көгілдір,көк,күлгін түстермен аспанды бояймыз.

Міне,біздің сиқырлы суретіміз де дайын болды.Майшаммен сурет салу сіздерге ұнады ма?

Олой болса,мен сіздерге «Жасырынған суреттер» атты тапсырмалар беремін.Қолдарыңызға берілген ақ қағазды кез келген өзіңізге ұнайтын түспен бояп шығыңыз.Ненің суреті шықты?

(Дайын суреттерден көрме ұйымдастыру)

Сіздермен жұмыс істегеніме өте қуаныштымын.Бәріңізге рахмет!